I Pot 19:12 - Sơ̆p Hlabơar Nơ̆r 'Bok Kei-Dei

¹² Đơ̆ng rŏng kơ teh tơdrŏ đei pla ŭnh; mă-lei Kră Yang kư̆m ưh kơ oei lăm pla ŭnh. Đơ̆ng rŏng kơ pla ŭnh đei nơ̆r hơbôn pơma hơdar.

I Pot 19:12 ပူးပေါင်းရင်းမြစ်များ

Bl 15:17

Kơplah măt 'năr mơ̆t boih, glĭp kơmăng mu truh na đei minh pôm tơnuh ŭnh tih lĕch 'nhui păng đei pla ŭnh soh dơhlông tơ lu kon sem mă đei blah noh hei.

I Pot 18:38

Kơplah noh ŭnh đơ̆ng Kră Yang jruh soh sa tơmam soi 'buh, 'long ŭnh, tơmo, 'mui teh păng đak lăm hơbong 'noh hrơ̆ đĭ.

II Pot 1:10

Mă-lei Êli tơl yŏng linh mă wei pơđăm-jĭt 'nu linh 'noh khan: “Dah inh bơngai Kră Yang 'Bok Kei-Dei yua, apinh ŭnh đơ̆ng plĕnh jruh sa lê̆ ih hăm pơđăm-jĭt 'nu linh ih 'noh.” Na ŭnh đơ̆ng plĕnh jruh sa lê̆ yŏng linh ei păng pơđăm-jĭt 'nu linh sư hloi.

II Pot 2:11

Kơplah bre sư oei nơnăm rah pơma dơnuh rah na 'bôh đei minh pôm gre aseh ŭnh păng aseh kư̆m ŭnh jur plah tơklah lê̆ bre sư; Êli phŭt gơhnŏk pôk ba sư tŏk tơ plĕnh.

Jop 33:7

Apinh ih 'nĕ kơ hli kơ kiơ kiơ. Inh ưh kơ đei pơma kơtĭt trăp tơ ih.

Jop 4:16

Đei ngôi rup noh dơ̆ng hĭ, inh lăng ưh kơ kơnăl. Đei hơbŏ bơngai lĕch dơ̆ng 'bơ̆t anăp inh. Oei dơ̆ng hreh, inh kơtơ̆ng nơ̆r pơma:

Le 3:2

Linh jang 'lơ̆ng Kră Yang tơ'bôh akâu kơ sư lăm pla ŭnh tŏk-bŏk jơ'bôt Jơla 'noh. Sư lăng 'bôh đĭ jơ'bôt jơla ŭnh oei sa, mă-lei ŭnh ưh kơ đei sa jơ'bôt jơla.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Jang 2:2

Lu sư kơtơ̆ng grơu đei re jơwa đơ̆ng plĕnh thoi lĕ kial hơbŭt tih 'bĕnh kơ hnam hloi.

Both 4:15

Lu iĕm athei kơchăng bĕ kơdih, yua kơ lu iĕm ưh kơ đei 'bôh ôh akâu Kră Yang 'Bok Kei-Dei lu iĕm, đơ̆ng lăm tŏk-bŏk ŭnh lăm năr Sư pơma khan kơ lu iĕm tơ kông Hôrêp.

Both 4:33

Hăm tam đei minh adrĕch ayơ kơtơ̆ng nơ̆r Kră Yang 'Bok Kei-Dei pơma đơ̆ng lăm ŭnh thoi lu iĕm đei kơtơ̆ng boih mă oei arih dang ei.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.