I Pot 18:38 - Sơ̆p Hlabơar Nơ̆r 'Bok Kei-Dei

³⁸ Kơplah noh ŭnh đơ̆ng Kră Yang jruh soh sa tơmam soi 'buh, 'long ŭnh, tơmo, 'mui teh păng đak lăm hơbong 'noh hrơ̆ đĭ.

I Pot 18:38 ပူးပေါင်းရင်းမြစ်များ

Bl 15:17

Kơplah măt 'năr mơ̆t boih, glĭp kơmăng mu truh na đei minh pôm tơnuh ŭnh tih lĕch 'nhui păng đei pla ŭnh soh dơhlông tơ lu kon sem mă đei blah noh hei.

I Pot 18:24

Iĕm athei krao apinh anăn yang iĕm, gah inh krao apinh Anăn Kră Yang. Yang ayơ mă tơl tơwih ăn ŭnh soh 'long ŭnh, 'noh bơih Kră Yang 'Bok Kei-Dei. Na đĭ-đăng kon pơlei pơla tơl khan: Nơ̆r ih pơma 'noh trŏ bơih.

I Pot 18:35

Dĭng đak ro tăp dăr kơ chơnang soi păng 'bĕnh kơ hơbong.

I Pot 18:37

Ơ Kră Yang! Apinh Ih mơ̆ng păng tơl tơwih nơ̆r inh, wă kơ lu kon pơlei pơla 'nâu băt kơnăl Ih bơih Kră Yang 'Bok Kei-Dei păng gô pơm kơ jơhngơ̆m lu sư wih tơ Ih.

II Pot 1:12

Mă-lei Êli tơl yŏng linh ei: “Dah inh bơngai Kră Yang 'Bok Kei-Dei yua, inh apinh ŭnh đơ̆ng plĕnh jruh sa lê̆ ih hăm pơđăm-jĭt 'nu linh ih noh hloi. Ŭnh Kră Yang 'Bok Kei-Dei jruh hloi đơ̆ng plĕnh chhông sa lê̆ yŏng linh ei hăm pơđăm-jĭt 'nu linh sư.

I Ho 21:26

Đawit pơm minh pôm chơnang soi kơ Kră Yang tơ noh păng pơyơ̆r tơmam soi 'buh păng pơyơ̆r tơmam soi apinh hiôk hiam, krao apinh Kră Yang, Kră Yang tơl tơwih kơ sư hăm ŭnh đơ̆ng plĕnh huŏng 'bơ̆t kơpal chơnang soi pơyơ̆r tơmam soi 'buh.

II Ho 7:1

Đang kơ Sôlômôn krao khan Kơplah noh đei ŭnh đơ̆ng plĕnh jruh soh sa tơmam soi 'buh păng lu tơmam soi pơyơ̆r; tơdrong ư-ang rang mơnhal Kră Yang jur mơ̆t 'bĕnh kơ hnam akŭm.

Jop 1:16

Bơngai âu oei pơma, na blư kơ minh 'nu bơngai nai truh roi: “Glaih đơ̆ng Kră Yang 'Bok Kei-Dei kơpal plĕnh taih, ŭnh sa đĭ lu triu păng lu bơngai wei triu ih, lăp minh 'nu inh đĕch klaih năm roi ăn kơ ih.”

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Lêwi 10:1

Nađap păng Abihu 'bar 'nu kon drŏ-nglo Arôn, măr sư tă kơ chĕp gĕl tơmam 'bâu phu ngăl, tah ŭnh lăm noh, tah tơmam 'bâu phu kơpal păng pơyơ̆r ŭnh đơ̆ng nai 'bơ̆t anăp Kră Yang. Ŭnh thoi noh Kră Yang ưh kơ đei tơtă ôh kơ lu sư.

Lêwi 10:2

Ŭnh đơ̆ng anăp Kră Yang soh chhông bre noh, na măr sư lôch hloi 'bơ̆t anăp Kră Yang.

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Tơdrông Tơ'bôh 13:13

Sư gơh pơm lơ tơdrong hlĭch, sư pơm ŭnh đơ̆ng plĕnh huŏng tơ teh 'bơ̆t anăp đe kư̆m gơh mơ̆n.

Lu 6:21

Linh jang Kră Yang yơ̆r iŏk chĕp 'long jra sư dan tôt tơmam soi, tơ 'nhĕm păng tơ 'bĕng ưh kơ đei 'buih pông, đei ŭnh lĕch đơ̆ng tơmo, sa lê̆ 'nhĕm păng 'bĕng ưh kơ đei 'buih pông. Na linh jang 'lơ̆ng Kră Yang kư̆m weh 'biao pă 'bôh đơ̆ng.b