I Pot 16:34 - Sơ̆p Hlabơar Nơ̆r 'Bok Kei-Dei

³⁴ Lăm chăl Ahap pơgơ̆r, Hiel đơ̆ng pơlei Bethel tơiung pơdơ̆ng Pơlei Jêrikô. Lăp sư wă man jrăng hơnă hnam Abiram kon drŏ-nglo kơdră sư lôch, kơplah sư pơm 'măng jang, Sêgup kon adruch sư lôch. Trŏ thoi nơ̆r Kră Yang, yua 'bơ̆r Jôsuê, kon drŏ-nglo Nun đei khan lê̆ adrol.

I Pot 16:34 ပူးပေါင်းရင်းမြစ်များ

II Sam 10:5

Đawit kơtơ̆ng tơdrong ei, na sư wơh lu bơngai năm sơng lu đe ei, yua kơ lu sư mơn mơlâu dêh, pơtao pơkă kơ lu sư: “Lu iĕm oei tơ pơlei Jêrikô dĭng truh tơ sŏk kang lu iĕm chăt 'mơ̆i; na lu iĕm wih brŏk.”

Esơra 2:34

bơngai pơlei Jêrikô, pêng-hrĕng puăn-jĭt pơđăm;

Sa 1:5

Bê̆ tơ yơ 'bok yă lu iĕm dang ei? Păng lu 'bok khan lê̆ adrol noh hăm đei arih ling-lang ưh?

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Jôsuê 6:26

Kơplah noh Jôsuê pơma pơkă pơkăm thoi âu: Bơngai bu man pơdơ̆ng ming pơlei Jêrikô, đe gô hiap pơtê̆ 'bơ̆t anăp Kră Yang! Bu man pơdơ̆ng ming hơnă sư, kon drŏ-nglo kơdră sư gô lôch, bu man pơdơ̆ng ming măng jang pơlei, kon hơdruch sư gô lôch.