I Pot 20:30 - Sơ̆p Hlabơar Nơ̆r 'Bok Kei-Dei

³⁰ Dôm lu bơngai klaih đơ̆ng anih tơblah 'noh kơdâu ôn tơ lăm Pơlei Aphek, mă-lei dur pơlei pơchah kơtĭt lu sư lôch đei 'bar-jĭt tơpơh 'nu. Ben Hadat kư̆m kơdâu mơ̆t lăm pơlei, sư ôn tơ minh anih hlơp.

I Pot 20:30 ပူးပေါင်းရင်းမြစ်များ

II Sam 18:8

Tơdrong tơblah lanh jơ̆p kơ tơring, lăm năr noh đei bơngai lôch hiong lăm bri lơ hloh kơ bơngai lôch kơ đao gưm.

I Pot 20:10

Ben Hadat wơh bơngai nai dơ̆ng tơ'bơ̆p Ahap khan: “Apinh lu yang phak inh mă trăp tơdah 'mui teh tơ Samari tôm mah kơ rim tơpang ti lu linh lăm minh 'nu minh chup.”

I Pot 20:20

Lu sư pơlôch lu bơngai ayăt 'noh mơ̆ng kơ tơ'bơ̆p 'bơ̆t anăp. Đĭ-đăng lu linh Siri kơdâu tơklah tơklang na lu linh Isơrael druh 'moi. Ben Hadat klaih, kơdâu hao seh hơdai hăm minh 'bar 'nu lu linh hao seh.

I Pot 20:26

Lăm sơnăm đơ̆ng rŏng Ben Hadat krao akŭm lu linh Siri tŏk năm tơ Pơlei Aphek wă tơblah hăm lu bơngai Isơrael.

I Pot 20:29

'Bar khŭl sư tơdơ̆ng tơklă băl lăm tơpơh năr. Năr mă tơpơh lu sư tơblah băl; lăm minh năr lu linh Isơrael pơlôch lu linh Siri yak jơ̆ng hloh minh-hrĕng rơbâu 'nu.

I Pot 22:25

Mikai tơl: “Ih gô băt tơdrong noh, lăm năr ih kơdâu ôn tơ anih hrĕp kơnh.”

II Pot 10:24

Lu sư mơ̆t wă pơyơ̆r dôm tơmam soi, păng tơmam soi 'buh pơkhôi. Jêhu dan tơhngam-jĭt 'nu bơngai, athei lu sư răp tơ 'nguaih hnam, păng athei lu đe ei: “Dah đei bơngai bu lăm lu bơngai mă ĭnh pơjao lăm tơpang ti iĕm 'nâu, oei đei klaih 'mơ̆i lei bơngai mă lê̆ lu đe ei klaih hiong 'nei sư gô lôch tơplih lu đe noh.”

II Pot 9:2

Mưh ih truh tơ noh, ih athei chă Jêhu kon drŏ-nglo Jêhôsaphat, sâu Nimsi; na ih gô mơ̆t, athei sư iung weh đơ̆ng 'nhŏng oh sư, păng ih chông sư mơ̆t lăm anih hrĕp hơdrô̆,

II Ho 18:24

Mikaia tơl: “Ih gô 'bôh 'bơ̆t năr ih kơdâu mơ̆t tơ lăm anih hlơp wă ôn,”

Horiso 18:25

Hăm lu đei đon lui, Ih gô tơ'bôh Ih boih Kră Yang sĭt. Hăm lu bơngai tơpăt, Ih boih Tơ'ngla tơpăt;

Êsai 24:18

Bơngai ayơ kơdâu ôn đơ̆ng tơdrong hli tơrơ gô huŏng lăm sơlŭng; tŏk hlôi đơ̆ng sơlŭng gô hrơ̆p hơnhuăl, lu 'măng-'mŏk tơ kơpal plĕnh pơih lê̆ bơih, lu hơnă tơ ala teh pơpơ̆ đĭ.

Êsai 30:13

Na tơdrong yoch lu iĕm nhen thoi dur kơjung đĭ hơđang pơchah wă jê̆ păk păng gô hơlih răm hĕch hoch, ưh kơ tam băt.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.

Am 9:3

Mă khan lu sư kơdâu ôn tơ kơpal kông Karmel, inh kư̆m gô chă wă pơdŭng tơlĕch lu sư; mă khan lu sư klĕnh đơ̆ng muh măt inh ôn tơ ala đak dơsĭ sŭng, inh kư̆m gô ăn kơ 'bih choh lu sư tơ noh.

Luka 13:4

Pơtih gia dơ̆ng, lu mơjĭt-tơhngam 'nu mă lôch kơ hnam kơjung tơgơ̆ sơ̆ jê̆ đak dơnâu Silôm, iĕm tơchĕng lu sư bơngai yoch hloh 'biơ̆ kơ tơduă lu sư bơngai Jêrusalem dah kiơ?

Jôsuê 13:4

Tơ gah gơal, đĭ-đăng kơ char bơngai Kanaan, đơ̆ng Ara, noh lăm kon pơlei Siđôn, noh tơring Aphek, truh tơ teh đak kon pơlei Amôrit;

Lu 9:40

Abimêlek năm druh blah Gaal; Gaal kơdâu hloi đơ̆ng anăp sư păng lơ bơngai pơ̆k lôch rok trong, truh tơ 'măng dur pơlei.

I Sam 29:1

Kon pơlei bơngai Philistin akŭm đĭ-đăng lu linh tơ Aphek; gah kon pơlei bơngai Isơrael pơm kơđông 'bơ̆t jê̆ glung Jesreel.