I Pot 20:21 - Sơ̆p Hlabơar Nơ̆r 'Bok Kei-Dei

²¹ Pơtao đe Isơrael năm blah lu linh hao aseh, pơlôch lu bơngai Siri lơ dêh.

I Pot 20:21 ပူးပေါင်းရင်းမြစ်များ

I Pot 20:20

Lu sư pơlôch lu bơngai ayăt 'noh mơ̆ng kơ tơ'bơ̆p 'bơ̆t anăp. Đĭ-đăng lu linh Siri kơdâu tơklah tơklang na lu linh Isơrael druh 'moi. Ben Hadat klaih, kơdâu hao seh hơdai hăm minh 'bar 'nu lu linh hao seh.

I Pot 20:22

Kơplah noh 'bok khan lê̆ adrol năm dơ̆ng jê̆ pơtao đe Isơrael păng khan: “Ih athei năm pơjing ming lu linh ih mă pran kơtang đơ̆ng, ih athei lăng hơmet mă hơlen tơdrong kiơ wă pơm, yua kơ bơyan puih sơnăm anăp kơnh pơtao Siri gô năm blah ih dơ̆ng.

II Pot 3:18

Mă-lei Kră Yang lăng tơdrong noh iĕ đĕch. Sư gô jao hloi lu bơngai Môap lăm tơpang ti lu iĕm.

II Pot 3:24

Mă-lei lăp lu sư năm truh tơ anih linh Isơrael lu bơngai Isơrael iung blah lu bơngai Môap, lu bơngai Môap tơrơ, kơdâu 'bơ̆t anăp lu bơngai Isơrael. Lu bơngai Isơrael iung druh blah 'moi lu bơngai Môap truh tơ dêh lu sư, blah pơlôch lu sư tơ noh.

Jôsuê 10:20

Thoi noh Jôsuê păng kon pơlei Isơrael blah pơlôch lơ tơpă mah wă goh, lu bơngai mă oei klaih, chă kơdâu ôn tơ lăm lu pơlei kơjăp.

Lu 11:33

Đơ̆ng noh Jeptha blah iŏk 'bar-jĭt tŏ pơlei, đơ̆ng pơlei Arôe truh tơ wă jê̆ pơlei Minit păng truh hloi tơ pơlei Abel Kêramim. Lăm tơdrong tơblah 'nâu lu kon pơlei Ammôn thuơ tih tơpă. Thoi noh kon pơlei pơla Ammôn chu mơ̆t kiơ̆ tơm tơdrong lu bơngai Isơrael.

Lu 3:28

Êhut khan kơ lu sư: Kiơ̆ inh bĕ, yua kơ Kră Yang jao boih kon pơlei Môap lăm ti lu iĕm, bơngai mă ayăt kơ lu iĕm. Đĭ lu sư jur kiơ̆ sư, năm blah iŏk anih đơ̆ng đak Krong Jôrđăn, noh trong lu bơngai Môap juăt kơ tŏk găn đak krong trong noh ưh kơ đei ăn bu năm.

I Sam 17:52

Lu linh bơngai Isơrael păng bơngai Juđa iung jreo, tơkĕch, druh kon pơlei Philistin truh tơ trong mơ̆t pơlei Gat păng tơ 'măng jang pơlei Ekrôn. Lu bơngai Philistin jĭ rơka pơ̆k lôch 'bĕnh kơ trong đơ̆ng Saraim truh tơ pơlei Gat păng Êkrôn.

I Sam 19:8

Đei tơdrong tơblah dơ̆ng, Đawit năm blah kon pơlei Philistin, pơm blah ăn kơ lu bơngai Philistin thuơ tih tơpă, lu sư kơdâu đi,