I Pot 20:28 - Sơ̆p Hlabơar Nơ̆r 'Bok Kei-Dei

²⁸ Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

I Pot 20:28 ပူးပေါင်းရင်းမြစ်များ

II Sam 10:13

Jôap hăm lu linh kiơ̆ sư năm tơblah hăm lu linh Siri, lu linh Siri thuơ chă kơdâu ôn.

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 17:18

Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

I Pot 18:37

Ơ Kră Yang! Apinh Ih mơ̆ng păng tơl tơwih nơ̆r inh, wă kơ lu kon pơlei pơla 'nâu băt kơnăl Ih bơih Kră Yang 'Bok Kei-Dei păng gô pơm kơ jơhngơ̆m lu sư wih tơ Ih.

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 20:29

'Bar khŭl sư tơdơ̆ng tơklă băl lăm tơpơh năr. Năr mă tơpơh lu sư tơblah băl; lăm minh năr lu linh Isơrael pơlôch lu linh Siri yak jơ̆ng hloh minh-hrĕng rơbâu 'nu.

II Ho 32:19

Lu sư khan kơ Kră Yang 'Bok Kei-Dei pơlei Jêrusalem thoi lu yang kon pơlei đơ̆ng ti kon bơngai pơm.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Le 16:12

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Le 6:7

Inh gô iŏk lu iĕm pơm kon pơlei Inh păng Inh gô pơm Kră Yang 'Bok Kei-Dei lu iĕm; lu iĕm gô băt kơ Inh jing Kră Yang 'Bok Kei-Dei lu iĕm, pơklaih rơngei lu iĕm đơ̆ng pơm đĭch đam kơ lu bơngai Êyiptơ.

Le 7:5

Layơ mă Inh pơm kơ dêh Êyiptơ păng dui iŏk kon pơlei Isơrael lĕch đơ̆ng lăm kon pơlei Êyiptơ, lei lu sư gô băt kơ Inh boih Kră Yang.

Le 8:22

Mă-lei năr noh, lăm tơring Gôsen, anih kon pơlei Inh oei, ưh kơ đei roi wŏng iam, wă kơ ih băt kơ Inh, Kră Yang oei lăm dêh 'nâu.

Êsai 36:20

Lăm lu yang dêh char noh tam đei yang ayơ dŏng pơklaih bơih dêh char sư klaih đơ̆ng ti inh ưh? Na liơ Kră Yang gơh dŏng pơklaih Jêrusalem đơ̆ng ti inh lĕ?

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Êsêkiên 11:12

Na lu iĕm gô băt Inh boih Kră Yang, yua kơ lu iĕm ưh kơ kiơ̆ khôi juăt Inh, ưh kơ wei răk tơdrong Inh tơtă, mă-lei pơm kiơ̆ tơdrong juăt teh đak jum dăr kơ iĕm.”

Êsêkiên 12:16

Mă-lei oei đei bơngai mă Inh ăn klaih đơ̆ng đao, đơ̆ng pơngot, đơ̆ng lôch hơbuh, wă kơ lu sư roi tôm tơdrong krưp kơnê̆ 'mê̆-'mach lu sư kơdih tơ lăm pơlei mă lu sư wă oei; păng lu sư gô băt Inh boih Kră Yang.

Êsêkiên 20:14

Mă-lei yua kơ anăn Inh, Inh pơm wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă 'bôh Inh chông tơlĕch lu sư.

Êsêkiên 20:9

Mă-lei yua kơ anăn Inh, wă kơ anăn noh đe huay pơm pơ'mê̆ 'bơ̆t anăp lu kon pơlei nai tơ anih mă lu sư oei. 'Bơ̆t anăp lu kon pơlei noh Inh đei tơbăt boih lu bơngai Isơrael. Inh gô chông ba lu sư lĕch đơ̆ng char Êyiptơ.

Êsêkiên 36:32

Kră Yang khan: Ưh kơ sĭ yua kơ lu iĕm na Inh pơm thoi noh, lu iĕm athei băt nhen tơdrong noh, ơ adrĕch Isơrael, lu iĕm athei băt mơlâu kơdih!”

Êsêkiên 39:7

Inh gô ăn anăn 'lơ̆ng rơgoh Inh tơbăt tơ lăm lu kon pơlei Isơrael Inh păng Inh ưh pă ăn lu sư pơma kơnê̆ kơ anăn 'lơ̆ng rơgoh Inh dơ̆ng. Kơplah noh lu adrĕch adrung gô băt Inh boih Kră Yang, Kră Yang 'Lơ̆ng Rơgoh lăm Isơrael.

Êsêkiên 6:14

Inh gô yơ̆r ti Inh wă blah lu sư; Inh gô pơm kơ teh đak, anih lu sư oei gô jing juơ; Inh gô pơrăm đơ̆ng char glă truh tơ pơlei Dibla. Thoi noh na lu sư gô băt Inh boih Kră Yang.”

Both 29:6

Lu iĕm ưh kơ đei sŏng sa păng ưh kơ đei huch đak hơmu dah et tơdrô suai ôh, wă kơ iĕm băt Inh boih Kră Yang 'Bok Kei-Dei lu iĕm.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!