I Pot 18:3 - Sơ̆p Hlabơar Nơ̆r 'Bok Kei-Dei

³ Ahap krao Ôbadia bơngai wei-lăng hnam pơtao Ôbadia hli yom kơ Kră Yang dêh.

I Pot 18:3 ပူးပေါင်းရင်းမြစ်များ

Bl 22:12

Linh jang 'lơ̆ng khan thoi âu: “Lê̆ kơ hơ-ô ti ih tơ akâu kon hơ'lơ̆p âu păng kư̆m 'nĕ kơ pơrăm sư yua kơ dang ei Inh băt boih ih hli yom kơ Inh, na huay mah kơeng kơ kon ih wă pơyơ̆r kơ Inh.”

Bl 24:10

Đơ̆ng noh, đam sư rôp mơjĭt tŏ aseh lăk-đa yŏng tơ'ngla sư păng chĕp ba dôm tơmam đơ̆ng yŏng tơ'ngla sư, jao ăn, na iung yak tơ char Mesôpôtami truh tơ pơlei Nahôr,

Bl 24:2

Abraham khan hăm đĭch sưa bơngai mă oei lăm hnam sư, đam âu bơngai jang wei-lăng mŭk tơmam sư khan thoi âu; “apinh dan bĕ ti ih 'bơ̆t blu inh.

Bl 39:9

Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

Bl 41:40

Thoi noh, ih tŏk pơgơ̆r hnam pơtao; đĭ-đăng kon pơlei pơla pơtao gô chu yom kơ ih pơma. Inh tih hloh kơ ih tŏ sĕt yua kơ inh oei lăm tang-dŏ pơtao đĕch.

Bl 42:18

Truh năr mă pêng; Jôsep khan kơ lu sư thoi âu: Inh hli kơ Kră Yang 'Bok Kei-Dei; athei pơm thoi âu, na gơh arih.

I Pot 16:9

Simri bơngai pơm yŏng wei-lăng minh puăt gre aseh sư, chă đon pơm kơnê̆ kơ sư. Êla oei lăm Pơlei Tirsa, kơplah et tơdrô suai tơ lăm hnam Arsa bơngai wei-lăng hnam pơtao tơ pơlei Tirsa,

I Pot 18:12

Inh ưh kơ băt mưh inh weh đơ̆ng ih, kơnh Yang Bơhngol Kră Yang gô pôk hiŏng tơweh ih tơ nai, Mưh inh năm roi kơ Ahap, athei năm tơ âu na ưh kơ 'bôh ih tơ anih 'nâu lei sư gô pơlôch inh, mă khan inh đam ih, hli yom kơ Kră Yang đơ̆ng inh oei 'lơ̆p ră.

I Pot 18:2

Thoi noh na Êli năm tơ'bơ̆p Ahap. Kơplah noh lăm dêh char Samari đei tơdrong pơngot rơwĕt tih dêh.

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

Ne 5:15

Mă-lei lu kră wei-lăng adrol kơ inh pơgŏ kon pơlei tơgŭm tơmam sa păng sik, 'nguaih kơ puăn-jĭt sêikơl jên hu; lu bơngai đĭch đam kiơ̆ wei-lăng sư kư̆m wang chă apinh đơ̆ng kon pơlei đơ̆ng, mă-lei gah inh ưh kơ pơm thoi noh ôh; yua kơ hli yom kơ Kră Yang 'Bok Kei-Dei.

Ne 7:2

na inh pơjao ăn Hanani, oh inh păng Hanania pơm kuan wei-lăng hnam pơtao pơgơ̆r pơlei Jêrusalem yua kơ bre sư bơngai tơnăp păng hli yom kơ Kră Yang 'Bok Kei-Dei hloh kơ lu bơngai nai.

Jop 28:28

Kră Yang khan kơ kon bơngai “Hli yom kơ Kră Yang, noh bơih tơdrong gơh hơgei; Weh ataih đơ̆ng tơdrong kơnê̆, 'noh bơih tơdrong hlôh wao.”

Horiso 112:1

Halêluya! Pŭn dêh bu băt kơ hli yom kơ Kră Yang. 'Maih wă dêh kơ tơdrong juăt Sư!

Tơdrông Pơđơk 14:26

Bơngai bu hli yom kơ Kră Yang, đei tơdrong gơnang kơjăp. Păng anih kơ'nơp kơjăp kơ lu kon sâu sư.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 25:17

Bơngai mă iŏk 'bar hlak jên maih yŏng sư noh, kư̆m pơm lei-lăi, đei lơi kơ sư 'bar hlak jên maih dơ̆ng.

Jang 10:2

Sư ưh kơ sĭ bơngai Juđê mơ̆n mă-lei sư păng đĭ hnam dơnŏ sư lui kơkuh kơ 'Bok Kei-Dei. Sư kư̆m hơlăng kơ đe Juđê tơmam păng krao khan ling-lang kơ 'Bok Kei-Dei.

Jang 10:35

Lăm rim khŭl bơngai, bơngai bu lui kơkuh kơ 'Bok Kei-Dei păng pơm trŏ thoi Sư wă, 'Bok Kei-Dei kư̆m lăp đon kơ lu sư lei-lăi ngăl.