I Pot 17:22 - Sơ̆p Hlabơar Nơ̆r 'Bok Kei-Dei

²² Kră Yang mơ̆ng păng tơl tơwih nơ̆r Êli krao khan; bơhngol bơngai 'lơ̆p 'noh mơ̆t dơ̆ng tơ lăm akâu sư na sư iung arih dơ̆ng.

I Pot 17:22 ပူးပေါင်းရင်းမြစ်များ

I Pot 17:23

Êli glơng bơngai 'lơ̆p 'noh đơ̆ng anih kơpal jur tơ ala, jao bơngai 'lơ̆p 'noh kơ mĕ sư păng khan, “ih lăng âu kon ih arih bơih.”

II Pot 13:21

Kơplah, đe năm 'bŭ minh 'nu bơngai lôch, 'bôh khŭl linh ei wă tơblah, na lu sư atat lê̆ atâu ei lăm bơsat Êlisê na kơdâu ôn. Lăp atâu bơngai lôch ei hơtŭt 'bơm kơting Êlisê, na bơngai lôch ei arih dơ̆ng păng gruih iung hloi.

Luka 7:14

Na Yêsu hơloh năm pel hơbang, na lu bơngai tung hơbang 'nei dơ̆ng. Yêsu khan kơ bơngai lôch 'nei khan: “Ơ dăm, iung bĕ ih.”

Luka 8:54

Đơ̆ng noh na đe Yêsu păng mĕ 'bă adruh ei mơ̆t tơ anih đe tơ'bĭch adruh ei na Yêsu rôp ti adruh ei păng khan: “Ơ mŏ adruh iĕ, iung bĕ.”

Yo 11:43

Klaih kơ noh Yêsu pơma 'bơ̆r re khan: “Ơ Lasarơ, iung đơ̆ng bơsat bĕ, lĕch tơ 'ngoaih âu.”

Jang 20:12

Na bơngai tơdăm ei arih 'lơ̆ng thoi đêl dơ̆ng, na lu bơngai lui năm ba truh tơ hnam sư, lu sư hiôk hơiă tơpă yua kơ sư oei arih.

Rom 14:9

Truh trong tơdrong lôch, tơdrong arih, pôm Yêsu Krist đĕch truh, pôm Sư đĕch gơh pơgơ̆r bơngai lôch, bơngai arih.

Both 32:39

Lăng bĕ, Inh âu boih Kră Yang 'Bok Kei-Dei. 'Nguaih kơ Inh ưh kơ đei yang nai dơ̆ng. Inh gơh ăn lôch păng ăn arih dơ̆ng, Inh teh rơka păng Inh ming pơklaih. Ưh kơ đei bu gơh tơgar iŏk klaih đơ̆ng tơpang ti Inh.

Hêbrơ 11:35

Yua kơ minh tơdrong lui, na lu sư rai đunh rai tih kơjăp. Na đei lu bơngai drŏ-kăn mơ'nah đei lu kon sư đêl lôch boih iung arih dơ̆ng. Lu bơngai lui mơ'nah đe teh pơlôch sư yua kơ sư ưh kơ chu lê̆ 'Bok Kei-Dei. Sư tơchĕng lôch bưh, iung arih oei hăm 'Bok Kei-Dei hiôk hloh.

Tơdrông Tơ'bôh 11:11

Lăp kơtĕch pêng năr minh puăt na 'Bok Kei-Dei tơiung arih bre sư, ăn kơ bre sư gơh dui jơhngơ̆m klaih kơ noh iung hloi. Lu đe mă 'bôh bre sư iung arih hli tơrơ dêh.

I Sam 2:6

Kră Yang ăn lôch păng ăn arih; Sư tơhuŏng bơngai lăm pơlei bơngai lôch păng gô tơiung hơtŏk arih dơ̆ng.