I Pot 16:9 - Sơ̆p Hlabơar Nơ̆r 'Bok Kei-Dei

⁹ Simri bơngai pơm yŏng wei-lăng minh puăt gre aseh sư, chă đon pơm kơnê̆ kơ sư. Êla oei lăm Pơlei Tirsa, kơplah et tơdrô suai tơ lăm hnam Arsa bơngai wei-lăng hnam pơtao tơ pơlei Tirsa,

I Pot 16:9 ပူးပေါင်းရင်းမြစ်များ

Bl 15:2

Abram tơl thoi âu: “Kơkuh kơ Ih Kră Yang. Ih gô ăn kiơ? Inh gô lôch mă-lei ưh kơ đei kon, bơngai ioi adrĕch adrung hnam inh noh Êliêser, Đơ̆ng pơlei Đamas.”

Bl 24:10

Đơ̆ng noh, đam sư rôp mơjĭt tŏ aseh lăk-đa yŏng tơ'ngla sư păng chĕp ba dôm tơmam đơ̆ng yŏng tơ'ngla sư, jao ăn, na iung yak tơ char Mesôpôtami truh tơ pơlei Nahôr,

Bl 24:2

Abraham khan hăm đĭch sưa bơngai mă oei lăm hnam sư, đam âu bơngai jang wei-lăng mŭk tơmam sư khan thoi âu; “apinh dan bĕ ti ih 'bơ̆t blu inh.

Bl 39:4

Thoi noh Jôsep đei yŏng tơ'ngla sư lăp đon păng gơnang; yŏng sư jao kơ sư jang, wei-lăng mŭk măk lăm hnam dơnŏ, jao ăn đĭ-đăng mŭk tơmam kơ sư.

Bl 39:9

Lăm hnam 'nâu ưh kơ đei bu tih hloh kơ inh păng kư̆m ưh kơ pơkơ̆m inh tơdrong kiơ, mă-lei gah ih, ưh kơ gơh ôh, yua kơ ih akăn yŏng tơ'ngla inh. Thoi yơ inh gơh pơm tơdrong kơnê̆ 'mê̆-'mach dêh thoi noh, na kư̆m pơm yoch păng Kră Yang 'Bok Kei-Dei mơ̆n.

I Pot 15:27

Baasa kon drŏ-nglo Ahija adrĕch hnam Isakar chă đon wă pơm kơnê̆ kơ sư, lăm kơplah Nađap păng lu bơngai Isơrael wang blah iŏk pơlei Gibêthôn, pơlei lu bơngai Philistin. Na Baasa pơlôch sư.

I Pot 16:10

Simri mơ̆t lăm hnam teh păng 'bet pơlôch hloi Êla lăm sơnăm mă 'bar-jĭt tơpơh chăl Asa pơm pơtao đe Juđa, đơ̆ng noh Sư tŏk pơm pơtao pơtrơp hloi.

I Pot 16:8

Lăm sơnăm mă 'bar-jĭt tơdrâu, chăl Asa pơm pơtao đe Juđa, Êlah kon drŏ-nglo Baasa tŏk pơm pơtao đe Isơrael. Sư oei tơ Pơlei Tirsa, pơgơ̆r lăp 'bar sơnăm đĕch.

I Pot 18:3

Ahap krao Ôbadia bơngai wei-lăng hnam pơtao Ôbadia hli yom kơ Kră Yang dêh.

I Pot 20:12

Ben Hadat oei et tơdrô hơdai hăm lu pơtao lăm kơđông, lăp sư kơtơ̆ng dôm nơ̆r 'noh, na khan hloi kơ lu linh sư: “Iĕm athei hơmet năm blah.” Đơ̆ng noh lu linh năm hloi wă blah pơlei 'noh.

I Pot 20:16

Lu Sư lĕch năm 'bơ̆t tŏk-bŏk 'năr dơ̆ng kơplah Ben Hadat hơdai hăm pêng-jĭt 'bar 'nu pơtao buăl dơ̆ng sư et tơdrô suai lăm kơđông.

II Pot 12:20

Lu đĭch đam Jôas iung blơ̆ lê̆ sư, pơlôch sư tơ Bet Milô, 'bơ̆t trong jur tơ Pơlei Sila.

II Pot 15:10

Sallum, kon drŏ-nglo Jabes, chă đon blơ̆ sư, pơlôch sư 'bơ̆t anăp kon pơlei, đơ̆ng noh tŏk pơm pơtao tơplih sư.

II Pot 15:25

Pêka kon drŏ-nglo Rêmalia, yŏng linh pơtao, chă đon wă pơm kơnê̆ kơ sư, hơdai hăm pơđăm-jĭt 'nu đơ̆ng tơring Gileat, blah kơđông kơjăp tơ Pơlei Samari, pơlôch sư hơdai hăm Argôp, Arie na sư tŏk pơm pơtao tơplih Pêkahia.

II Pot 15:30

Hôsêa kon drŏ-nglo Êlah, chă đon blah Pêka, kon drŏ-nglo Rêmalia păng pơlôch sư đơ̆ng noh tŏk pơm pơtao tơplih sư. 'Blep kơ sơnăm mă 'bar-jĭt, chăl Jôtham kon drŏ-nglo Ussia pơgơ̆r.

II Pot 9:14

Thoi noh Jêhu kon drŏ-nglo Jêhôsaphat, sâu Nimsi, sư chă đon wă blah pơtao Jôram. Kơplah noh Jôram păng đĭ-đăng linh Isơrael oei wă găn blah pơtao Hasael pơtao đe Aram tơ Pơlei Ramôt Galaat.

Tơdrông Pơđơk 31:4

Ơ Lêmuel, lu pơtao huch tơdrô ưh kơ 'lơ̆ng ôh; Kŭm ưh kơ 'lơ̆ng kơ lu kră pơgơ̆r hơmuy tơdrô.

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Da 5:30

Lăm măng noh hloi pơtao Belsatsar bơngai Kalđê đe pơlôch.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Luka 21:34

“Na kơplah iĕm oei arih dang ei, iĕm athei kơchăng kơdih 'nĕ kơ nŏng kơ et sik, hli kơ suai. Păng 'nĕ pă hăt kơ tơdrong ala teh, hli kơ năr noh truh kơplah iĕm ưh kơ kơchăng, tabơla haih pă tam thoi bơngai 'leh 'năk. Na tơdrong noh wă truh tơ jơ̆p-jang teh đak ning-mônh kư̆m thoi noh mơ̆n.