I Pot 20:42 - Sơ̆p Hlabơar Nơ̆r 'Bok Kei-Dei

⁴² Bơngai khan lê̆ adrol 'noh khan kơ pơtao Isơrael: “Kiơ̆ thoi nơ̆r Kră Yang khan: ‘Yua kơ ih achăng bơngai mă Inh jao ăn kơ ih wă kơ ih pơlôch sư. Na tơdrong arih ih gô tơplih tơdrong arih sư, păng tơdrong arih lu kon pơlei ih gô tơplih tơdrong arih lu kon pơlei pơla sư.’ ”

I Pot 20:42 ပူးပေါင်းရင်းမြစ်များ

II Sam 12:7

Nathan khan kơ Đawit: “Pơtao boih bơngai noh! Kră Yang 'Bok Kei-Dei Isơrael đei khan: ‘Inh boih rơih ăn kơ ih pơm pơtao Isơrael, Inh boih dŏng ih klaih đơ̆ng ti Sôl.

I Pot 20:34

Ben Hadat khan kơ Ahap: “Inh gô pơdrâu ăn kơ ih dôm lu pơlei mă 'bă inh tơgar iŏk đơ̆ng 'bă ih. Ih gô pơm hnam mơdro sa tih tơ lăm Pơlei Đamas, kư̆m thoi 'bă inh đei pơm bơih tơ lăm Pơlei Samari.” Ahap tơl: “Gah inh, gô drơ̆ng ăn kơ ih brŏk kiơ̆ thoi nơ̆r ih pơkă 'nâu.” Thoi noh Ahap pơkă pơkăm pơgơ̆p hăm 'Ben Hadat, đơ̆ng noh ăn kơ Ben Hadat brŏk.

I Pot 20:39

Lăp pơtao năm brih trong 'noh sư ôr apinh pơtao: “Đĭch đam ih oei lăm anih tơblah; na đei minh 'nu năm ba kơ inh minh 'nu bơngai bơnă păng khan kơ inh: ‘Ih athei wei bơngai 'nâu; tơdah sư kơdâu klĕnh tơ nai, lei tơdrong arih ih gô tơplih kơ sư 'noh, dah mă ih duh minh talâng hu.’

I Pot 20:41

Đơ̆ng noh sư pơih lê̆ che đơ̆ng gom muh măt sư 'noh na pơtao Isơrael kơnăl sư 'noh bơngai khan lê̆ adrol.

II Pot 6:24

Đơ̆ng rŏng kơ lu tơdrong noh, Ben Hadat, pơtao đe Aram, pơpôi akŭm đĭ-đăng lu linh sư năm wang pơlei Samari.

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

Lêwi 27:29

Minh 'nu bơngai đe wă pơlôchd 'bơ̆t anăp kon bơngai ưh pă gơh wă huai iŏk sư ôh, bơngai noh khŏm ăn đe pơlôch.

I Sam 28:18

Ih ưh kơ chu kiơ̆ nơ̆r kư̆m ưh kơ pơm kiơ̆ phak lu bơngai Amalek kiơ̆ thoi tơdrong Kră Yang; hil mĭl thoi noh năr 'nâu Kră Yang pơm kơ ih thoi âu,