I Pot 2:25 - Sơ̆p Hlabơar Nơ̆r 'Bok Kei-Dei

²⁵ Thoi noh pơtao Sôlômôn wơh Bênaia kon drŏ-nglo Jêhôiada năm koh pơlôch Adonija hloi.

I Pot 2:25 ပူးပေါင်းရင်းမြစ်များ

II Sam 1:15

Đawit krao minh 'nu bơngai tơdăm kiơ̆ sư na khan: “Năm pơlôch sư bĕ!” Bơngai ei năm pơlôch sư hloi.

II Sam 12:10

Thoi noh na, dao ưh kơ đei layơ pơdơh pơrăm hnam dơnŏ ih, yua kơ ih ưh kơ pơyom kơ Inh, tơgar iŏk akăn Uri, bơngai Hêtit, pơm akăn ih.”

II Sam 4:12

Đawit athei hloi lu linh sư pơlôch 'bar 'nu bơngai noh, chơ̆ng jơ̆ng ti sư, na hơtol akâu sư jê̆ cheng đak dơnâu tơ Hêbrôn, mă-lei kơ̆l Isbôset lu linh 'bŭ lăm bơsat Apner, tơ Hêbrôn.

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Pot 2:29

Đe năm roi kơ pơtao Sôlômôn khan: “Jôap kơdâu đơ̆ng âu boih năm tơ bơsŭn anih akŭm Kră Yang to dang ei sư oei rôp hơke 'bơ̆t mum chơnang soi.” Sôlômôn athei Bênaia kon drŏ-nglo Jêhôiada khan: “Ih năm koh pơlôch sư bĕ.”

I Pot 2:31

Pơtao Sôlômôn khan: “Pơm bĕ thoi sư nơ̆r khan. Pơlôch sư păng 'bŭ sư, lei na inh păng hnam 'bă inh huay pă pŭ boih pham mă Jôap tuh tơdrong kơ đei.

I Pot 2:34

Na Bênaia, kon drŏ-nglo Jêhôiada, tŏk năm pơlôch Jôap păng đe 'bŭ sư tơ teh sư lăm char glă.

I Pot 2:46

Thoi noh 'bok pơtao athei Bênaia kon drŏ-nglo Jêhôiada năm pơlôch Simei; na Bênaia lĕch năm koh pơlôch hloi Simei. Dêh char pơtao oei kơjăp lăm tơpang ti Sôlômôn.

Lu 15:12

Lu sư khan dơ̆ng: Lu nhôn jur tơ âu wă rôp chô̆ ih, wă ba ih tơ lu bơngai Philistin. Samsơn tơl: Apinh iĕm pơkă pơkăm hăm inh 'mơ̆i, iĕm ưh kơ pơlôch inh.

I Sam 15:33

Mă-lei Samuel khan: Dah đao ih pơm boih kơ bơngai drŏ-kăn hiong kon thoi yơ, na mĕ ih kư̆m gô hiong kon thoi noh mơ̆n. Đang kơ pơma, Samuel pơlôch hloi Agak 'bơ̆t anăp Kră Yang tơ Gilgal.