I Pot 17:24 - Sơ̆p Hlabơar Nơ̆r 'Bok Kei-Dei

²⁴ Yă adro noh khan kơ Êli: “Dang ei inh băt kơ ih 'nâu minh 'nu bơngai đơ̆ng Kră Yang 'Bok Kei-Dei yua, dôm nơ̆r Kră Yang pơm lăm 'bơ̆r ih sĭt tơpă.”

I Pot 17:24 ပူးပေါင်းရင်းမြစ်များ

I Pot 12:22

Mă-lei nơ̆r Kră Yang 'Bok kei-Dei khan kơ Semaia bơngai Kră Yang 'Bok Kei-Dei wơh:

I Pot 17:23

Êli glơng bơngai 'lơ̆p 'noh đơ̆ng anih kơpal jur tơ ala, jao bơngai 'lơ̆p 'noh kơ mĕ sư păng khan, “ih lăng âu kon ih arih bơih.”

II Pot 4:16

Êlisê khan kơ duch ei: “Sơnăm anăp, kơplah bơyan 'nâu mơ̆n ih gô pôk minh 'nu hơ'lơ̆p drŏ-nglo.” Duch ei tơl: “Ưh, ơ yŏng tơ'ngla inh, bơngai mă Kră Yang 'Bok Kei-Dei yua, ih 'nĕ kơ pơma hơlĕnh pơ'brơh kơ inh đam drŏ-kăn ih.”

II Pot 4:9

Yă ei khan kơ klo sư: “Inh băt bơngai mă juăt kơ năm tơ hnam bơ̆n 'noh sư bơngai 'lơ̆ng tơpăt thoi Kră Yang 'Bok Kei-Dei wă.

Bôk Bơthô 12:10

'Bok bơtho adrin nŏng kơ chơchă dôm lu nơ̆r 'lơ̆ng păng dôm lu nơ̆r mă trŏ ling-lang chih tơlĕch tơpăt păng sĭt tơpă.

Yo 11:15

Trŏ mơ̆n Inh ưh kơ đei năm pơklaih sư năr mơsơ̆ kơlih Inh wă kơ iĕm lui kơjăp. Na dang ei bĕ bơ̆n năm lăng sư.”

Yo 11:42

Inh băt Ih mơ̆ng Inh ling-lang mơ̆n, mă-lei Inh khan thoi noh wă kơ lu bơngai mă oei tăp dăr kơ Inh kơtơ̆ng na lu sư gô lui kơ Ih wơh Inh.”

Yo 15:24

Đơ̆ng sơ̆ ưh kơ đei bu pơm tơdrong mơsêh mơyang dang Inh. Dah Inh ưh kơ pơm tơdrong mơsêh mơyang 'bơ̆t anăp lu sư wă tơbăt ăn kơ lu sư Inh đơ̆ng 'Bok Kei-Dei thoi krô hmă, lei lu sư ưh kơ hil kơ Inh ôh. Na dang ei lu sư 'bôh Inh păng 'bôh dôm tơdrong Inh pơm boih, na lu sư hil areh kơ Inh păng hil areh kơ 'Bă Inh mơ̆n. Lu sư chă tơdrong yoch tơpă.

Yo 16:30

Na dang ei nhôn băt kơ Ih, băt tôm tơdrong păng nhôn ưh pă kăl jet Ih dơ̆ng. Thoi noh boih na nhôn lui kơ Ih jur đơ̆ng 'Bok Kei-Dei tơpă.”

Yo 2:11

Tơdrong mơsêh mơyang âu boih Yêsu pơm tơ'bôh kơ đe mă hơdrol. Sư pơm tơ Pơlei Kanna, dêh Galilê. Thoi noh boih na lu bơngai pơhrăm păng Sư lui kơ Sư đơ̆ng 'Bok Kei-Dei tơpă.

Yo 3:2

Sư năm ngôi tơ Yêsu kơmăng, na sư khan kơ Yêsu: “Ơ 'Bok Thây, nhôn băt kơ Ih 'Bok Thây đơ̆ng 'Bok Kei-Dei wơh. Dah 'Bok Kei-Dei ưh kơ tơgŭm Ih, lei Ih ưh kơ gơh pơm tơdrong mơsêh mơyang thoi Ih pơm ahrei ôh.”

I Tes 2:13

Nhôn bơnê kơ 'Bok Kei-Dei yua kơ iĕm mơ̆ng nhôn bơtho tơdrong Sư na iĕm kơnăl kơ tơdrong 'Bok Kei-Dei tơpă, iĕm lui hloi. Iĕm ưh kơ đei tơchĕng khan nhôn bơtho tơdrong kon bơngai đĕch ôh. Nơ̆r 'Bok Kei-Dei boih ăn kơ bơngai bơ̆n lui kơ Sư, hăm ăn jơhngơ̆m bơ̆n pran kơtang jang kơ Sư.

I Yo 2:21

Inh chih ăn kơ iĕm kơthơ âu ưh kơ sĭ khan iĕm ưh kơ băt tơdrong 'Bok Kei-Dei ôh. Inh chih ăn kơ iĕm kơthơ âu yua kơ iĕm băt tơdrong 'Bok Kei-Dei tơpă păng iĕm kư̆m băt tơdrong 'Bok Kei-Dei ưh kơ hơlĕnh ôh.