I Pot 20:32 - Sơ̆p Hlabơar Nơ̆r 'Bok Kei-Dei

³² Thoi noh lu sư tơ̆n 'bi tơ kơiĕng păng pơ̆n tơlei tơ kơ̆l lu sư lĕch yơ̆r ti chu thuơ kơ pơtao Isơrael păng khan: “Ben Hadat đĭch đam ih khan: ‘Apinh ih ăn kơ inh arih.’ ” Ahap jet: “Sư oei arih hă? Sư 'noh 'nhŏng oh inh.”

I Pot 20:32 ပူးပေါင်းရင်းမြစ်များ

I Pot 20:31

Lu bơngai jang kơ pơtao khan kơ pơtao: “Lu nhôn kơtơ̆ng đe khan pơtao đe Isơrael đei tơdrong mơnat. Dang ei apinh ih ăn kơ nhôn tơ̆n 'bi tơ kơiĕng păng pơ̆n tơlei tơ kơ̆l đơ̆ng noh yơ̆r ti năm tơ'bơ̆p pơtao đe Isơrael. Rŏ lăng sư kư̆m ăn kơ ih arih mơ̆n.”

I Pot 20:33

Lu bơngai 'noh mơ̆ng nơ̆r pơtao Ahap pơma 'noh 'lơ̆ng tơpă na lu sư lui hloi, khan: “Ben Hadat 'noh 'nhŏng oh ih tơpă.” Ahap khan dơ̆ng: “Lu iĕm năm iŏk sư tơ âu.” Na 'Ben Hadat năm tơ'bơ̆p Ahap. Pơtao Ahap pơtơm 'Ben Hadat hao gre aseh sư.

I Pot 20:42

Bơngai khan lê̆ adrol 'noh khan kơ pơtao Isơrael: “Kiơ̆ thoi nơ̆r Kră Yang khan: ‘Yua kơ ih achăng bơngai mă Inh jao ăn kơ ih wă kơ ih pơlôch sư. Na tơdrong arih ih gô tơplih tơdrong arih sư, păng tơdrong arih lu kon pơlei ih gô tơplih tơdrong arih lu kon pơlei pơla sư.’ ”

II Pot 10:5

Kuan wei hnam pơtao păng lu kuan wei pơlei păng lu kră pơlei, păng bơngai bơtho wei-lăng kon drŏ-nglo Ahap, pơtruh nơ̆r roi kơ Jêhu khan: “Lu nhôn jơ̆ đĭch đam ih; lu nhôn gô pơm tôm tơdrong ih athei nhôn pơm, lu nhôn ưh kơ wă chă rơih bu pơm pơtao ôh, ih pơm bĕ tơdrong kiơ, kiơ̆ kơ ih tơchĕng khan lăp trŏ.”

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.