I Pot 21:11 - Sơ̆p Hlabơar Nơ̆r 'Bok Kei-Dei

¹¹ Lu bơngai lăm pơlei, kră pơlei păng lu bơngai mă đe pơyom lăm pơlei pơm kiơ̆ kơ nơ̆r Jêsebel pơkă lăm kơthơ chih gơih ăn kơ lu sư.

I Pot 21:11 ပူးပေါင်းရင်းမြစ်များ

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

I Pot 21:12

Lu sư tơbăt tơdrong kơ̆m giĕng ơ̆t kơ sŏng sa păng ăn kơ Nabôt oei 'bơ̆t anăp kon pơlei.

II Ho 24:21

Lu sư hil plơ̆ kơ Sachari, kiơ̆ đơ̆ng pơtao athei klơ̆m pơlôch hăm tơmo 'bơ̆t cham Hnam Kră Yang.

Le 1:17

Mă-lei lu yă kơ'mĭn đe tơpŭ mă băt hli yom kơ Kră Yang 'Bok Kei-Dei ưh kơ đei pơm kiơ̆ nơ̆r pơtao Êyiptơ pơkă pơkăm, sư rong đĭ lu nge drŏ-nglo arih ngăl.

Le 1:21

Yua kơ lu yă kơ'mĭn đei jơhngơ̆m hli yom tơpă kơ Kră Yang 'Bok Kei-Dei, na Kră Yang 'Bok Kei-Dei ăn kơ hnam dơnŏ lu sư hiôk jơnap,

Tơdrông Pơđơk 29:12

Tơdah lu kră pơgơ̆r mơ̆ng nơ̆r pơma hơlĕnh. Lei đĭ lu bơngai jang tă jing pơm kơnê̆ ngăl.

Tơdrông Pơđơk 29:26

Lơ bơngai chă tơdrong mơnat đơ̆ng yŏng pơgơ̆r, Mă-lei gơh đei jô̆ 'lơ̆ng noh đơ̆ng Kră Yang ăn.

Êsai 59:14

Tơdrong tơpăt rai kơdŭn, tơdrong 'lơ̆ng dơ̆ng tơ ataih. Tơdrong trŏ pơ̆k bơih 'bơ̆t trong tih pơlei păng tơdrong pơm tơpăt ưh kơ gơh mơ̆t.

Hôsia 5:11

Đe pơjuă pơđep boih lu bơngai Êphraim, pơchah pơchek lu sư lăm năr sek tơlang, yua kơ lu sư lăp đon rơih boih kiơ̆ lu yang nai.

Lêwi 19:15

Lăm iĕm sek tơlang 'nĕ kơ pơm glăi tơdrong tơpăt. 'Nĕ kơ mơ̆t bơngai dơnuh hin dah bơngai pơm yŏng tih ôh, na athei sek tơlang tơpăt kơ bơngai rông 'bôt bơ̆n.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Mathiơ 2:12

Lu 'bok pơjâu hnhoi sơnglŏng ei tep kơmăng apo 'bôh 'Bok Kei-Dei khan kơ lu sư khă kuă ăn wih tơ pơtao Hêrôt. Na lu sư iung wih trong nai, wih tơ pơlei lu sư kơdih.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

Jang 5:29

Pêtrôs tơl tang lu bôl sư: “Nhôn athei chu Kră Yang 'Bok Kei-Dei đĕch, nhôn ưh kơ wă chu kon bơngai ôh.

I Sam 22:17

Pơtao khan kơ lu bơngai pơm đam kơ'yĕng sư dơ̆ng jê̆ sư thoi âu: Năm pơlôch bĕ, lu 'bok soi đơ̆ng Kră Yang yua kơ lu sư tơgŭm Đawit, băt kơ sư ôn mă ưh kơ roi kơ inh băt; mă-lei lu đĭch đam pơtao ưh kơ pơ̆n wă pơlôch lu 'bok soi đơ̆ng Kră Yang.

I Sam 23:20

Na, ơ pơtao dah ih wă jur, jur bĕ tơ tơring lu nhôn, lu nhôn gô rôp sư jao sư ăn kơ ih.