I Pot 2:37 - Sơ̆p Hlabơar Nơ̆r 'Bok Kei-Dei

³⁷ Yua kơ năr ayơ ih lĕch đơ̆ng noh tŏk hlôi kơ thong đak Sêdrôn ih gô lôch: Pham ih gô tuh plơ̆ tơ kơpal kơ̆l ih.”

I Pot 2:37 ပူးပေါင်းရင်းမြစ်များ

II Sam 1:16

Đawit khan: “Pham ih tuh plơ̆ kơpal kơ̆l ih! Nơ̆r ih roi kơdih tơdrong noh, yua kơ ih khan: ‘Kơdih inh pơlôch bơngai mă Kră Yang rơih.’ ”

II Sam 15:23

Đĭ-đăng kon pơlei lăm pơlei Jêrusalem nhơ̆m ôr re kơplah lu khŭl tơpôl kon pơlei yak năm. Pơtao năm rok trong thŭng Kidrôn păng đĭ-đăng kon pơlei pơla năm rok tơklă tơ trong gah tơmăn glă.

I Pot 15:13

Sư kư̆m plôh tơlĕch yă sư Maaka đơ̆ng pơm yă pơtao lăm hnam pơtao, yua kơ yă sư man gơ̆ng rup yang Asêra drŏ-kăn mă kơnê̆ krưp dêh. Asa kư̆m teh tơpăk lê̆ gơ̆ng pôm yang păng soh rŭk lê̆ tơ lăm thŭng Kidrôn.

I Pot 2:31

Pơtao Sôlômôn khan: “Pơm bĕ thoi sư nơ̆r khan. Pơlôch sư păng 'bŭ sư, lei na inh păng hnam 'bă inh huay pă pŭ boih pham mă Jôap tuh tơdrong kơ đei.

I Pot 2:33

Thoi noh pham bre noh gô tuh tơ kơpal kơ̆l Jôap păng tơ kơpal kơ̆l adrĕch adrung sư ling-lang; mă-lei Đawit păng adrĕch adrung sư, hnam dơnŏ, tang-dŏ pơtao sư Kră Yang gô ăn đei tơdrong hiôk-hian ling-lang.”

I Pot 2:38

Simei tơl: “Nơ̆r ih pơkă 'noh 'lơ̆ng dêh, ih pơtao yŏng inh pơkă khan tơdrong kiơ, inh đĭch đam ih gô pơm kiơ̆ thoi noh.” Thoi noh Simei oei hloi tơ pơlei Jêrusalem đunh năr.

II Pot 23:6

Sư iŏk lê̆ rup yang Asêra đơ̆ng lăm Hnam akŭm kơkuh kơ Kră Yang, chĕp ba tơ jih Pơlei Jêrusalem, truh tơ thŭng Kidrôn, soh lê̆ tơ ei dĭng rơnok đĭ, đơ̆ng noh prôi rơnok ei kơpal bơsat kon pơlei.

II Ho 29:16

Lu 'bok soi mơ̆t lăm hnam Kră Yang wă hơmet rơgoh; dôm tơmam kơnê̆ 'mê̆-'mach 'bôh lăm hnam Kră Yang, lu sư iŏk tơlĕch lê̆ tơ đaih 'bơ̆t cham hnam Kră Yang; đơ̆ng noh lu bơngai Lêwi dônh iŏk, na năm tung klơ̆m hŭt lê̆ tơ thong Kidrôn.

Je 31:40

Jơ̆p lăm thŭng atâu đe lôch păng rơnok kơting, đĭ-đăng chŭn dĭng truh tơ thong đak Kidrôn păng truh tơ mum 'Măng Jang Aseh gah hơlĕch, dôm lu 'noh gô klah 'măn lê̆ pha 'lơ̆ng rơgoh ăn kơ Kră Yang păng pơlei oei oei ling-lang ưh kơ đei bu buch lê̆ păng pơrăm dơ̆ng.”

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Lêwi 20:9

Tơdah bơngai bu blei hiap mĕ dah 'bă sư đe gô pơlôch. Sư hiap boih mĕ 'bă sư na pham sư gô tuh tơ sư kơdih.

Yo 18:1

Yêsu krao khan đang boih, na Sư hăm lu bơngai pơhrăm păng Sư weh đơ̆ng ei na yak hlôi kơ thong đak Kidrôn. Tơ noh đei minh hlak pơgar na lu sư mơ̆t lăm ei.

Jôsuê 2:19

tơdah đei bơngai bu lĕch tơ 'nguaih đơ̆ng 'măng hnam ih, na pham lu sư gô tuh kơpal kơ̆l lu sư kơdih, lei lu nhôn ưh kơ đei yoch ôh, mă-lei tơdah bơngai bu mă pơlôch bơngai oei lăm hnam ih, pham sư gô tuh tơ kơpal kơ̆l lu nhôn.