I Pot 17:1 - Sơ̆p Hlabơar Nơ̆r 'Bok Kei-Dei

¹ Êli bơngai Pơlei Tisbe, oei tơ Pơlei Tisbe lăm char Gileat, sư khan kơ Ahap: “Inh dơ̆ng 'bơ̆t anăp Kră Yang 'Bok Kei-Dei đe Isơrael mă arih khan: Lăm sơnăm tơ anăp 'nâu, gô đei tơdrong phang-ang, tŭk păng đak 'mi ưh kơ đei jur tơ teh, dĭng truh tơ Inh đei khan dơ̆ng.”

I Pot 17:1 ပူးပေါင်းရင်းမြစ်များ

I Pot 17:12

Drŏ-kăn adro ei tơl: “Đei Kră Yang 'Bok Kei-Dei ih oei arih băt, inh ưh pă đei minh pôm 'bĕng. Inh oei pă minh chup tơpŭng lăm ge păng đak rơmă kư̆m dai oei tŏ sĕt lăm getchai. 'Nâu inh chă dônh minh 'bar tŏ 'long ŭnh, wă brŏk pơm ăn kơ nhi kon drŏ-nglo inh 'bĕng; wă sa pơtôch, na nhi gô lôch đĕch bơih.”

I Pot 17:2

Đơ̆ng noh đei nơ̆r Kră Yang khan kơ Êli:

I Pot 18:1

Đunh năr đơ̆ng noh, truh lăm sơnăm mă pêng, đei nơ̆r Kră Yang khan kơ Êli: “Ih athei năm tơ'bơ̆p Ahap; Inh gô ăn đak 'mi jruh tơ teh dơ̆ng.

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

I Pot 18:15

Êli tơl: “Inh dơ̆ng 'bơ̆t anăp Kră Yang tih hloh oei arih, inh gô tơ'bơ̆p Ahap năr 'nâu.”

I Pot 22:14

Mă-lei Mikai khan: “Sĭt tơpă Kră Yang mă arih, inh gơh pơma tơdrong kiơ mă Sư athei inh pơma.”

I Pot 8:35

Mưh plĕnh phang ưh kơ đei đak 'mi yua kơ đơ̆ng lu sư pơm yoch hăm Ih, mă-lei dah lu sư năm tơkan tơ anih âu krao khan hơdrĭ hăm anăn ih, hŭt lê̆ tơdrong yoch lu sư, yua kơ ih phak bơtho lu sư boih.

II Pot 1:3

Mă-lei linh jang 'lơ̆ng Kră Yang khan kơ Êli bơngai Tisbit thoi âu: “Iung bĕ năm tơ'bơ̆p lu bơngai mă 'bok pơtao đe Samari wơh păng khan kơ lu sư: ‘Lăm Isơrael ưh kơ đei Kră Yang 'Bok Kei-Dei hă na iĕm năm jet apinh yang Baal Sêhup, yang Pơlei Ekrôn noh?’

II Pot 3:14

Na Êlisê khan: “Inh pơkă 'bơ̆t anăp Kră Yang tih hloh, Sư arih ling-lang Tơ'ngla mă inh bơ̆jang, tơdah inh ưh kơ chu yom kơ Jêhôsaphat, pơtao đe Juđa, inh ưh kơ wă lăng ih ôh, păng kư̆m ưh kơ wă sơng ih mơ̆n.

II Pot 4:38

Êlisê wih tơ Gilgal. Tơ lăm char đei tơdrong pơngot rơwĕt. Lu 'bok khan lê̆ adrol kơplah noh oei ngôi 'bơ̆t anăp sư. Sư khan kơ đam sư: “Iŏk gŏ tih noh pai ăn kơ lu đe âu 'nhot sa”

II Pot 5:16

Mă-lei Êlisê tơl khan: “Inh pơkă hăm Anăn Kră Yang mă arih ling-lang, tơ'ngla mă inh bơ̆jang, inh ưh kơ iŏk yă kiơ ôh.” Naaman lung athei Êlisê iŏk, mă-lei Êlisê pơjăng ưh kơ iŏk.

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

II Ho 21:12

Êli bơngai khan lê̆ adrol chih hla bơar ăn kơ Jêhôram, khan: “Kră Yang 'Bok Kei-Dei Đawit, 'bok ih, khan: ‘Yua kơ ih ưh kơ yak kiơ̆ kơ trong Jêhôsaphat 'bă ih păng kư̆m ưh kơ kiơ̆ trong Asa, pơtao Juđa,

II Ho 6:26

Mưh plĕnh tang đĭ ưh kơ đei 'mi, yua kơ đơ̆ng kon pơlei Isơrael pơm yoch hăm Ih na lu sư tơkan tơ hnam âu krao pôk anăn Ih tơbral yoch kơdih yua kơ Ih phak lu sư pơmat-tat boih.

Jop 12:15

Sư bơ̆ găn lê̆ đak, đak glung hrơ̆ hrĕng hloi; Sư ăn 'mi đak lơ̆p kơ teh hloi,

Êsai 49:18

Athei bơyar măt iĕm lăng jum dăr: Đĭ-đăng lu kon iĕm gô akŭm băl wă brŏk tơ iĕm! Kră Yang khan: Tơpă thoi Inh Tơ'ngla arih ling-lang ih lăng lu sư thoi lĕ tơmam đe pơguăng, thoi tơlei tơ̆n bơngai drŏ-kăn wă iŏk klo.

Êsai 5:6

Inh gô lê̆ sư Jing bri, ưh kơ đei hơleh dơng seh hơmet sư; na 'nhĕt jơla gô chăt krênh tơm sư. Inh gô khan kơ hơmơ̆l 'nĕ pă 'mi jruh tơ pơgar noh.

Je 14:22

Hăm đei lu yang kiơ gơh pơm đak 'mi ăn kơ kon bơngai? Đơ̆ng plĕnh hăm gơh tơjur kơdih đak 'mi tơ teh? Ơ Kră Yang 'Bok Kei-Dei lu nhôn, Ih đĕch gơh pơm. Thoi noh lu nhôn oei chang gô Ih, Yua kơ Ih boih pơjing kơ dôm tơdrong noh.

Je 15:19

Thoi noh 'nâu Kră Yang khan: “Tơdah ih tơbral, Inh gô sơng iŏk ih, ăn kơ ih dơ̆ng 'bơ̆t anăp Inh; dah ih pơma nơ̆r sĭt ưh kơ chă pơma ngôi đĕch, ih gô jing thoi 'bơ̆r Inh pơma. Lê̆ lu kon pơlei pơla âu gô wih tơ ih, mă-lei ih 'nĕ wih tơ lu sư.

Je 28:8

Lu 'bok khan lê̆ adrol, adrol kơ ih hăm adrol kơ inh, đơ̆ng sơ̆ lu sư khan lê̆ adrol boih kơ tơdrong tơblah wang, tơdrong pơrăm, jĭ lôch hơbuh, pơngot rơwĕt, truh tơ lơ dêh char păng tơ lăm dêh char tih.

Hagai 1:10

Thoi noh yua kơ lu iĕm na plĕnh kư̆m pă tơjur tŭk păng teh kư̆m pă pơjing plei.

Mathiơ 11:14

Sơ̆p hla bơar 'Bok Kei-Dei khan Êli wă jur. Mă tơpă Yôhan noh boih Êli, hli kơ iĕm ưh kơ lui đĕch na khan ưh kơ trŏ kơ Êli.

Mathiơ 16:14

Lu sư khan: “Mơ'nah đe krao Ih Yôhan bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Đei bơngai mơ'nah dơ̆ng khan Ih 'bok Jêrêmi mă kư̆m pơtruh nơ̆r 'Bok Kei-Dei sơ̆, mơ'nah khan Ih bơngai nai mă pơtruh nơ̆r 'Bok Kei-Dei sơ̆.”

Mathiơ 27:47

Đei lu bơngai oei kiơ̆ ei lu sư kơtơ̆ng Yêsu pơma thoi noh, lu sư ngêh kơ Yêsu krao Êli. Lu sư khan: “Ei Sư krao Êli.”

Mathiơ 27:49

Mă-lei lu bơngai 'bơ̆t ei khan: “Bơ̆n gô lăng 'mơ̆i, hăm 'bôh Êli năm tơjur Sư đơ̆ng 'long pơglang tơpă dah ưh.”

Mathiơ 7:29

yua kơ Sư bơtho hơgei thoi lĕ Sư băt kơdih, ưh kơ thoi lu thây bơtho tơdrong juăt đe Juđê chă bơtho đe.

Luka 1:17

Kră Yang bơ̆n wă jê̆ jur na kon ih ei gô năm hơdrol kơ Kră Yang. Sư đei Yang Bơhngol 'Lơ̆ng ăn kơ sư jing pran kơtang tơpă kư̆m thoi Êli sơ̆. Sư gô tơgŭm kon pơlei Isơrael 'mêm mơnat kơ lu kon sư. Sư gô tơgŭm lu bơngai ưh kơ lui tơbral kơdih tơdrong yoch na wă kơ đei đon 'lơ̆ng. Yua kơ thoi noh na sư hơmet ming kon bơngai adrol kơ Kră Yang truh.”

Luka 1:19

Linh jang 'lơ̆ng ei khan: “Inh âu boih Gabrel. Inh ling-lang oei hơdai 'Bok Kei-Dei. Sư wơh inh jur pơtruh ăn kơ ih tơdrong noh,

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Luka 9:30

Đơ̆ng noh 'bôh blư kơ Môis păng Êli jur pơma dơnuh păng Yêsu.

Luka 9:33

Lăp bre noh wă weh đơ̆ng Yêsu, na Pêtrôs khan kơ Yêsu: “Ơ 'Bok Thây, bơ̆n oei tơ âu hiôk dêh. Lê̆ kơ nhôn pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.” Pêtrôs pơma thoi noh, sư pơma hơdrol kơ đon.

Luka 9:54

Lăp bre Yakơ păng Yôhan bơngai pơhrăm păng Sư 'bôh thoi noh boih, bre sư khan kơ Yêsu: “Ơ 'Bok, Ih hăm wă kơ bơ̆n athei ŭnh jruh đơ̆ng plĕnh sa pơlei đe âu?”

Yo 1:21

Lu sư jet dơ̆ng: “Lei hăm trŏ kơ ih Êli bơngai mă pơtruh nơ̆r 'Bok Kei-Dei sơ̆?” Yôhan khan: “Ưh ôh.” “Lei hăm trŏ kơ ih bơngai pơtruh nơ̆r 'Bok Kei-Dei mă nhôn chang gô đơ̆ng sơ̆?” Yôhan khan: “Ưh mơ̆n.”

Yo 1:25

Lu sư jet dơ̆ng Yôhan thoi âu: “Ih ưh kơ sĭ 'Bok Krist, ưh kơ sĭ Êli păng ih kư̆m khan ưh kơ sĭ 'bok pơtruh nơ̆r 'Bok Kei-Dei noh, lei ih bu? Liơ ih gơh pơm kơ đe 'batem?”

Jang 27:23

Inh lui kơkuh kơ Kră Yang 'Bok Kei-Dei, Sư kư̆m wei-lăng inh mơ̆n. Măng hei linh jang 'lơ̆ng đơ̆ng 'Bok Kei-Dei năm tơ inh păng khan: ‘Ơ Pôl, ih 'nĕ pă hli. Ning-mônh ih gô dơ̆ng 'bơ̆t anăp pơtao tơm bơngai Rôm tơpă. 'Bok Kei-Dei kư̆m mơnat kơ đĭ-đăng lu bơngai năm hơdai hăm ih mơ̆n na lu sư kư̆m huay kơ lôch.’

Rom 11:2

'Bok Kei-Dei ưh kơ hŭt ôh lu bơngai Isơrael, yua kơ Sư rơih iŏk đơ̆ng sơ̆ boih. Iĕm kư̆m băt mơ̆n tơdrong Êli chih roi lăm hla bơar 'Bok Kei-Dei kơplah sư hil kơ lu bơngai Isơrael sơ̆.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Ya 5:17

Êli sơ̆ sư kư̆m kon bơngai lei-lăi thoi bơ̆n, mă-lei sư krao khan adrin tơpă, sư apinh 'Bok Kei-Dei kuă ăn 'mi tơ dêh sư oei, na 'Bok Kei-Dei kư̆m mơ̆ng sư tơpă, kơtĕch pêng sơnăm minh puăt ưh kơ đei đak 'mi.

Tơdrông Tơ'bôh 11:6

Bre sư gơh chĭt đak 'mi đơ̆ng plĕnh kuă ăn 'mi kơplah bre sư oei chă năm pơtruh kơ đe nơ̆r 'Bok Kei-Dei. Bre sư kư̆m gơh sơkat kơ đak jing pham păng bre sư kư̆m gơh pơm kơ bơngai mă ưh kơ chu jĭ pơmat-tat gô mơ̆ng kơ bre sư wă.

Lu 12:4

Jeptha krao akŭm đĭ-đăng kon pơlei Gileat năm blah lu bơngai Êphraim jei kon pơlei Gileat. Bơngai drŏ-nglo char Gileat blah kon pơlei Êphraim yua kơ lu sư khan: Ơ kon pơlei Gileat, lu iĕm bơngai kơchu kư̆ kă weh đơ̆ng char Êphraim păng đŏng lu kon pơlei Manase đĕch.