I Pot 19:16 - Sơ̆p Hlabơar Nơ̆r 'Bok Kei-Dei

¹⁶ Păng tuh đak rơmă 'bâu phu kơ Jêhu kon drŏ-nglo Nimsi pôk sư pơm pơtao đe Isơrael; đơ̆ng noh ih athei tuh đak rơmă 'bâu phu kơ Êlisê kon drŏ-nglo Saphat đơ̆ng Pơlei Abel Mêhôla jing bơngai khan lê̆ adrol tơplih ih.

I Pot 19:16 ပူးပေါင်းရင်းမြစ်များ

II Sam 21:8

Mă-lei Đawit rôp jao Armôni păng Mephibôset, 'bar 'nu kon drŏ-nglo mă yă Rispa, kon drŏ-kăn Aiyah, tơpŭ ăn kơ pơtao Sôl; pơtao kư̆m rôp pơđăm 'nu kon drŏ-nglo yă Mêrap kon drŏ-kăn Sôl, 'bă lu sư noh Adriel, kon Barsilai, bơngai Mêhôlat.

I Pot 1:34

Tơ noh bre 'bok soi Sadok hăm Nathan bơngai khan lê̆ adrol tuh đak rơmă 'bâu phu pôk sư pơm pơtao Isơrael, lu iĕm hlôm tơgiĕp na jreo re khan: Pơtao Sôlômôn arih sot!

I Pot 4:12

Baana kon drŏ-nglo Ahilut wei-lăng lăm pơlei Taanach, pơlei Mêgiđô păng đĭ kơ pơlei Bêtsan jê̆ pơlei Sarêthan gah ala kơ pơlei Jêsreel păng iŏk đơ̆ng pơlei Bêt Sêan truh kơ pơlei Abel Mêhôla, truh tơ pah to pơlei Jôkmêam.

II Pot 2:1

Kră Yang wă pôk atŏk Êli hăm phŭt gơhnŏk huơ̆r, bre Êli păng Êlisê lĕch đơ̆ng Pơlei Gilgal.

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

II Pot 2:9

Lăp bre sư tŏk hlôi bơih, Êli khan kơ Êlisê: “Roi kơ inh bĕ: Ih wă kơ inh pơm kơ ih tơdrong kiơ, adrol kơ Kră Yang pôk iŏk inh tŏk tơ plĕnh tơklah đơ̆ng ih” Êlisê tơl khan: “Ơ 'bok thây, apinh ăn kơ inh yang bơhngol đơ̆ng ih hơtŭt lăm inh thim 'bar wơ̆t kơ noh dơ̆ng.”

Luka 4:27

Kư̆m thoi noh mơ̆n, kơplah Êlisê pơtruh nơ̆r 'Bok Kei-Dei tơ dêh char Isơrael âu sơ̆ đei lơ bơngai jĭ chin lăm dêh âu. Mă-lei Êlisê ưh kơ đei pơklaih lu sư ôh. Sư pơklaih pôm 'bok Naman, bơngai đơ̆ng dêh char Siri đĕch, sư dêh char tơmoi mơ̆n.”

Lu 7:22

Kơplah lu sư hlôm pêng-hrĕng tŏ tơgiĕp, Kră Yang pơm lu linh Miđian iŏk đao gưm 'bet pơlôch băl tơduă. Păng đĭ-đăng khŭl linh pơlôch băl tơduă Khŭl linh kơdâu ôn hlôi truh tơ pơlei Bet Sita tơklă char Sêrêra, păng truh tơ hơdral pơlei Abel Mêhôla jê̆ pơlei Tabat.

I Sam 18:19

Na, truh tơ khei 'năr Mêrap, kon drŏ-kăn Sôl, wă ăn kơ Đawit oei, na pơtao tă ăn kơ Adriel oei bơngai đơ̆ng pơlei Mêhôta.