I Pot 17:18 - Sơ̆p Hlabơar Nơ̆r 'Bok Kei-Dei

¹⁸ Na yă tơ'ngla hnam 'noh khan kơ Êli. “Ơ bơngai mă Kră Yang 'Bok Kei-Dei yua, inh hăm ih đei tơdrong kiơ? Hăm trŏ ih năm tơ hnam inh 'nâu wă tơ'blŏk kơ inh đei tơdrong yoch păng pơlôch kon drŏ-nglo inh”.

I Pot 17:18 ပူးပေါင်းရင်းမြစ်များ

Bl 44:16

Juđa tơl: Lu nhôn pă băt thoi yơ hăm yŏng tơ'ngla nhôn wă pơma dŏng nhôn kơdih thoi yơ? Wă pơ̆n pơma kơ ih thoi yơ dơ̆ng. Kră Yang 'Bok Kei-Dei 'bôh nhen boih tơdrong kơnê̆ đĭch đam ih. 'Nâu, na đĭ-đăng kơ lu nhôn păng bơngai mă chă 'bôh kơchŏk tơ 'bi sư wă jing đĭch đam ih yŏng tơ'ngla.

Bl 50:15

Lu 'nhŏng oh Jôsep 'bôh 'bă sư lôch boih, na pơma tơduă lu sư khan: Băt Jôsep gô hil plơ̆ kơ lu bơ̆n păng wă pơm 'mong đơ̆ng lu bơ̆n pơm kơnê̆ kơ sư sơ̆.

Bl 50:17

Năm pơma bĕ hăm Jôsep thoi âu: Ơ Jôsep apinh ih mơnat ăn kơ tơdrong yoch glăi đêl lu 'nhŏng pơm yoch glăi păng ih, lu sư đei pơm yoch păng ih boih ră; mă-lei 'bă apinh ih 'nĕ pă jô̆ yo kơ đĭch đam Kră Yang 'Bok Kei-Dei 'bă. Kơtơ̆ng dôm nơ̆r noh Jôsep nhơ̆m.

II Sam 16:10

Pơtao tơl khan: “Ơ lu kon drŏ-nglo Sêruia, tơdrong inh 'bơm kiơ kơ lu iĕm? Lê̆ Simêi hiap, tơdah noh đơ̆ng Kră Yang athei hiap inh, na bu pơ̆n jet sư: ‘Yua kơ kiơ ih pơm thoi noh?’ ”

II Sam 19:22

Đawit khan: “Ơ lu kon drŏ-nglo yă Sêruia, tơdrong inh 'bơm kiơ kơ lu iĕm, na lu iĕm mă oei wă ayăt kơ inh năr 'nâu? Hăm gơh pơlôch minh 'nu bơngai ayơ lăm teh đak Isơrael năr âu ưh? Inh ưh kơ băt năr 'nâu inh pơm pơtao Isơrael hă?”

I Pot 12:22

Mă-lei nơ̆r Kră Yang 'Bok kei-Dei khan kơ Semaia bơngai Kră Yang 'Bok Kei-Dei wơh:

I Pot 13:1

Đơ̆ng Nơ̆r Kră Yang wơh na minh 'nu bơngai mă jang kơ Kră Yang 'Bok Kei-Dei lĕch đơ̆ng char Juđa năm tơ pơlei Bethel, kơplah Jêrôbôam oei dơ̆ng 'bơ̆t chơnang soi wă soh pơgang 'bâu phu.

I Pot 17:17

Đơ̆ng rŏng kơ 'noh kon drŏ-nglo yă tơ'ngla hnam jĭ dêh rai dêh kơtĕch jơhngơ̆m.

I Pot 17:19

Êli tơl sư: “Ăn kon ih tơ âu,” Êli glơng iŏk đơ̆ng ti mĕ sư tŏk tơ anih sư 'bĭch tơ kơpal, tơ'bĭch sư kơpal giơng.

I Pot 18:9

Ôbadia tơl: “Inh đei pơm tơdrong yoch kiơ, na ih pơjao inh mă đam ih lăm tơpang ti Ahap, wă kơ sư pơlôch inh?

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

II Pot 1:9

Pơtao wơh hloi minh 'nu yŏng linh chông pơđăm-jĭt 'nu linh sư năm tơ Êli, kơplah noh Êli oei ngôi kơpal wĕch kông. Yŏng linh ei khan kơ sư: “Ơ bơngai mă Kră Yang 'Bok Kei-Dei yua, pơtao wă kơ ih jur.”

II Pot 3:13

Êlisê khan kơ pơtao Isơrael: “Ih hăm inh đei tơdrong kiơ? Ih athei jet apinh bĕ bơngai khan lê̆ adrol mă mĕ 'bă ih yua sư noh:” Mă-lei pơtao Isơrael tơl: “Ưh ôh, yua kơ Kră Yang krao bơih pêng 'nu nhôn pơtao 'nâu wă jao lê̆ lăm ti lu bơngai Môap đĕch.”

II Ho 35:21

Nêkô wơh bơngai năm khan kơ Jôsia: “Ơ pơtao đe Juđa, inh hăm ih hăm đei tơdrong kiơ? Năr 'nâu inh ưh kơ sĭ năm wă blah ih ôh, mă-lei năm blah lu bơngai ayăt hăm dêh char nhôn. Kră Yang 'Bok Kei-Dei khan kơ inh jah mă tĕnh; lei pơdơh bĕ, 'nĕ pă tơblah hăm Kră Yang 'Bok Kei-Dei, Tơ'ngla mă oei hơdai inh, hli kơnh Sư pơlôch pơrăm ih.”

Jop 13:23

Inh đei pơm yoch kơnê̆ dôm yơ bơih? Apinh Ih tơbăt ăn kơ inh pơm glăi pơm yoch noh.

Jop 13:26

Yua kơ Ih phak bơih inh pŭ pơmat, păng ăn kơ inh pŭ dôm tơdrong yoch mă inh pơm kơplah oei tơdăm sơ̆.

Jo 5:15

Lei klo sư athei chông ba akăn sư năm 'bơ̆t anăp 'bok soi, chĕp ba tơpŭng minh lăm mơjĭt êpha phe 'ba tơ'bâu wă pơm tơmam soi, sư ưh kơ gơh hling đak rơmă ôliwơ păng đak tơmam 'bâu phu tơ kơpal tơmam ôh, yua kơ noh jơ̆ tơmam pơyơ̆r phe 'ba ưh kơ đei pham yua kơ tơdrong gar, tơmam soi âu wă pơtih ăn đei pơm tơdrong yoch kơnê̆,

Mathiơ 8:29

Lăp truh tơ Yêsu bre sư pơma 'bơ̆r re khan: “Ơ Kon 'Bok Kei-Dei, Ih truh tơ âu wă pơrăm nhôn hă? Ưh tam mă trŏ kơ năr Ih wă pơrăm nhôn ôh lah.”

Markôs 5:7

Yêsu athei yang kơnê̆ lĕch đơ̆ng akâu sư. Na yang kơnê̆ ei pơma 'bơ̆r re khan: “Ơ Yêsu, Kon 'Bok Kei-Dei Kră Yang Tih Hloh, Ih wă pơm kiơ kơ inh? Inh apinh 'Bok Kei-Dei pơm 'long sơlam kơ ba, na Ih 'nĕ kơ pơrăm inh.”

Markôs 6:16

Mă-lei lăp Hêrôt kơtơ̆ng tơdrong 'noh sư khan: “'Noh Yôhan tơpă, bơngai mă pơm 'batem kơ đe, 'bơ̆t mă inh pơlôch chơ̆ng ako sư sơ̆. Na dang ei sư iung arih đơ̆ng lôch.”

Luka 4:34

“Êi, Yêsu đơ̆ng Pơlei Nasaret, Ih wă pơm kiơ kơ khŭl nhôn? Inh băt mơ̆n Ih năm tơ âu wă pơrăm khŭl nhôn lah. Inh băt kơ Ih, Ih 'Bok 'Lơ̆ng Tơpăt đơ̆ng 'Bok Kei-Dei.”

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 8:28

Lăp sư 'bôh Yêsu, sư ôr na năm 'nap 'bơ̆t anăp Yêsu na Yêsu athei yang kơnê̆ lĕch đơ̆ng akâu sư. Yang kơnê̆ ei pơma pơret khan: “Ơ Yêsu, Kon 'Bok Kei-Dei Kră Yang Tih Hloh, lơliơ Ih wă phak inh dang ei, apinh Ih 'nĕ phak inh hŏ.” Đơ̆ng sơ̆ yang kơnê̆ juăt kơ pơm kơ sư wik. Đe chô̆ ră jơ̆ng ti sư păng glang mam, gak sư ră mă-lei sư hrĕch kơtĕch kơtoch đĭ, na yang kơnê̆ pơpuh sư năm tơ char glă chơngue.

Yo 2:4

Na Yêsu khan kơ sư: “Ơ duch, ih mah hăt kơ kiơ, yua kơ tam mă trŏ jơ Inh wă tơgŭm lu sư?”

Lu 13:6

Bơngai drŏ-kăn noh năm roi kơ klo sư: Đei minh 'nu bơngai đơ̆ng Kră Yang 'Bok Kei-Dei năm tơ'bơ̆p inh, muh măt sư nhen akâu linh jang 'lơ̆ng Kră Yang 'Bok Kei-Dei trŏ kơ hli krưp tơpă. Inh ưh kơ pơ̆n jet sư đơ̆ng yơ; sư kư̆m ưh kơ tơbăt kơ inh anăn sư,

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?