I Pot 2:28 - Sơ̆p Hlabơar Nơ̆r 'Bok Kei-Dei

²⁸ Tơdrong 'nâu kơtơ̆ng truh tơ Jôap, yua kơ sư kiơ̆ khŭl Adonija, mă khan sư ưh kơ kiơ̆ khŭl Apsalôm ră, na sư kơdâu năm tơ bơsŭn anih hnam akŭm Kră Yang păng sư năm rôp hơke mum chơnang soi.

I Pot 2:28 ပူးပေါင်းရင်းမြစ်များ

II Sam 17:25

Apsalôm pôk Amasa pơm yŏng linh pơtrơp đơ̆ng Jôap. Amasa kon drŏ-nglo Jether adrĕch bơngai Isơrael. Jether sơ̆ sư oei kơ Abigail, kon adruh Nahas, mŏ Sêruia, mĕ Jôap.

II Sam 18:2

Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

I Pot 1:50

Adonija hli kơ Sôlômôn, iung kơdâu năm rôp kơjăp lu hơke mum chơnang soi.

I Pot 1:7

Sư pơđâu băl hăm Jôap kon drŏ-nglo Sêruia păng hăm 'bok soi Abiathar. Lu sư kiơ̆ Adonija păng tơgŭm sư.

Le 21:14

Tơdah bơngai bu pơrơ̆ng chă đon wă 'maih pơlôch đe. Mă đơ̆ng sư ôn tơ anih chơnang soi kơ Inh, kư̆m athei rôp păng pơlôch sư.

Le 27:2

'Bơ̆t puăn pah mum chơnang soi ih pơm puăn tŏ ake hlôi tơ 'nguaih păng lom păng kong.

Both 32:35

Tơdrong pơm 'mong gô lê̆ kơ Inh, Inh gô pơm tôm. Trŏ năr jơ̆ng lu sư tơsĕr pơ̆k. Tơdrong răm wă jê̆ truh kơ lu sư bơih. Tơdrong pơlôch lu sư, gô truh tĕnh.