I Pot 17:14 - Sơ̆p Hlabơar Nơ̆r 'Bok Kei-Dei

¹⁴ Yua kơ đei nơ̆r Kră Yang 'Bok Kei-Dei đe Isơrael khan: ‘Tơpŭng ưh kơ đĭ ôh đơ̆ng lăm ge păng đak rơmă kư̆m ưh kơ đĭ mơ̆n đơ̆ng lăm get, dĭng truh tơ năr Kră Yang ăn đak 'mi jur tơ teh.’ ”

I Pot 17:14 ပူးပေါင်းရင်းမြစ်များ

I Pot 17:13

Mă-lei Êli khan kơ sư: “Ih 'nĕ kơ hli, ih athei brŏk pơm hloi thoi ih khan 'noh, mă adrol ih athei yua tơpŭng 'noh pơm ăn kơ inh minh pôm 'bĕng iĕ, đơ̆ng noh ba ăn kơ inh tơ âu; đơ̆ng rŏng kơ 'noh ih pơm ăn kơ ih păng kon drŏ-nglo ih.

I Pot 17:15

Sư brŏk pơm kiơ̆ thoi nơ̆r Êli khan, lăm hnam dơnŏ sư păng Êli sa 'bĕng 'noh tôm mah rim năr.

I Pot 17:4

Ih gô nhă đak thong Kêrit 'noh păng Inh gô wơh sem ak 'me rong ih tơ noh.”

II Pot 3:16

Sư khan: “Kră Yang khan thoi âu: Sir hơlŭng mă lơ bĕ, sir jơ̆p kơ thŭng thong 'nâu”

II Pot 7:1

Na Êlisê khan: “Mơ̆ng bĕ nơ̆r Kră Yang khan thoi âu: Năr dơning kư̆m kơplah jơ 'nâu mơ̆n, 'bơ̆t 'măng dur Pơlei Samari tơpŭng minh hnŏng iĕ, gô tĕch minh sêikơl jên hu, păng 'ba 'bar hnŏng iĕ, kư̆m tĕch minh sêikơl jên hu mơ̆n.

II Pot 9:6

Thoi noh, Jêhu gruih iung mơ̆t lăm hnam, na bơngai tơdăm ei tuh đak 'bâu phu kơpal kơ̆l sư păng khan: “Kră Yang 'Bok Kei-Dei Isơrael khan thoi âu: Inh rơih iŏk ih ăn kơ đe tuh đak 'bâu phu ăn kơ ih pơm pơtao đe Isơrael wei-lăng kon pơlei Kră Yang.

Mathiơ 26:7

Kơplah lu sư oei sŏng sa đei minh 'nu drŏ-kăn chĕp minh pôm gŏl đak pơgang 'bâu phu đe gĭt tơpă, gŏl noh đe pơm păng tơmo. Na duch noh tuh tơ kơ̆l Yêsu.