I Pot 19:14 - Sơ̆p Hlabơar Nơ̆r 'Bok Kei-Dei

¹⁴ Êli tơl: “Jơhngơ̆m inh oei adrin dêh yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi Ih pơlôch lu bơngai khan lê̆ adrol hăm đao gưm pă minh 'nu inh oei arih, dang ei lu sư kư̆m oei chă wă pơlôch inh.

I Pot 19:14 ပူးပေါင်းရင်းမြစ်များ

I Pot 18:22

Na Êli khan kơ lu kon pơlei pơla: “Inh, lăp minh 'nu inh đĕch bơngai khan lê̆ adrol mă Kră Yang yua mă oei oei, lu bơngai khan lê̆ adrol gah yang Baal đei puăn-hrĕng pơđăm-jĭt 'nu.

I Pot 18:30

Na Êli khan kơ lu kon pơlei pơla, “apinh iĕm năm jê̆ tơ âu:” Na lu kon pơlei pơla năm dơ̆ng jê̆ sư. Êli hơmet ming chơnang soi Kră Yang mă răm bơih.

Horiso 78:37

Jơhngơ̆m lu sư ưh kơjăp păng Kră Yang. Lu sư kư̆m ưh kơ tơpăt lăm tơdrong pơgơ̆p Kră Yang 'Bok Kei-Dei tơtă.

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Êsai 62:1

Yua kơ Siôn na inh ưh kơ đei ngăn hreh ôh, yua kơ Jêrusalem na Inh ưh kơ đei pơdơh hiôk ôh. Dĭng truh tơ layơ tơdrong 'lơ̆ng tơpăt sư pơchrang thoi hơdah 'mơ̆i păng tơdrong dŏng pơklaih sư khơ̆ng thoi lĕ pla ŭnh hơchô̆ hơpaih.

Je 22:9

Gô đei bơngai tơl khan: ‘‘Noh yua kơ đơ̆ng kon pơlei âu achăng lê̆ tơdrong pơgơ̆p hăm Kră Yang, 'Bok Kei-Dei lu sư kơdih, na bơwih bơwăn păng kơkuh kơ yang nai.’ ”

Da 11:30

Yua kơ đei duk đơ̆ng tơring Kitim gô truh tơ noh tơblah hăm sư; lei na sư brŏk hăm tơdrong tơtok sơ'ngon. Sư blĕk dêh na gô pơm plơ̆ kơ tơdrong pơgơ̆p rơgoh păng pơm kiơ̆ kơ sư kơdih. Sư gô brŏk păng lăng gĭt kơ lu bơngai mă lê̆ tơdrong pơgơ̆p rơgoh noh.

Da 3:18

Mă ưh, ơ pơtao, apinh ih athei băt lu nhôn ưh kơ wă kơkuh dah bơ̆jang kơ yang ih păng kư̆m ưh kơkuh ôh kơ rup yang mă ih 'nao man hăm maih noh.

Hôsia 6:7

Mă-lei thoi Ađam,a lu sư pơm glăi boih kơ đêl nơ̆r pơkă pơgơ̆p, thoi noh lu sư pă tơpăt boih kơ Inh.

Rom 11:3

Sư khan: “Ơ 'Bok Kei-Dei, Ih lăng lu bơngai Isơrael pơlôch lu bơngai pơtruh nơ̆r Ih păng pơrăm dôm lu kơ'bang chơnang soi kơ Ih, na dang ei oei pă minh 'nu inh lui kơ Ih, lu sư kư̆m khan wă pơlôch mơ̆n.”

Both 29:25

Nơ̆r đe tơl: Yua kơ kon pơlei âu sơngah kơ tơdrong pơgơ̆p Kră Yang 'Bok Kei-Dei lu 'bok lu sư, pơm boih hăm lu sư, kơplah Sư chông ba lĕch hlôi đơ̆ng dêh Êyiptơ;

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Hêbrơ 8:9

Tơdrong pơgơ̆p 'nao ei ưh pă thoi tơdrong pơgơ̆p mă Inh pơjing ăn kơ lu yă 'bok iĕm kơplah mă Inh chông ba lu sư jăk đơ̆ng dêh Êyiptơ sơ̆ ôh. Tơdrong pơgơ̆p noh sơ̆ lu sư kuă kơ kiơ̆. Thoi noh na Inh achăng lê̆ lu sư, Kră Yang khan.