I Pot 18:40 - Sơ̆p Hlabơar Nơ̆r 'Bok Kei-Dei

⁴⁰ Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

I Pot 18:40 ပူးပေါင်းရင်းမြစ်များ

I Pot 18:41

Êli khan kơ Ahap: “Tŏk năm, sŏng sa păng et yua kơ inh kơtơ̆ng jơwa 'mi tih.”

I Pot 19:1

Ahap roi kơ yă Jêsebel dôm tơdrong Êli đei pơm boih păng thoi yơ tơdrong sư yua đao gưm pơlôch lu bơngai khan lê̆ adrol gah Baal hăm.

II Pot 11:18

Đĭ-đăng kon pơlei lăm dêh char sư năm tơ anih hnam yang Baal, na yuih pơrăm lê̆ đĭ, teh pơchah lê̆ chơnang soi păng pôlôch lê̆ Mathan 'bok soi gah yang Baal 'bơ̆t anăp, Đơ̆ng noh Jêhôiada athei bơngai gak wei Hnam Akŭm kơkuh kơ Kră Yang.

II Ho 23:15

Na đe rôp yă ei 'bơ̆t 'Măng Jang Aseh, na đe pơlôch hloi sư tơ noh.

II Ho 23:17

Đĭ-đăng lu kon pơlei năm tơ hnam yang Baal, pơrăm lê̆ lu chơnang soi păng rup man sư păng pơlôch Matan 'bok soi kơ yang Baal 'bơ̆t anăp chơnang soi.

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Je 48:10

Hiap bĕ lu bơngai jang kơ Kră Yang mă hơlĕnh pơdăr. Hiap bĕ lu bơngai ưh kơ yua đao gưm sư pơlôch đe!

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 20:10

Yang kơnê̆ Satan mă pơgơ̆r lu sư tơblah ei đe kư̆m tơlơ̆ sư tơ lăm dơnâu ŭnh. Sem brem mă kơnê̆ păng sem brem mă gơh pơm tơdrong hlĭch chrơp kư̆m tơ noh mơ̆n. Đĭ lu sư oei tơ dơnâu ŭnh hăl hang pơmat-tat măng năr ưh kơ layơ tôch.

Lu 4:13

Sisêra akŭm đĭ gre aseh, đei tơsĭn-hrĕng tŏ gre aseh păng đĭ lu linh sư đơ̆ng pơlei Harôsêt Hagôim năm truh tơ thong đak krong Kisôn.

Lu 4:7

Inh gô ba Sisêra, 'bok yŏng pơgơ̆r linh pơtao Jabin, hăm đĭ lu gre aseh sư păng đĭ lu linh sư năm tơ'bơ̆p iĕm tơ thong đak krong Kisôn; Inh gô pơjao sư lăm ti ih.

Lu 5:21

Tơ đak krong Kisôn lu sư hoch đĭ, Đak krong Kisôn ro lơ̆p pơhoch lê̆ đĭ lu sư. Ơ bơhngol inh, mă nuih pran kơtang bĕ năm tơ anăp!