I Pot 20:26 - Sơ̆p Hlabơar Nơ̆r 'Bok Kei-Dei

²⁶ Lăm sơnăm đơ̆ng rŏng Ben Hadat krao akŭm lu linh Siri tŏk năm tơ Pơlei Aphek wă tơblah hăm lu bơngai Isơrael.

I Pot 20:26 ပူးပေါင်းရင်းမြစ်များ

II Sam 11:1

Lăm bơyan puih lu pơtao juăt kơ năm tơblah, Đawit wơh Jôap hăm lu đĭch đam sư păng đĭ-đăng lu linh bơngai Isơrael năm tơblah; lu sư tơgar iŏk dêh kon pơlei Ammôn păng wang tăp kơ pơlei Rapba. Gah pơtao Đawit oei lăm pơlei Jêrusalem.

I Pot 20:22

Kơplah noh 'bok khan lê̆ adrol năm dơ̆ng jê̆ pơtao đe Isơrael păng khan: “Ih athei năm pơjing ming lu linh ih mă pran kơtang đơ̆ng, ih athei lăng hơmet mă hơlen tơdrong kiơ wă pơm, yua kơ bơyan puih sơnăm anăp kơnh pơtao Siri gô năm blah ih dơ̆ng.

I Pot 20:25

Păng ih athei chă tơmơ̆t linh mă tôm dôm linh ih mă hiong adrol 'noh, chă aseh păng gre aseh kư̆m tôm lei-lăi thoi so; đơ̆ng noh lu bơ̆n gô tơblah hăm lu sư tơ lăm thŭng dơnă. Sĭt lu bơ̆n gô pran hloh kơ lu sư.” Pơtao đe Siri mơ̆ng păng pơm kiơ̆ hloi thoi noh.

I Pot 20:30

Dôm lu bơngai klaih đơ̆ng anih tơblah 'noh kơdâu ôn tơ lăm Pơlei Aphek, mă-lei dur pơlei pơchah kơtĭt lu sư lôch đei 'bar-jĭt tơpơh 'nu. Ben Hadat kư̆m kơdâu mơ̆t lăm pơlei, sư ôn tơ minh anih hlơp.

II Pot 13:17

na khan: “Pơih 'măng-'mŏk gah hơlĕch bĕ.” Na Jêhôas pơih hĭ 'măng. Êlisê khan: “Pơtao prah bĕ.” Na sư prah hloi. Kơplah ei Êlisê khan dơ̆ng: “'Noh bơih 'brơ̆m Kră Yang mă kĕ jei, 'brơ̆m mă ih blah lu bơngai Aram jei ih, lăm pơlei Aphek, dĭng ih pơrăm pơlôch lê̆ đĭ lu sư.

Jôsuê 13:4

Tơ gah gơal, đĭ-đăng kơ char bơngai Kanaan, đơ̆ng Ara, noh lăm kon pơlei Siđôn, noh tơring Aphek, truh tơ teh đak kon pơlei Amôrit;

Jôsuê 19:30

Kŭm oei đei Uma, Aphek păng Rôhôp, đĭ-đăng 'bar-jĭt 'bar tŏ pơlei tih, hăm pơlei iĕ lu sư.

Lu 1:31

Bơngai Aser kư̆m ưh kơ gơh pơpuh tơweh kon pơlei oei tơ Akô, dah kon pơlei oei tơ Siđôn, kon pơlei oei tơ Ahlap, kon pơlei oei tơ Aksip, kon pơlei oei tơ Helba, kon pơlei oei tơ Aphik dah kon pơlei oei tơ Rêhôp.

I Sam 29:1

Kon pơlei bơngai Philistin akŭm đĭ-đăng lu linh tơ Aphek; gah kon pơlei bơngai Isơrael pơm kơđông 'bơ̆t jê̆ glung Jesreel.

I Sam 4:1

Samuel roi tơbăt ăn kơ đĭ-đăng bơngai Isơrael nơ̆r Kră Yang. Isơrael năm blah bơngai Philistin păng anih lu sư oei 'bơ̆t jê̆ Êbênêser, gah Philistin anih lu sư oei jê̆ pơlei Aphek.