I Pot 22:36 - Sơ̆p Hlabơar Nơ̆r 'Bok Kei-Dei

³⁶ Lăp 'năr wă mơ̆t bơih đei nơ̆r pơma rơ̆n đơ̆ng lăm lu linh khan: “Rim 'nu athei brŏk tơ pơlei sư kơdih păng rim 'nu athei weh tơ char sư kơdih!”

I Pot 22:36 ပူးပေါင်းရင်းမြစ်များ

II Sam 19:8

Pơtao iung lĕch ngôi 'bơ̆t 'măng jang pơlei. Đĭ-đăng kon pơlei pơla băt khan pơtao ngôi 'bơ̆t 'măng jang pơlei, na pơma dơnuh hăm pơtao. Kơplah noh lu linh Isơrael kơdâu brŏk tơ hnam lu sư kơdih.

I Pot 12:16

Lăp lu bơngai Isơrael 'bôh pơtao ưh pă mơ̆ng lu sư bơih, lu kon pơlei pơla khan kơ pơtao “Lu nhôn hăm đei kiơ lăm Đawit? Nhôn hăm đei yua tơmam kiơ lăm kon drŏ-nglo Jese. Ơ lu bơngai Isơrael! Iĕm athei brŏk tơ bơsŭn iĕm kơdih. Ơ Đawit! Ih athei lăng bĕ kơ hnam ih kơdih.” Na lu bơngai Isơrael wih brŏk tơ bơsŭn lu sư kơdih.

I Pot 12:24

'Nâu Kră Yang khan: 'Nĕ kơ năm tŏk blah lu bơngai Isơrael 'nhŏng oh iĕm. Rim 'nu athei brŏk bĕ tơ hnam sư kơdih, yua kơ tơdrong 'nâu lĕch đơ̆ng Inh.” Lu sư chu nơ̆r Kră Yang khan, brŏk tơ hnam sư kơdih kiơ̆ thoi nơ̆r Kră Yang bơtho tơ'bôh.

I Pot 22:17

Mikai khan: “Inh 'bôh đĭ-đăng bơngai Isơrael tơklah tơklang jơ̆p kơ kông kŏ thoi triu ưh kơ đei bơngai wei; păng Kră Yang khan: ‘Lu sư ưh kơ đei tơ'ngla, rim 'nu kơ lu sư athei brŏk tơ hnam kơdih hăm tơdrong hiôk-hian.’ ”

I Pot 22:31

Kơplah noh pơtao đe Aram đei krao păng pơkă ăn kơ pêng-jĭt 'bar 'nu yŏng linh đei lu gre aseh: “Iĕm 'nĕ kơ blah bu hŏ, lu hơ'lơ̆p dah mă lu bơngai 'lŏ, iĕm athei blah rĕng kơ minh 'nu pơtao đe Isơrael đĕch.”

I Pot 22:35

Lăm năr 'noh đei tơdrong tơblah rai tih; na đei bơngai bơring pơdơ̆ng pơtao lăm gre aseh sư, blah lu kon pơlei Aram. Truh kơsơ̆ sư lôch, pham lĕch 'bĕnh đơ̆ng rơka sư 'bĕnh kơ hơnă gre aseh.

I Pot 22:37

Pơtao lôch, na đe chơ ba atâu sư tơ plei Samari 'bŭ sư lăm Pơlei Samari.

II Pot 14:12

Linh đe Isơrael blah lê̆ lu đe Juđa thuơ, rim 'nu lu sư kơdâu ôn, brŏk tơ anih hnam lu sư kơdih.

Lu 21:24

Lu bơngai Isơrael weh đơ̆ng noh wih brŏk tơ adrĕch adrung sư kơdih rim 'nu wih brŏk tơ dêh char sư kơdih.

I Sam 4:10

Kon pơlei Philistin năm tơblah, bơngai Isơrael thuơ kơdâu ôn brŏk tơ bơsŭn lu sư kơdih. Noh bơih jĭ minh tơdrong tơblah thuơ tih dêh; pêng-jĭt rơbâu linh trong teh lôch glơch glach.