I Pot 20:22 - Sơ̆p Hlabơar Nơ̆r 'Bok Kei-Dei

²² Kơplah noh 'bok khan lê̆ adrol năm dơ̆ng jê̆ pơtao đe Isơrael păng khan: “Ih athei năm pơjing ming lu linh ih mă pran kơtang đơ̆ng, ih athei lăng hơmet mă hơlen tơdrong kiơ wă pơm, yua kơ bơyan puih sơnăm anăp kơnh pơtao Siri gô năm blah ih dơ̆ng.

I Pot 20:22 ပူးပေါင်းရင်းမြစ်များ

II Sam 11:1

Lăm bơyan puih lu pơtao juăt kơ năm tơblah, Đawit wơh Jôap hăm lu đĭch đam sư păng đĭ-đăng lu linh bơngai Isơrael năm tơblah; lu sư tơgar iŏk dêh kon pơlei Ammôn păng wang tăp kơ pơlei Rapba. Gah pơtao Đawit oei lăm pơlei Jêrusalem.

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

I Pot 20:13

Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 20:21

Pơtao đe Isơrael năm blah lu linh hao aseh, pơlôch lu bơngai Siri lơ dêh.

I Pot 20:26

Lăm sơnăm đơ̆ng rŏng Ben Hadat krao akŭm lu linh Siri tŏk năm tơ Pơlei Aphek wă tơblah hăm lu bơngai Isơrael.

I Pot 20:38

Đơ̆ng noh bơngai khan lê̆ adrol 'noh năm ngôi 'bơ̆t trong gô pơtao. Sư gom muh măt sư hăm che pơm bơngai nai.

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

II Pot 6:12

Minh 'nu lăm đĭch đam sư tơl: “Ơ pơtao, yŏng tơ'ngla inh, lăm lu nhôn ưh kơ đei bu mơ̆t pơtao đe Isơrael ôh; Êlisê to, sư 'bok khan lê̆ adrol mă Kră Yang 'Bok Kei-Dei yua lăm lu đe Isơrael, sư tơbăt ăn kơ pơtao đe Isơrael dôm nơ̆r ih pơma hơdrô̆ lăm anih tep ih.”

I Ho 20:1

Bơyan choh pơtăm lăm sơnăm noh kơplah lu pơtao lĕch năm wă tơblah, Jôap ba lu linh pơrăm lăm char Ammôn, sư năm wang pơlei Rapba mă-lei Đawit oei tơ pơlei Jêrusalem. Jôap blah pơlei Rapba păng pơrăm đĭ-đăng.

II Ho 25:11

Amasia iŏk tơiung pơm jơhngơ̆m nuih, chông ba lu kon pơlei năm truh tơ Thŭng 'Boh, tơblah păng pơlôch mơjĭt-rơbâu 'nu bơngai Sêir.

II Ho 25:8

Dah ih kiơ̆ trong 'nâu mă tơblah pran kơtang Kră Yang 'Bok Kei-Dei gô ăn kơ ih thuơ 'bơ̆t anăp lu ayăt kơ ih yua kơ Kră Yang 'Bok Kei-Dei gơh tơgŭm kĕ jei, kư̆m gơh ăn thuơ.”

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Tơdrông Pơđơk 20:18

Đơ̆ng bơtho tơ'bôh na chă đon gơh kơjăp. Năm tơblah athei đei đon pơgơ̆r hơgei.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 42:8

“Inh bơih Kră Yang, Noh jơ̆ Anăn Inh. Inh ưh kơ asong tơdrong ư-ang 'lơ̆ng rŏ Inh kơ minh 'nu bu nai, kư̆m ưh kơ ăn tơdrong pơư bơnê Inh kơ lu rup man!”

Êsai 8:9

Ơ kon pơlei Asiri ôr krao bĕ, ơh sơ'ngon bĕ! Ơ đĭ-đăng lu dêh ataih, pơđêng đon iĕm mơ̆ng bĕ! Gơhret bĕ tơlei tơ̆n mă-lei hli dêh.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.