I Pot 16:7 - Sơ̆p Hlabơar Nơ̆r 'Bok Kei-Dei

⁷ Đei dơ̆ng nơ̆r Kră Yang khan kơ Jêhu 'bok khan lê̆ adrol, kon Hanani, nơ̆r noh blah Baasa păng adrĕch sư, yua kơ tơdrong yoch kơnê̆ mă sư đei pơm 'bơ̆t anăp Kră Yang, păng tơblĕk Kră Yang hăm tơdrong sư pơm, sư pơm rok thoi adrĕch hnam Jêrôbôam păng yua kơ sư pơlôch pơrăm adrĕch hnam noh.

I Pot 16:7 ပူးပေါင်းရင်းမြစ်များ

I Pot 14:14

Kră Yang Sư kơdih gô tơiung kơ minh 'nu pơm pơtao pơgơ̆r Isơrael, sư gô pơlôch pơđĭ hnam dơnŏ Jêrôbôam lăm năr 'nâu hloi? Tơpă năr 'nâu hloi.

I Pot 16:8

Lăm sơnăm mă 'bar-jĭt tơdrâu, chăl Asa pơm pơtao đe Juđa, Êlah kon drŏ-nglo Baasa tŏk pơm pơtao đe Isơrael. Sư oei tơ Pơlei Tirsa, pơgơ̆r lăp 'bar sơnăm đĕch.

II Pot 17:13

Mă-lei Kră Yang yua 'bơ̆r lu bơngai khan lê̆ adrol păng băt lê̆ adrol na lu sư bơtho khan kơ lu bơngai Isơrael păng lu bơngai Juđa băt: “Weh bĕ đơ̆ng trong kơnê̆ lu iĕm, athei wei răk nơ̆r Inh tơtă, păng wei răk tơdrong juăt Inh, kiơ̆ thoi dôm tơdrong juăt Inh tơtă mă Inh yua bơih 'bơ̆r lu bơngai khan lê̆ adrol bơngai đĭch đam Inh na bơtho kơ lu yă 'bok lu iĕm.”

II Ho 16:7

Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

Horiso 115:4

Rup yang lu sư man păng hu maih. Noh đơ̆ng ti kon bơngai pơm.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Êsai 2:8

Dêh noh 'bĕnh-'bang kơ rup yang; lu sư kơkuh kơ rup yang đêl tơpang ti lu sư pơm kơdih. Đơ̆ng hơnglâu ti lu sư pơm.

Hôsia 1:4

Na Kră Yang khan kơ sư: “Athei krao anăn sư Jêsreel, yua kơ ưh pă đunh dơ̆ng boih, Inh gô phak adrĕch Jêhu yua kơ pham lu bơngai sư pơlôch tơ Jêsreel păng Inh gô pơtôch lê̆ dêh char Isơrael.

Jang 2:23

Đe rôp Sư kiơ̆ thoi 'Bok Kei-Dei pơkă lê̆ hơdrol. Lu iĕm pơlôch Sư. Lu iĕm athei lu bơngai pơm kơnê̆ pơ̆ng pơlôch Sư tơ 'long pơglang.