I Pot 16:33 - Sơ̆p Hlabơar Nơ̆r 'Bok Kei-Dei

³³ Ahap kư̆m man minh pôm rup yang yă Asêra. Ahap pơm lơ tơdrong yoch kơnê̆, pơm tơblĕk Kră Yang 'Bok Kei-Dei đe Isơrael hloh kơ lu pơtao đe Isơrael adrol kơ sư.

I Pot 16:33 ပူးပေါင်းရင်းမြစ်များ

I Pot 14:9

Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

I Pot 16:25

Ômri pơm kơnê̆ 'bơ̆t anăp Kră Yang. Sư pơm tơdrong kơnê̆ hloh kơ đĭ-đăng lu bơngai adrol kơ sư.

I Pot 18:19

Thoi noh ih athei bĕ đe năm krao akŭm đĭ-đăng lu bơngai Isơrael, tơ'bơ̆p inh tơ kông Karmel păng puăn-hrĕng pơđăm-jĭt 'nu lu bơngai khan lê̆ adrol gah yang Baal, păng puăn-hrĕng 'nu lu bơngai khan lê̆ adrol yang Asêra păng lu bơngai sŏng sa tơ gơ'bang Jêsebel.

I Pot 21:19

Ih khan kơ sư: “Kră Yang khan: Hăm trŏ kơ ih pơlôch tơ'ngla sư bơih păng tơgar iŏk mir sư?” Ih kư̆m khan kơ sư: Kră Yang khan: ‘Tơ anih mă kŏ liah bơih pham Nabôt, kŏ kư̆m gô liah pham ih.’ ”

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

II Pot 13:6

Mă-lei, lu sư kuă kơ achăng lê̆ ôh tơdrong yoch Jêrôbôam, tơdrong mă pơtao noh hlôi pơm bơih kơ đe Isơrael pơm yoch; lu sư oei hơnơ̆ng kơ pơm yoch đĕch; dĭng mah rup man yang Asêra oei pơdơ̆ng lê̆ dơ'nhơ̆ng lăm pơlei Samari.

II Pot 17:16

Lu sư achăng hŭt lê̆ đĭ-đăng dôm nơ̆r Kră Yang 'Bok Kei-Dei lu sư tơtă, lu sư man kơdih 'bar tŏ rup rơmo kon păng pơm rup yang Asêra păng kơkuh kơ đĭ-đăng lu yang kơpal rơwơ̆ng, păng kơkuh kơ yang Baal.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Ho 21:13

Na đĭ kiơ̆ trong lu pơtao bơngai Isơrael, pơhlŭ pơtơm kon pơlei Juđa păng kon pơlei lăm Jêrusalem ngôi kư̆ kă kơkuh kơ rup Yang thoi adrĕch Ahap đei pơm boih păng kư̆m pơlôch boih lu oh ih đơ̆ng hnam 'bă ih, lu sư arih sa 'lơ̆ng hloh kơ ih,

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.