I Pot 21:2 - Sơ̆p Hlabơar Nơ̆r 'Bok Kei-Dei

² Ahap khan kơ Nabôt. “Apinh ih ăn kơ inh pơgar hơmu ih 'noh, inh wă pơm pơgar pơtăm hla 'nhot, yua kơ jê̆ hnam inh. Ba tơplih hăm pơgar hơmu inh 'lơ̆ng hloh kơ pơgar hơmu ih 'nâu, dah ih wă tĕch dôm yơ, inh gô ăn kơ ih jên.”

I Pot 21:2 ပူးပေါင်းရင်းမြစ်များ

Bl 16:6

Abram tơl Sarai thoi âu: “Âu, đam drŏ-kăn noh lăm tơpang ti ih, wă sek thoi yơ, mơ̆ng kơ ih lăp đon.” Na Sarai pơm kơnê̆ kơ Hagar, na Hagar kơdâu jăk đơ̆ng sư.

Bl 3:6

Bơngai drŏ-kăn lăng 'bôh plei 'long noh rŏ kơ sa 'lơ̆ng nham, na kư̆m lăp măt păng gĭtb yua kơ wă pơih kơ̆l 'ngok hơgei na phĕ sa; đơ̆ng noh na ăn kơ klo sư sa, mă oei jê̆ sư. Klo sư kư̆m sa mơ̆n.

I Pot 21:3

Mă-lei Nabôt khan kơ Ahap: “Apinh Kră Yang wei 'nĕ ăn inh ăn kơ ih tơmam đơ̆ng 'bok kơdră inh.

I Pot 21:6

Sư tơl: “Yua kơ inh khan kơ Nabôt bơngai Jêsreel: ‘Tĕch ăn kơ inh mir hơmu ih 'noh inh gô ăn jên dah mă tơplih băl hăm mir hơmu inh nai kư̆m bưh, mă-lei sư khan: ‘Inh ưh kơ gơh ăn kơ ih mir hơmu inh.’ ”

II Pot 9:27

Lăp Ahasia pơtao đe Juđa 'bôh tơdrong noh na kơdâu ôn tơklă Pơlei Bet Hagan. Mă-lei, Jêhu druh 'moi sư păng khan: “Kŭm khŏm prah pơlôch sư mơ̆n.” Na lu sư răp găn prah pơtao Ahasia 'bơ̆t trong kuĕl tơklă pơlei Gur jê̆ Iblêam. Đơ̆ng noh Ahasia kơdâu tơ Pơlei Mêgiđô păng sư lôch hloi tơ noh.

Le 20:17

'Nĕ 'nhĕng kơ hnam đe, kư̆m lê̆ kơ 'nhĕng akăn đe, dah đĭch đam drŏ-nglo, drŏ-kăn, rơmo, aseh, dah mŭk tơmam đe.

Bôk Bơthô 2:5

Pơjing pơm mir pơgar 'long sa plei;

Hơri Hiôk 4:15

Ih thoi đak mơlĕch ro lăm pơgar, Ih boih sơlŭng đak tơdrong arih păng thoi lu đak glung ro đơ̆ng char Liban.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Both 11:10

Dêh mă lu iĕm gô mơ̆t iŏk noh ưh kơ sĭ thoi dêh Êyiptơ, mă anih lu iĕm lĕch sơ̆, yua kơ tơ Êyiptơ mưh iĕm rei adrĕch, iĕm bơ̆ đak 'mơ̆i bơwei nhen thoi pơgar.

Both 5:21

Ih 'nĕ kơ 'nhĕng plah iŏk akăn đe, kư̆m 'nĕ 'nhĕng hnam đe, dah chŭn mir, đĭch drŏ-nglo đam drŏ-kăn, rơmo, aseh, dah tơmam kiơ nai.

I Tim 6:9

Lu bơngai wă chă mơdrŏng, yang Satan gô pơhlŭ sư, na sư 'maih chă tơdrong âu, tơdrong to, tơdrong kư̆ kă, tơdrong ưh kơ 'lơ̆ng kơ sư, na sư gô đei răm 'Bok Kei-Dei phak.

I Sam 29:6

Akis khŏm krao Đawit na khan: Đei Kră Yang mă arih ling-lang na sư inh pơkă khan, ih jơ̆ minh 'nu bơngai tơpăt, inh wă kơ sư mơ̆t lăm khŭl linh inh, yua kơ đơ̆ng năr ih oei hơdai inh dĭng truh tơ năr 'nâu, inh ưh kơ đei 'bôh ih pơm minh tơdrong kiơ kơnê̆. Mă-lei lu yŏng pơgơ̆r ưh kơ lăp đon.

I Sam 8:14

Sư gô iŏk mir chŭn, pơgar hơmu păng mir 'long ôliwơ mă 'lơ̆ng hloh đơ̆ng lu iĕm, na ăn kơ đĭch đam sư.

I Sam 8:6

Kơtơ̆ng nơ̆r lu sư apinh: Ăn bĕ kơ lu nhôn minh 'nu pơtao wă pơgơ̆r lu nhôn, nơ̆r noh Samuel ưh kơ lap đon ôh; na Samuel krao khan apinh Kră Yang.