I Pot 20:24 - Sơ̆p Hlabơar Nơ̆r 'Bok Kei-Dei

²⁴ Apinh pơtao athei pơm thoi âu: Tơjur đĭ lu pơtao 'noh đơ̆ng anih lu sư pơgơ̆r linh, na pôk atŏk lu yŏng linh pơgơ̆r tơplih lu sư.

I Pot 20:24 ပူးပေါင်းရင်းမြစ်များ

I Pot 20:1

Ben Hadat pơtao dêh char Siri, sư krao akŭm đĭ-đăng lu linh sư; đei pêng-jĭt 'bar 'nu pơtao kiơ̆ sư. Aseh păng gre aseh kư̆m lơ, lu sư tŏk năm wang Pơlei Samari păng blah.

I Pot 20:16

Lu Sư lĕch năm 'bơ̆t tŏk-bŏk 'năr dơ̆ng kơplah Ben Hadat hơdai hăm pêng-jĭt 'bar 'nu pơtao buăl dơ̆ng sư et tơdrô suai lăm kơđông.

I Pot 20:23

Lu đam Siri bơ̆jang kơ pơtao siri khan kơ pơtao sư: “Yang lu sư 'noh yang kông, thoi noh na lu sư pran hloh kơ bơ̆n. Mă-lei tơdah bơ̆n tơblah hăm lu sư tơ lăm thŭng dơnă, lei sĭt bơ̆n pran hloh kơ lu sư.

I Pot 20:25

Păng ih athei chă tơmơ̆t linh mă tôm dôm linh ih mă hiong adrol 'noh, chă aseh păng gre aseh kư̆m tôm lei-lăi thoi so; đơ̆ng noh lu bơ̆n gô tơblah hăm lu sư tơ lăm thŭng dơnă. Sĭt lu bơ̆n gô pran hloh kơ lu sư.” Pơtao đe Siri mơ̆ng păng pơm kiơ̆ hloi thoi noh.

I Pot 22:31

Kơplah noh pơtao đe Aram đei krao păng pơkă ăn kơ pêng-jĭt 'bar 'nu yŏng linh đei lu gre aseh: “Iĕm 'nĕ kơ blah bu hŏ, lu hơ'lơ̆p dah mă lu bơngai 'lŏ, iĕm athei blah rĕng kơ minh 'nu pơtao đe Isơrael đĕch.”

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.