I Pot 22:14 - Sơ̆p Hlabơar Nơ̆r 'Bok Kei-Dei

¹⁴ Mă-lei Mikai khan: “Sĭt tơpă Kră Yang mă arih, inh gơh pơma tơdrong kiơ mă Sư athei inh pơma.”

I Pot 22:14 ပူးပေါင်းရင်းမြစ်များ

I Pot 17:1

Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

I Pot 18:15

Êli tơl: “Inh dơ̆ng 'bơ̆t anăp Kră Yang tih hloh oei arih, inh gô tơ'bơ̆p Ahap năr 'nâu.”

I Pot 22:13

Bơngai mă đe wơh năm krao Mikai 'noh, sư khan: “Lu 'bok khan lê̆ adrol, lu sư pôm jơhngơ̆m hăm nơ̆r pơtao hơpơi rŏ kơ nơ̆r ih kư̆m khan lê̆ adrol trŏ thoi lu sư. Pơma bĕ mă 'lơ̆ng.”

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Je 34:6

Jêrêmi bơngai khan lê̆ adrol roi đĭ-đăng tơdrong noh kơ Sêđekia, pơtao đe Juđa tơ lăm pơlei Jêrusalem,

Je 42:4

Jêrêmi bơngai khan lê̆ adrol tơl: “Inh kơtơ̆ng boih, 'nâu, inh gô krao apinh Kră Yang 'Bok Kei-Dei lu iĕm, wă kơ băt tơdrong kiơ Kră Yang bơtho khan, inh gô roi ăn kơ lu iĕm băt, ưh kơ đei ôn ôh.”

Jo 22:18

Balaam tơl nơ̆r lu kră pơgơ̆r đơ̆ng Balak wơh thoi âu: Mă khan Balak ăn kơ inh hnam sư 'bĕnh kơ hu maih, inh kư̆m ưh kơ gơh pơhloh kơ nơ̆r Kră Yang 'Bok Kei-Dei inh tơtă, na pơm minh tơdrong mă tih mă iĕ.

Jo 22:38

Balaam tơl Balak khan: 'Nâu inh năm truh tơ ih boih, dang ei inh ưh kơ gơh chă pơma minh 'bar nơ̆r Inh gô pơma kiơ̆ mă Kră Yang 'Bok Kei-Dei ăn nơ̆r lăm 'bơ̆r inh.

Jo 22:8

Balaam tơl lu sư: 'Bĭch bĕ tơ âu măng 'nâu, inh gô roi ăn kơ lu iĕm kiơ̆ kơ Kră Yang đei khan kơ inh. Lu kră pơgơ̆r char Môap 'bĭch tơ hnam Balaam.

Jo 24:13

Mă khan Balak ăn kơ inh hnam sư 'bĕnh kơ hu 'maih, inh kư̆m ưh kơ lê̆ ôh nơ̆r đơ̆ng Kră Yang tơtă athei, wă pơm tơdrong trŏ 'lơ̆ng dah kơnê̆ mơ̆ng kơ inh kơdih wă; inh athei pơma dôm tơdrong kiơ mă Kră Yang đei khan!

II Kor 2:17

Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

Galati 1:10

Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.