I Pot 19:11 - Sơ̆p Hlabơar Nơ̆r 'Bok Kei-Dei

¹¹ Kră Yang khan: “Lĕch bĕ păng dơ̆ng 'bơ̆t anăp Kră Yang tơ kơpal kông, yua kơ Kră Yang wă năm trong 'noh.” Đei hloi kial tih tơthu kơtang 'bơ̆t anăp Kră Yang, kial tơthu pơm kơ kông 'noh đah lang păng lu tơmo pơchah đĭ, mă-lei Kră Yang ưh kơ đei lăm kial 'noh. Đơ̆ng rŏng kơ kial hơbŭt 'noh đei teh tơdrŏ, mă-lei Kră Yang kư̆m ưh kơ đei lăm teh tơdrŏ.

I Pot 19:11 ပူးပေါင်းရင်းမြစ်များ

Jop 38:1

Kơplah noh, đơ̆ng lăm kial hơbŭt Kră Yang tơl Jop:

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Horiso 68:8

Teh gô pơpơ̆, đơ̆ng plĕnh gô đei 'mi jur 'bơ̆t anăp Kră Yang 'Bok Kei-Dei. Kông Sinai kư̆m pơpơ̆ 'bơ̆t anăp Kră Yang 'Bok Kei-Dei, jơ̆ Kră Yang 'Bok Kei-Dei lu bơngai Isơrael.

Horiso 68:9

Ơ Kră Yang 'Bok Kei-Dei! Ih ăn 'mi jruh lơ tơpă Ih ăn tơmam iung hơdrih. Dah lu sư jô hŏnh boih.

Le 19:16

Pơgê năr mă pêng, đei grơ̆m glaih kơmlat, hơmơ̆l kok hơ'bơ̆l dêh gom tơ kơpal kông păng kơtơ̆ng đei jơwa hlôm tơgiĕp re dêh pơm kơ đĭ-đăng kon pơlei oei lăm bơsŭn hli tơrơ ngăl.

Le 19:20

Kră Yang jur kơpal kơ̆l kông Sinai, Krao Môis tŏk tơ kông Môis tŏk hloi.

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Le 24:12

Kră Yang khan kơ Môis: Tŏk bĕ tơ Inh tơ kơpal kông păng gô tơ noh; Inh gô ăn kơ ih tơmo lat, chih răk khôi juăt păng nơ̆r tơtă wă bơtho kon pơlei pơla,

Le 24:18

Môis mơ̆t tơ tŏk-bŏk hơmơ̆l, tŏk tơ kơpal kông, oei tơ noh lăm puăn-jĭt năr păng puăn-jĭt măng.

Le 34:2

Dơning athei năm bĕ tơ kông Sinai; đơ̆ng hrôih gô inh na gô tơ'bơ̆p Inh tơ kơpal kông.

Le 34:6

Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsêkiên 1:4

Inh lăng 'bôh kial hơbŭt lĕch đơ̆ng gah yă-nơ̆m, đei hơmơ̆l tih dêh đei ŭnh hơdah jum dăr, păng tŏk-bŏk sư, inh 'bôh nhen thoi đei bơsei rang hơdah lăm ŭnh.

Êsêkiên 37:7

Thoi noh inh khan lê̆ adrol thoi Kră Yang tơtă kơ inh; kơplah inh oei pơma khan lê̆ đei kơtơ̆ng jơwa re đei teh pơpơ̆; lu kơting tơ bưh băl tơduă kơting hăm kơting.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Sa 14:5

Lu iĕm gô kơdâu ôn tơ lăm sơlŭng trôm kông, yua kơ sơlŭng noh să truh tơ Atsan, lu iĕm gô kơdâu ôn thoi đe kơdâu đơ̆ng teh tơdrŏ chăl Ôsia, pơtao đe Juđa. Dang ei Kră Yang 'Bok Kei-Dei inh gô truh, đĭ-đăng lu bơngai 'lơ̆ng rơgoh gô truh hơdai ih.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Mathiơ 24:7

Đei dêh âu iung blah dêh to, dêh to iung blah dêh nai. Đei teh adrŏ păng tơdrong pơngot rơwĕt lơ tơring âu tơring to.

Mathiơ 28:2

Na teh adrŏ mơ'nưt mơ'nat hloi, yua kơ linh jang 'lơ̆ng Kră Yang jur đơ̆ng plĕnh pơih ăn 'măng bơsat Yêsu. Linh jang ei tơoei kơpal tơnglơ̆p tơmo noh.

Hêbrơ 12:26

Kơplah Sư pơma kơ lu bơngai noh sơ̆, nơ̆r Sư pơma pơm kơ teh adrŏ. Ahrei Sư khan thoi âu dơ̆ng: “Pă minh 'măng Inh pơm, ưh pă pơm kơdrô̆ teh boih; Inh wă pơm pơđĭ plĕnh păng teh hloi.”

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 16:18

Klaih kơ noh na đei hloi grơ̆m aru 'mi pru sơaih glaih tơdrăng păng đei teh adrŏ tơtơ̆ng krưp dêh; đơ̆ng kon bơngai pơtơm oei tơ teh sơ̆ khơ̆ năr noh kơnh ưh tam kơtơ̆ng teh adrŏ krưp dang noh.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

I Sam 14:15

Đĭ-đăng linh lăm kơđông dah tơ 'nguaih hli tơrơ ngăl. Linh lăm lu kơđông nai păng lu bơngai chă blah tơgar iŏk kư̆m hli tơrơ; đei teh tơdrŏ, noh rai pơm kơ đe hli tơrơ noh đơ̆ng Kră Yang 'Bok Kei-Dei.