I Pot 19:17 - Sơ̆p Hlabơar Nơ̆r 'Bok Kei-Dei

¹⁷ Bơngai bu klaih đơ̆ng đao gưm Hasael, Jêhu gô pơlôch sư; bu klaih đơ̆ng đao gưm Jêhu Êlisê gô pơlôch sư.

I Pot 19:17 ပူးပေါင်းရင်းမြစ်များ

II Pot 10:32

Kơplah noh sơ̆, Kră Yang pơm tơhiong pơoch lê̆ teh lăm char Isơrael, pơm kơ Hasael blah iŏk jei tơ jơ̆p-jang lăm char Isơrael.

II Pot 12:17

Hơtai noh, Hasael pơtao đe Aram năm blah tơgar iŏk teh Pơlei Gat đơ̆ng noh sư kư̆m chĕp linh wă blah tơgar Pơlei Jêrusalem hai dơ̆ng.

II Pot 13:22

Hasael, pơtao đe Aram pơgŏ pơđep lu đe Isơrael dĭng truh đĭ chăl Jêhôahas pơgơ̆r.

II Pot 13:3

Kră Yang hil mĭl kơ lu đe Isơrael, Sư jao lu bơngai Isơrael lăm ti Hasael, pơtao đe Aram păng Ben Hadat kon drŏ-nglo Hasael đĭ lăm kơplah 'bar chăl pơtao noh pơgơ̆r.

II Pot 8:12

Hasael jet: “Ơ yŏng tơ'ngla ĭnh, yua kơ kiơ ih nhơ̆m?” Êlisê tơl: “Yua kơ ĭnh băt ih gô pơm kơnê̆ pơrăm lu bơngai Isơrael, ih gô soh chhông lu pơlei tih kơjăp noh, pơlôch lu bơngai drŏ-nglo oei hơmuh hơmŏng pơlôch hăm đao, juă pơhlơ̆r lu hơ'lơ̆p iĕ, păng roch klak lu bơngai drŏ-kăn oei anăp.”

II Pot 8:8

“Pơtao athei Hasael: Chĕp ba minh pôm tơmam pơyơ̆r năm sơng Êlisê bơngai Kră Yang 'Bok Kei-Dei yua, gơnang kơ sư krao apinh jet Kră Yang: “Ĭnh hăm wă kĕ klaih đơ̆ng jĭ dah ưh?”

II Pot 9:14

Thoi noh Jêhu kon drŏ-nglo Jêhôsaphat, sâu Nimsi, sư chă đon wă blah pơtao Jôram. Kơplah noh Jôram păng đĭ-đăng linh Isơrael oei wă găn blah pơtao Hasael pơtao đe Aram tơ Pơlei Ramôt Galaat.

II Pot 9:2

Mưh ih truh tơ noh, ih athei chă Jêhu kon drŏ-nglo Jêhôsaphat, sâu Nimsi; na ih gô mơ̆t, athei sư iung weh đơ̆ng 'nhŏng oh sư, păng ih chông sư mơ̆t lăm anih hrĕp hơdrô̆,

II Pot 9:20

Lĭnh gak roi dơ̆ng khan: “Bơngai mă đe wơh noh sư năm truh tơ ei bơih, mă ưh kơ 'bôh brŏk. To, bơngai hao gre aseh wă năm tơ âu, noh băt Jêhu, kon drŏ-nglo Nimsi bơih, sư hao hrơ̆t aseh nhen thoi blĕk dêh.”

II Pot 9:24

Jêhu iŏk hră sư gŭt prah Jôram 'brơ̆m 'bơm 'bơ̆t sơlam 'bar pah hơngiĕng, klĕch jrok tơ plei nuih sư, na sư pơ̆k lôch hloi lăm gre aseh sư.

II Pot 9:25

Na Jêhu khan kơ Bithan kuan wei sư: “Iŏk atâu sư 'nâu klơ̆m lê̆ lăm mir Nabôt Pơlei Jêsreel; ih hăm 'blŏk, minh 'măng ki ba đih hao gre aseh kiơ̆ 'moi Ahap, 'bă sư, na Kră Yang khan lê̆ gah sư:

Êsai 11:4

Mă-lei Sư gô sek tơlang tơpăt kơ lu bơngai dơnuh, păng sek ăn kiơ̆ tơdrong tơpăt hơnơ̆ng kơ lu bơngai pơmat-tat kơpal teh âu. Sư gô teh teh đak hăm 'long jra đơ̆ng 'bơ̆r Sư pơma păng hơyuh kial đơ̆ng hơkŭng Sư na pơlôch lu bơngai pơm kơnê̆.

Je 1:10

Năr 'nâu Inh pôk ih pơm yŏng kơ đĭ kon pơlei pơla păng đĭ kơ dêh char, ih gơh buch păng hŭt lê̆, dah pơrăm păng pơlôch dah man tơiung păng pơtăm ming.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Êsêkiên 15:7

Inh gô tơwih muh măt blah plơ̆ lu sư, mă khan lu sư klaih dơ̆ng ŭnh boih ră, ŭnh gô sa lu sư; na lu sư gô băt Inh boih Kră Yang.

Hôsia 6:5

Yua kơ thoi noh na Inh đei ăn boih lu bơngai khan lê̆ adrol pơbral lu iĕm, Inh pơlôch boih lu iĕm hăm nơ̆r pơma đơ̆ng 'bơ̆r Inh. Tơdrong Inh sek tơlang lĕch thoi hơdah măt 'năr lĕch.

Am 2:14

Lu bơngai kơdâu kuăng ưh kơ gơh kơdâu klĕnh ôh, lu bơngai pran kơtang kư̆m gô pă kĕ mơ̆n păng lu bơngai nuih kư̆m ưh pă gơh pơklaih akâu sư kơdih.

Am 5:19

Thoi minh 'nu bơngai kơdâu đơ̆ng dăm-brang mă-lei oei tơ'bơ̆p chơgơu dơ̆ng; dah thoi lu đe mơ̆t tơ lăm hnam, hơgơn ti tơ tơnăr, na 'bih choh ti sư.

Tơdrông Tơ'bôh 19:21

Na lu linh bre sư lôch đĭ kơ 'Bok mă hao aseh koh chong drong tơ'lĕnh păng đao 'bar pah măt mă lĕch đơ̆ng 'bơ̆r Sư. Klaih kơ noh na ăn kơ lu sem păr jur sa sĕch ôm lu atâu bơngai noh hrăp hreng.