I Pot 20:13 - Sơ̆p Hlabơar Nơ̆r 'Bok Kei-Dei

¹³ Đei minh 'nu bơngai khan lê̆ adrol năm tơ'bơ̆p Ahap, pơtao đe Isơrael păng khan: “Kră Yang khan: ‘Ih hăm 'bôh ưh minh khŭl linh lơlap 'nâu? Năr 'nâu Inh gô pơjao lu sư lăm tơpang ti ih, wă kơ ih băt Inh bơih Kră Yang.’ ”

I Pot 20:13 ပူးပေါင်းရင်းမြစ်များ

II Sam 10:13

Jôap hăm lu linh kiơ̆ sư năm tơblah hăm lu linh Siri, lu linh Siri thuơ chă kơdâu ôn.

I Pot 18:39

Lăp kon pơlei pơla 'bôh thoi noh bơih lu sư drap brom tơ teh kơkuh păng khan: Kră Yang bơih 'Bok Kei-Dei! Kră Yang bơih 'Bok Kei-Dei!”

I Pot 20:14

Ahap jet dơ̆ng: “Bu gô pơm tơdrong 'nâu?” 'Bok khan lê̆ adrol tơl. “'Nâu Kră Yang khan: “Ih athei yua lu bơngai tơdăm bơ̆jang ala kơ lu 'bok pơgơ̆r tơring char gô pơm.’ ” Ahap apinh dơ̆ng. “Lei bu wă pơtơm năm tơblah?” 'Bok khan lê̆ adrol tơl: “Ih bơih.”

I Pot 20:22

Kơplah noh 'bok khan lê̆ adrol năm dơ̆ng jê̆ pơtao đe Isơrael păng khan: “Ih athei năm pơjing ming lu linh ih mă pran kơtang đơ̆ng, ih athei lăng hơmet mă hơlen tơdrong kiơ wă pơm, yua kơ bơyan puih sơnăm anăp kơnh pơtao Siri gô năm blah ih dơ̆ng.

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

II Pot 3:18

Mă-lei Kră Yang lăng tơdrong noh iĕ đĕch. Sư gô jao hloi lu bơngai Môap lăm tơpang ti lu iĕm.

II Pot 7:1

Na Êlisê khan: “Mơ̆ng bĕ nơ̆r Kră Yang khan thoi âu: Năr dơning kư̆m kơplah jơ 'nâu mơ̆n, 'bơ̆t 'măng dur Pơlei Samari tơpŭng minh hnŏng iĕ, gô tĕch minh sêikơl jên hu, păng 'ba 'bar hnŏng iĕ, kư̆m tĕch minh sêikơl jên hu mơ̆n.

II Ho 20:15

Sư khan: “Ơ pơtao Jêhôsaphat, bơngai Juđa đơ̆ng jơ̆p pơlei păng kon pơlei oei lăm pơlei Jêrusalem, mơ̆ng bĕ! Kră Yang khan: ‘Lu iĕm 'nĕ kơ hli, 'nĕ tơrơ kơ lu linh lơ kơdrâ̆m 'nâu, yua kơ tơdrong tơblah 'nâu ưh kơ sĭ kơ lu iĕm ôh, 'nâu kơ Kră Yang 'Bok Kei-Dei.’

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 14:18

Anăn Inh gô ư-ang yua kơ Pharaôn, gre aseh sư, lu linh chĕp gre aseh sư, lei na bơngai Êyiptơ gô băt kơ Inh Kră Yang.

Le 16:12

Inh kơtơ̆ng boih nơ̆r kon pơlei Isơrael hil jŏk. Na ih athei khan kơ lu sư: Gơsơ̆ kơnh lu iĕm gô sa 'nhĕm hrăp; pơgê dơning lu iĕm gô sa 'bĕng phĭ rơkah; na lu iĕm gô băt Inh boih Kră Yang 'Bok Kei-Dei lu iĕm.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsêkiên 20:14

Mă-lei yua kơ anăn Inh, Inh pơm wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă 'bôh Inh chông tơlĕch lu sư.

Êsêkiên 20:22

Mă-lei Inh dui lê̆ ti Inh, yua kơ anăn Inh, wă kơ anăn Inh đe huay kơ pơm pơ'mê̆ 'bơ̆t anăp lu kon pơlei nai, 'bơ̆t anăp kon pơlei mă inh chông tơlĕch lu sư.

Êsêkiên 6:7

Lu bơngai mă đe pơlôch lăm lu iĕm gô pơ̆k lôch păng lu iĕm gô băt Inh boih Kră Yang!

Jôel 3:17

Kơplah noh na lu iĕm gô băt Inh boih Kră Yang 'Bok Kei-Dei lu iĕm, oei tơ kông Siôn, noh kông rơgoh Inh. Pơlei Jêrusalem jing 'lơ̆ng rơgoh, păng lu bơngai tơmoi ưh pă năm yak trong noh dơ̆ng.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.