I Pot 22:10 - Sơ̆p Hlabơar Nơ̆r 'Bok Kei-Dei

¹⁰ Kơplah noh pơtao đe Isơrael păng Jêhôsaphat pơtao đe Juđa hrŭk ao pơtao hơ-oei kơpal tang-dŏ pơtao tơ anih đe preh 'ba 'bơ̆t jê̆ 'măng jang Pơlei Samari. Đĭ-đăng 'bok khan lê̆ adrol oei pơma khan lê̆ adrol 'bơ̆t anăp bre sư.

I Pot 22:10 ပူးပေါင်းရင်းမြစ်များ

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

I Pot 22:30

Pơtao Isơrael khan kơ Jêhôsaphat: “Inh năm tơ anih tơblah hrŭk hơbĕn ao hmă đĕch, mă-lei, ih kư̆ kơ hrŭk hơbĕn ao pơtao.” Thoi noh pơtao đe Isơrael hrŭk hơbĕn ao hmă pơm wă kơ đe ưh kơ băt na năm tơblah.

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

I Pot 22:9

Pơtao đe Isơrael krao minh 'nu bơngai yŏng păng khan: “Krao Mikai kon drŏ-nglo Imla năm tơ âu mă tĕnh.”

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Mathiơ 11:8

Lei iĕm chă kiơ? Dah iĕm năm lăng bơngai hrŭk hơbĕn ao 'lơ̆ng? Tơ̆ng iĕm wă lăng bơngai hrŭk hơbĕn ao 'lơ̆ng, lei sư oei tơ hnam 'bok pơtao.

Mathiơ 6:20

Iĕm athei chă mong mŭk tơmam tơ plĕnh ti đĕch huay kơ đei sang-sa, mua reh, hăm ưh kơ đei bu gơh iŏk tơtông.

Jang 12:21

Thoi noh na Hêrôt pơkă kơ lu sư năr wă kơ lu sư gơh năm tơ sư. Na truh năr pơkă ei Hêrôt hrŭk ao pơtao sư păng sư oei tơ tang-dŏ 'lơ̆ng rŏ sư. Sư pơma kơ lu kon pơlei pơla.

Jang 25:23

Na năr dơning pơtao Agripa hăm yă Bêrênis yak pơyơh akâu kư̆m wang năm mơ̆t tơ hnam đe juăt kơ akŭm. Lu 'bok tih linh hăm lu bơngai pơm tih mơdrŏng lăm Pơlei Sêsarê ei kư̆m mơ̆t lăm hnam ei mơ̆n. Na Phêtus athei lu linh chông ba Pôl mơ̆t tơ lăm ei.