I Pot 21:13 - Sơ̆p Hlabơar Nơ̆r 'Bok Kei-Dei

¹³ Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

I Pot 21:13 ပူးပေါင်းရင်းမြစ်များ

I Pot 21:14

Na lu sư wơh đe năm roi kơ Jêsebel khan: “Đe klơ̆m bơih Nabôt păng tơmo sư lôch bơih.”

II Pot 6:32

Êlisê oei ngôi lăm hnam sư kơdih, păng lu kră pơlei kư̆m oei ngôi tăp dăr kơ sư, na pơtao wơh bơih bơngai năm pơlôch Êlisê. Mă-lei kơplah bơngai mă pơtao wơh năm ei ưh tam mă truh, na Êlisê, roi ăn kơ lu kră pơlei thoi âu: “To, iĕm lăng kon 'bok mă juăt kơ pơlôch bơngai noh athei đe năm kăt ako inh. Bơ̆n krăng hŏ mưh sư truh, tang lê̆ 'măng hŏ ưh kơ ăn sư mơ̆t, iĕm ưh kơ kơtơ̆ng jơ̆ng yŏng tơ'ngla sư nơnăm 'bơ̆t rŏng sư hă?”

II Pot 9:26

“Kră Yang khan: Tơpă năr brei Inh 'bôh bơih pham Nabôt păng pham lu kon drŏ-nglo sư: Inh gô pơm plơ̆ kơ ih tơ mir 'nâu mơ̆n. Na hor bĕ atâu sư 'nâu klơ̆m hơtat lê̆ lăm mir chŭn noh kiơ̆ thoi nơ̆r Kră Yang hlôi khan bơih.”

II Ho 24:21

Lu sư hil plơ̆ kơ Sachari, kiơ̆ đơ̆ng pơtao athei klơ̆m pơlôch hăm tơmo 'bơ̆t cham Hnam Kră Yang.

Jop 1:11

Mă-lei dang ei dah Ih yơ̆r ti pơrăm dôm tơmam sư đei, lei sư gô hiap Ih hloi.”

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Jop 2:9

Akăn sư khan kơ sư: “Liơ ih oei wei kơjăp lăm tơdrong 'lơ̆ng? Hiap bĕ Kră Yang 'Bok Kei-Dei na lôch!”

Jop 31:39

Tơdah inh iŏk sa tơmam sư mă ưh kơ ăn jên, Pơm ăn kơ tơ'ngla sư lôch kơ pơngot,

Horiso 27:12

'Nĕ jao inhb tơ lu ayăt kơ inh kiơ̆ thoi lu sư wă, Yua kơ nơ̆r pơm kơdranh hơlĕnh Păng lu bơngai trĕn wă pơm kơnê̆ kơ inh.

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Le 20:16

'Nĕ pơm kơdranh hơlĕnh kơ bôl buăl.

Tơdrông Pơđơk 19:28

Bơngai kơdranh hơlĕnh pơjăm tơdrong tơpăt; 'Bơ̆r bơngai pơm kơnê̆ luăn sa nơ̆r glăi yoch.

Tơdrông Pơđơk 19:5

Bơngai kơdranh hơlĕnh ưh kơ gơh klĕnh ôh đơ̆ng tơdrong phak; Bơngai pơma hơlĕnh kư̆m ưh kơ gơh klĕnh klaih.

Tơdrông Pơđơk 19:9

Bu pơm kơdranh hơlĕnh ưh kơ klĕnh hlôi ôh đơ̆ng phak. Bu pơma hơlĕnh gô hiong răm.

Tơdrông Pơđơk 25:18

Bơngai chă hơlĕnh sơlam kơ rông 'bôt sư. Bơngai noh thoi 'long băl, thoi đao gưm, dah thoi 'brơ̆m suĕng.

Tơdrông Pơđơk 6:19

Bơngai pơm kơdranh hơlĕnh pơma plêl, Bơngai chă tơdrong tơhil tơduă 'nhŏng oh.

Bôk Bơthô 10:20

Mă khan lăm tơdrong ih tơchĕng, ih 'nĕ kơ hiap pơtê̆ pơtao ôh; mă khan lăm anih ih tep, ih kư̆m 'nĕ kơ hiap lu bơngai mơdrŏng mơng; yua kơ lu sem păr anhăk pơđông roi tơdrong ih pơm tơ ataih.

Bôk Bơthô 4:1

Inh lăng tơ rŏng, 'bôh dôm tơdrong pơjuă pơđep băl tơ ala teh; to bơngai mă đe pơjuă pơđep nhơ̆m ơh sơ'ngon, ưh kơ đei bu pơlung lu sư! Lu bơngai gơh chă pơjuă pơđep, mă-lei ưh kơ đei bu dŏng pơlung lu bơngai mă đe pơjuă pơđep noh!

Êsai 8:21

Lu sư gô thông huang jơ̆p kơ lăm dêh char, pơmat-tat, đei pơngot rơwĕt, dah đei pơngot lu sư gô hil mĭl ngơk muh măt tơ kơpal hiap pơtao păng Kră Yang 'Bok Kei-Dei lu sư kơdih.

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 9:3

Lu thây bơtho tơdrong juăt đe Juđê kơtơ̆ng sư pơma thoi noh na lu sư mơmơnh lăm to khan: “Sư pơma blông kơ 'Bok Kei-Dei.”

Luka 23:2

Lu sư jâu Yêsu 'bơ̆t anăp Pilat khan: “Nhôn 'bôh bơngai 'nâu boih pơchŭt đe kon tơring tơrang, Sư khă lu nhôn ưh kơ wă kơ nhôn ăn jên thuê̆ kơ 'bok pơtao bơ̆n Sêsar. Na Sư khan Sư kư̆m Pơtao mơ̆n, anăn Sư 'Bok Krist.”

Yo 19:12

Kơtơ̆ng thoi noh, Pilat wă dêh achăng Yêsu. Mă-lei lu Juđê ôr pơret: “Dah ih achăng bơngai âu, ih jing pă buăl hăm 'bok pơtao tơm bơ̆n, Sêsar. Bơngai bu wă pôk akâu sư kơdih pơm pơtao, bơngai 'noh wă ayăt kơ 'bok pơtao tơm bơ̆n.”

Jang 24:5

Bơngai 'nâu sư pơm kơnê̆ ling-lang. Sư pơhlŭ lu bơngai Juđê tơhil băl jơ̆p kơ teh đak. Sư pơm kră pơgơ̆r lu đe Nasaret.

Jang 6:11

Na lu sư năm khan kơ bôl sư na athei bôl sư chă roi kơ đe thoi âu: “Nhôn kơtơ̆ng Êtien pơma kơnê̆ kơ Môis păng 'Bok Kei-Dei.”

Both 13:10

Iĕm athei iŏk tơmo klơ̆m pơlôch sư, yua kơ sư chă đon pơhlŭ ih iĕm achăng lê̆ Kră Yang 'Bok Kei-Dei iĕm, Tơ'ngla chông iĕm lĕch đơ̆ng dêh Êyiptơ lĕch hlôi đơ̆ng pơm đĭch.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 22:24

Lu iĕm athei chông ba đĭ 'bar 'nu bơngai noh lĕch năm 'bơ̆t 'măng jang pơlei, na iŏk tơmo klơ̆m pơlôch măr sư; bơngai drŏ-kăn glăi yua kơ ưh kơ đei ôr krao lăm pơlei dŏng sư, bơngai drŏ-nglo glăi yua kơ pơm yoch hăm akăn bơngai nai; iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu kon pơlei iĕm.

Both 5:20

Ih 'nĕ kơ pơm kơdranh hơlĕnh kơ lu bơngai nai.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.