I Pot 18:21 - Sơ̆p Hlabơar Nơ̆r 'Bok Kei-Dei

²¹ Đơ̆ng noh Êli năm dơ̆ng 'bơ̆t anăp lu kon pơlei pơla păng khan: Lu iĕm năm ting bơring kiơ̆ 'bar pah trong 'nâu dĭng dang yơ? Tơdah Kră Yang 'Bok Kei-Dei lei iĕm athei kiơ̆ Kră Yang, tơdah Baal jơ̆ Kră Yang 'Bok Kei-Dei lei iĕm athei kiơ̆ Sư. Mă-lei lu kon pơlei pơla ưh kơ đei tơl sư minh nơ̆r.

I Pot 18:21 ပူးပေါင်းရင်းမြစ်များ

Bl 24:50

La'ban păng Bêthuel tơl thoi âu: “Tơdrong noh lĕch đơ̆ng Kră Yang lu nhôn tam gơh pơma kơ ih, trŏ dah glăi ôh.

Bl 44:16

Juđa tơl: Lu nhôn pă băt thoi yơ hăm yŏng tơ'ngla nhôn wă pơma dŏng nhôn kơdih thoi yơ? Wă pơ̆n pơma kơ ih thoi yơ dơ̆ng. Kră Yang 'Bok Kei-Dei 'bôh nhen boih tơdrong kơnê̆ đĭch đam ih. 'Nâu, na đĭ-đăng kơ lu nhôn păng bơngai mă chă 'bôh kơchŏk tơ 'bi sư wă jing đĭch đam ih yŏng tơ'ngla.

I Pot 18:20

Thoi noh Ahap athei đe năm krao akŭm đĭ-đăng lu bơngai Isơrael păng lu bơngai khan lê̆ adrol năm akŭm tơ Kông Karmel.

I Pot 18:39

Lăp kon pơlei pơla 'bôh thoi noh bơih lu sư drap brom tơ teh kơkuh păng khan: Kră Yang bơih 'Bok Kei-Dei! Kră Yang bơih 'Bok Kei-Dei!”

II Pot 17:41

Thoi noh bơih, lu adrĕch adrung 'nâu kơkuh kơ Kră Yang păng kư̆m oei bơ̆jang kơ lu rup yang mă lu sư pơm kơdih; đơ̆ng yă 'bok lu sư pơm thoi yơ, na lu kon sâu sư kư̆m oei pơm thoi noh truh tơ dang ei.

I Ho 17:26

Ơ Kră Yang, Ih boih 'Bok Kei-Dei, Ih pơkă boih tơdrong 'lơ̆ng âu kơ đĭch đam Ih.

II Ho 33:13

Manase krao apinh Kră Yang, Sư tơl tơwih nơ̆r Manase apinh păng mơ̆ng nơ̆r sư krao na chông tơbrŏk tơ Jêrusalem pơdrâu ăn dêh char sư kơdih; kơplah noh hloi Manase băt kơ Kră Yang 'Bok Kei-Dei sư.

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 119:113

Inh areh kơ lu bơngai đei jơhngơ̆m 'bar pah. Mă-lei 'mêm kơ khôi juăt Ih.

Hôsia 10:2

Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Mathiơ 22:12

'Bok pơtao khan kơ bơngai ei: ‘Ơ ma, lơliơ ih mơ̆t tơ lăm anih âu mă ưh kơ hrŭk tơplih hơbĕn ao tơdrong juăt pơkong?’ Mă-lei bơngai ei ưh kơ pơ̆n drơ̆ng sư thoi yơ.

Mathiơ 22:34

Khŭl Pharisi băt kơ jei Yêsu boih gah tơdrong pơjah hăm khŭl Sađusê. Na khŭl Pharisi akŭm băl.

Mathiơ 22:36

“Ơ 'Bok Thây, dôm tơdrong juăt 'Bok Kei-Dei pơkă, tơdrong juăt ayơ kăl hloh?”

Mathiơ 6:24

“Minh 'nu đĭch ưh kơ gơh jang kơ 'bar 'nu yŏng ôh, hli kơ sư 'mêm kơ yŏng âu, areh kơ yŏng to; chu yom kơ yŏng to, pơjăm pơjuă yŏng âu. Na mŭk tơmam kư̆m dang pơm yŏng mơ̆n. Dah iĕm băt 'mêm kơ 'Bok Kei-Dei Yŏng iĕm tơpă lei iĕm ưh kơ 'mêm kơ dôm mŭk tơmam tơ ala teh âu ôh.

Luka 6:13

Lăp 'năr boih na Yêsu krao lu bơngai pơhrăm păng Sư năm tơ Sư na Sư rơih iŏk mơjĭt-'bar 'nu. Sư anăn lu mơjĭt-'bar 'nu noh jơ̆ng 'bang Sư.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Both 4:35

Đei tơ'bôh boih kơ lu iĕm dôm tơdrong noh, wă băt kơ Kră Yang 'noh boih Kră Yang 'Bok Kei-Dei, ưh kơ bu nai dơ̆ng.

Jôsuê 24:15

Tơdah lu iĕm ưh kơ wă chu yom ôh kơ Kră Yang, lei dang ei athei rơih iŏk bĕ kơdih lu iĕm wă kơkuh kơ bu, kơ lu yang mă lu 'bok yă lu iĕm kơkuh tơ gah hơlĕch kơ đak Krong Tih dah lu yang kon pơlei Amôrit lăm char lu sư; mă lu iĕm oei âu Mă-lei gah inh păng hnam inh gô chu yom păng pơm kiơ̆ kơ Kră Yang.”

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.