I Pot 2:44 - Sơ̆p Hlabơar Nơ̆r 'Bok Kei-Dei

⁴⁴ Pơtao Sôlômôn khan dơ̆ng kơ Simei: “Ih băt bơih păng oei 'blŏk mơ̆n lăm jơhngơ̆m dôm tơdrong ih pơm kơnê̆ kơ Đawit, 'bă inh. Dang ei Kră Yang gô tơwih plơ̆ dôm tơdrong kơnê̆ ih pơm noh tơ kơpal kơ̆l ih.

I Pot 2:44 ပူးပေါင်းရင်းမြစ်များ

I Pot 2:43

Thoi noh yua kơ kiơ ih ưh kơ wei răk nơ̆r ih pơkă hăm anăn Kră Yang păng nơ̆r inh đei pơkă bơih kơ ih?”

II Pot 11:1

Lăp yă Athalia, mĕ pơtao Ahasia 'bôh kon drŏ-nglo sư lôch bơih, sư iung blah hloi, pơlôch đĭ-đăng adrĕch pơtao.

II Pot 11:12

Jêhôiada chông hloi kon tơdăm pơtao noh lĕch, pơyơ̆l ăn kơ sư môk pơtao, păng ăn kơ sư sơ̆p hla bơar tơdrong juăt. Thoi noh đe pôk sư pơm pơtao, tuh đak 'bâu phu kơpal kơ̆l sư, păng đĭ-đăng lu đe ei tap ti ôr jreo, khan: “Pơtao arih ling-lang khŏm khŏm.”

Horiso 109:20

Rŏ kơ Kră Yang pơm 'mong thoi noh kơ lu bơngai mă pơm kơnê̆ kơ inh. Păng lu bơngai mă pơma kơnê̆ kơ bơhngol inh.

Horiso 7:16

Tơdrong lu sư pơm gô tuh tơ lu sư kơdih. Tơdrong kơnê̆ lu sư kư̆m tuh tơ kơ̆l lu sư.

Tơdrông Pơđơk 5:22

Lu bơngai pơm kơnê̆ gô 'leh hơđong đơ̆ng tơdrong yoch sư kơdih. Tơdrong yoch sư kơdih gô chô̆ sư.

Êsêkiên 17:19

Na Kră Yang Tih Hloh khan: Tơpă thoi Inh mă arih ling-lang, Inh gô tuh tơ kơpal kơ̆l lu sư nơ̆r pơkă hơlĕnh pơrăm lê̆ tơdrong pơgơ̆p Inh.

Hôsia 4:9

'Bok soi jing thoi yơ Kon pơlei pơla Inh kư̆m jing thoi noh, Inh gô phak pơbral lu sư, kiơ̆ thoi trong lu sư pơm, păng kư̆m tơwih pơdrâu kơ lu sư thoi tơdrong jang đêl lu sư pơm.

Yo 8:9

Lu sư kơtơ̆ng Yêsu khan kơ lu sư thoi noh, na lu sư lĕch brŏk pơtoi, đơ̆ng lu kră hơdrol truh tơ lu bơngai tơdăm đơ̆ng rŏng. Na oei pă Yêsu păng duch ei đĕch oei lăm ei.

Rom 2:15

Bơ̆n 'bôh sư pơm tơdrong trŏ na bơ̆n băt kơ 'Bok Kei-Dei ăn kơ sư kơnăl tơdrong 'lơ̆ng tơdrong kơnê̆. Dah sư pơm yoch sư kư̆m băt kơdih pơm yoch. Dah sư pơm 'lơ̆ng sư kư̆m băt kơdih pơm 'lơ̆ng mơ̆n.

I Yo 3:20

Phŏ jơhngơ̆m bơ̆n sơ'ngon hli kơ 'Bok Kei-Dei ưh kơ iŏk bơ̆n jing kon Sư. Mă-lei 'Bok Kei-Dei hơgei hloh kơ bơ̆n tơpă, Sư băt tôm tơdrong. Thoi noh Sư kư̆m băt kơ bơ̆n 'mêm kơ 'nhŏng oh bơ̆n mơ̆n, na Sư băt kơ lu bơ̆n jing kon Sư tơpă boih.

I Sam 25:39

Đawit kơtơ̆ng ang Nabal lôch boih, sư khan: Trŏ kơkuh bơnê ư-ang kơ Kră Yang. Sư dŏng tơgŭm inh pơm mong kơ Nabal yua kơ sư pơm kơnê̆ kơ inh păng bơwei inh đĭch đam Sư wă kơ huay kơ pơm kơnê̆! Kră Yang tuh boih tơdrong kơnê̆ Nabal tơ kơ̆l sư kơdih! Na, Đawit wơh bơngai năm apinh Abigail pơm akăn sư