I Pot 21:26 - Sơ̆p Hlabơar Nơ̆r 'Bok Kei-Dei

²⁶ Dôm tơdrong sư pơm kơ Kră Yang areh dêh, sư kơkuh kơ rup yang thoi lu bơngai Amôrit kơkuh, lu sư noh kon pơlei pơla mă Kră Yang pơpuh tơlĕch bơih lu sư đơ̆ng anăp lu bơngai Isơrael.

I Pot 21:26 ပူးပေါင်းရင်းမြစ်များ

Bl 15:16

dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”

I Pot 15:12

Sư pơpuh tơlĕch lu bơngai drŏ-nglo ngôi kư̆ kă pơm đi đơ̆ng lăm char sư pơgơ̆r păng teh pơchah pơđĭ lu rup yang mă đêl lu 'bok kơdră sư pơm.

I Pot 18:18

Êli tơl: “Inh ưh kơ pơrŭng ôh lu bơngai Isơrael, ih păng hnam 'bă ih pơrŭng lu bơngai Isơrael, yua kơ lu iĕm hŭt lê̆ tơdrong Kră Yang tơtă na lui kiơ̆ yang Baal.

II Pot 16:3

Mă-lei sư năm kiơ̆ trong lu pơtao đe Isơrael, sư pơyơ̆r kon drŏ-nglo sư pơm tơmam soi 'buh pơkhôi, pơm tơdrong kơnê̆ 'mê̆-'mach thoi lu adrĕch adrung nai đei pơm, mă Kră Yang 'Bok Kei-Dei puh lê̆ lu sư đơ̆ng lu bơngai Isơrael.

II Pot 17:12

Lu sư kơkuh kơ lu rup yang mă Kră Yang khă bơih lu sư: “Lu iĕm 'nĕ kơkuh kơ lu sư.”

II Pot 21:11

“Manase, pơtao đe Juđa hlôi pơm tơdrong yoch kơnê̆ krưp 'nâu păng pơm tơdrong kơnê̆ hloh kơ đĭ-đăng lu bơngai Amôrit hlôi pơm adrol kơ sư păng sư pơm kơ lu bơngai Isơrael pơm yoch kơkuh kơ lu rup yang đêl sư pơm.

II Pot 21:2

Sư pơm kơnê̆ 'bơ̆t anăp Kră Yang, păng kơkuh tơdrong 'mê̆-'mach kiơ̆ thoi lu adrĕch adrung mă Kră Yang hlôi puh tơweh lê̆ đơ̆ng lu bơngai Isơrael.

II Ho 15:8

Wă Asa kơtơ̆ng boih nơ̆r 'nâu păng nơ̆r khan lê̆ adrol đơ̆ng Asaria kon drŏ-nglo Ôdet, jơhngơ̆m sư hiôk na sư nuih pơ̆n pơrăm lê̆ đĭ lu rup yang kơnê̆ đơ̆ng lăm jơ̆p kơ Juđa păng Bênjamin, hăm đơ̆ng lăm lu pơlei mă đêl lu sư 'nao blah iŏk tơ kơpal kông groi Êphraim; sư pơdơ̆ng hơmet chơnang soi Kră Yang 'bơ̆t anăp kơdeng hnam Kră Yang.

II Ho 33:2

Sư pơm tơdrong kơnê̆ 'bơ̆t anăp Kră Yang kiơ̆ lu tơdrong kơnê̆ krưp dêh lu kon pơlei pơla mă Kră Yang puh tơweh boih đơ̆ng anăp lu bơngai Isơrael.

II Ho 33:9

Mă-lei Manase pơhlŭ bơngai Juđa păng kon pơlei Jêrusalem dĭng mah lu sư pơm yoch kơnê̆ hloh kơ lu bơngai adrĕch mă Kră Yang pơrăm pơlôch đĭ 'bơ̆t anăp lu bơngai Isơrael.

II Ho 36:14

Hloh kơ noh dơ̆ng, lu đei 'bok soi păng lu kon pơlei rai kiơ̆ lu tơdrong kơnê̆ 'mê̆ brư̆ thoi lu bơngai tơmoi lăm dêh char jum dăr lu sư, pơm pơ'mê̆ kơ hnam Kră Yang mă Sư đei rơih iŏk 'măn lê̆ rơgoh lăm pơlei Jêrusalem.

Êsai 65:4

Lu sư ngôi tơ lăm bơsat; oei kơmăng tơ lăm anih hrĕp, sa 'nhĕm nhŭng păng mong đak 'nhĕm ưh kơ rơgoh lăm gŏ lu sư.

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Je 44:4

Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’

Êsêkiên 16:47

Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.

Êsêkiên 18:12

pơjuă pơđep bơngai dơnuh hin tơtông tơmam đe păng ưh kơ pơdrâu đêl tơmam đe, lăng tơ rup yang, pơm dôm tơdrong yoch kơnê̆ krưp,

Both 12:31

'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.

Jôsuê 23:9

Yua kơ Kră Yang hlôi đei puh tơweh boih 'bơ̆t anăp lu iĕm adrĕch adrung tih pran păng truh tơ dang ei ưh kơ đei bu kĕ dơ̆ng tơblah 'bơ̆t anăp lu iĕm.

I Pet 4:3

Kơplah iĕm tam mă lui sơ̆, iĕm pơm lơ boih tơdrong kơnê̆. Na dang ei 'nĕ pă pơm thoi lu bơngai sơmăt lăp đon; lu sư hưch hanh pơm tôm tơdrong kơnê̆ kư̆ kă, et sik suai, sa dư, pơm kư̆ kă lăm năr sư sa et tih kơkuh kơ rup yang sư.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”