I Pot 22:30 - Sơ̆p Hlabơar Nơ̆r 'Bok Kei-Dei

³⁰ Pơtao Isơrael khan kơ Jêhôsaphat: “Inh năm tơ anih tơblah hrŭk hơbĕn ao hmă đĕch, mă-lei, ih kư̆ kơ hrŭk hơbĕn ao pơtao.” Thoi noh pơtao đe Isơrael hrŭk hơbĕn ao hmă pơm wă kơ đe ưh kơ băt na năm tơblah.

I Pot 22:30 ပူးပေါင်းရင်းမြစ်များ

II Sam 14:2

Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

I Pot 14:2

Na Jêrôbôam khan kơ akăn sư. “Ih pơm thoi bơngai nai, wă kơ đe ưh kơ băt ih akăn inh. Na năm tơ Pơlei Silô, Ahija bơngai khan Lê̆ adrol oei tơ noh, sư đei khan lê̆ adrol gah inh gô pơm pơtao lu kon pơlei pơla 'nâu.

I Pot 20:38

Đơ̆ng noh bơngai khan lê̆ adrol 'noh năm ngôi 'bơ̆t trong gô pơtao. Sư gom muh măt sư hăm che pơm bơngai nai.

I Pot 22:10

Kơplah noh pơtao đe Isơrael păng Jêhôsaphat pơtao đe Juđa hrŭk ao pơtao hơ-oei kơpal tang-dŏ pơtao tơ anih đe preh 'ba 'bơ̆t jê̆ 'măng jang Pơlei Samari. Đĭ-đăng 'bok khan lê̆ adrol oei pơma khan lê̆ adrol 'bơ̆t anăp bre sư.

II Ho 18:29

Pơtao Isơrael khan kơ Jêhôsaphat: “Inh gô hrŭk ao pha pơm thoi bơngai hmă na năm tŏk blah; gah ih athei hrŭk ao pơtao ih.” Pơtao Isơrael hrŭk hơbĕn ao hmă, dơ̆ng noh na bre sư năm tơblah.

II Ho 35:22

Mă-lei, Jôsia ưh kơ kơdŭn tơ rŏng, ưh kơ wă mơ̆ng nơ̆r Kră Yang đei yua Nêkô roi tơbăt; sư rai hơmet hrŭk hơbĕn ao tơwơ̆l năm tơ anăp tơblah hăm Nêkô; lu sư tơblah băl tơ lăm Thŭng Mêgiđô.

Horiso 12:2

Lu sư pơma hơlĕnh pơdăr pơma tơduă lu sư, 'bơ̆r pơma pơ'brơh jơhngơ̆m 'bar trong nơ̆r pơma.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

I Sam 28:8

Sôl sư pơm wă kơ đe ưh kơnăl hrŭk ao nai, năm chông ba 'bar 'nu bơngai kiơ̆, năm truh tơ hnam bơngai drŏ-kăn kơmăng, Sôl khan: Apinh ih krao tơgŭm ăn kơ inh tơdrong wă truh păng krao bơhngol bơngai lôch mă inh gô roi kơ ih.