I Pot 2:23 - Sơ̆p Hlabơar Nơ̆r 'Bok Kei-Dei

²³ Pơtao Sôlômôn yua hăm anăn Kră Yang pơkăm khan: “Apinh Kră Yang 'Bok Kei-Dei pơm kơ inh phak inh mă trăp thoi Sư wă, tơdah Adonija ưh kơ lôch ôh yua kơ tơdrong sư apinh 'nâu.

I Pot 2:23 ပူးပေါင်းရင်းမြစ်များ

II Sam 19:13

Apinh măr iĕm kư̆m athei khan kơ Amasa: ‘Ih jơ̆ sĕch akar inh. Tơdah đơ̆ng âu tơ anăp ih ưh kơ pơm yŏng pơgơ̆r linh tơplih Jôap lei apinh Kră Yang 'Bok Kei-Dei phak inh trăp hloh!’ ”

II Sam 3:35

Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

II Sam 3:9

Apinh Kră Yang phak Apner mă trăp, tơdah inh ưh kơ kiơ̆ Đawit pơkeh dôm tơdrong Kră Yang đei pơkă hăm sư.

I Pot 19:2

Na yă Jêsebel athei đe năm khan kơ Êli: “Năr dơning lăm jơ 'nâu, tơdah inh ưh kơ pơrăm tơdrong arih ih, thoi ih pơrăm tơdrong arih minh 'nu lăm lu sư, lei apinh lu yang phak inh mă trăp.”

I Pot 20:10

Ben Hadat wơh bơngai nai dơ̆ng tơ'bơ̆p Ahap khan: “Apinh lu yang phak inh mă trăp tơdah 'mui teh tơ Samari tôm mah kơ rim tơpang ti lu linh lăm minh 'nu minh chup.”

II Pot 6:31

Pơtao ôr rơ̆n pơma pơkă khan: “Dah inh ưh kơ kăt ako Êlisê kon drŏ-nglo Saphat lei apinh Kră Yang 'Bok Kei-Dei sek tơlang, phak inh mă trăp hloh.”

Horiso 140:9

Ăn tơdrong kơnê̆ đơ̆ng 'bơ̆r lu bơngai pơm kơnê̆ mă wang inh, huŏng klơ̆p tơ kơ̆l lu sư kơdih.

Horiso 64:8

Kră Yang gô pơlôch lu sư, hơpiĕt lu sư gô blah plơ̆ lu sư kơdih; Đĭ-đăng lu bơngai 'bôh lu sư gô tơtreh kơ̆l.

Tơdrông Pơđơk 20:2

Tơdrong pơtao hil thoi dăm-brang grĕnh, Bơngai bu kơ chu pơgreh pơtao gô hiong tơdrong arih kơdih akâu.

Bôk Bơthô 10:12

Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Luka 19:22

Na yŏng sư khan: ‘Ơ dăm, ih bơngai ưh kơ chu dêh. Ih jô̆ kơ inh iŏk jên đơ̆ng iĕm mơdro thoi lĕ bơngai kĕch iŏk 'ba đơ̆ng đêl đe pơtăm hă?

Ru 1:17

ih lôch tơ yơ, inh kư̆m wă lôch păng 'bŭ hơdai ih tơ noh. Mă khan tơdrong kiơ pha 'nguaih kơ tơdrong lôch wă plah inh đơ̆ng ih. Apinh Kră Yang ăn tơdrong gleh truh tơ inh.

I Sam 14:44

Sôl pơkă: Ơ Jônathan, dah ih ưh kơ lôch, apinh Kră Yang tơjur tơdrong truh trăp dêh kơpal inh!