I Pot 16:2 - Sơ̆p Hlabơar Nơ̆r 'Bok Kei-Dei

² Inh tơiung atŏk ih đơ̆ng 'mui teh ăn kơ ih pơm pơtao lu kon pơlei pơla Isơrael Inh. Mă-lei ih năm kiơ̆ trong Jêrôbôam păng pơm kơ lu bơngai Isơrael kon pơlei pơla Inh pơm yoch, pơm tơblĕk Inh hăm tơdrong yoch lu sư.

I Pot 16:2 ပူးပေါင်းရင်းမြစ်များ

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 14:7

Roi bĕ kơ Jêrôbôam 'nâu Kră Yang 'Bok Kei-Dei Isơrael khan: “Inh pôk atŏk ih đơ̆ng lăm kon pơlei pơla, ăn kơ ih pơm pơtao Isơrael kon pơlei pơla inh.

I Pot 15:26

Sư pơm tơdrong yoch kơnê̆ 'bơ̆t anăp Kră Yang, năm kiơ̆ trong pơm yoch thoi 'bă sư đei pơm bơih, pơm kơ lu bơngai Isơrael pơm yoch kiơ̆.

I Pot 15:34

Sư pơm tơdrong yoch kơnê̆ 'bơ̆t anăp Kră Yang, sư năm kiơ̆ trong Jêrôbôam păng tơdrong yoch sư, sư kư̆m pơm ăn kơ bơngai Isơrael dai wang pơm yoch kiơ̆.

Le 32:21

Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Mathiơ 5:19

Thoi noh na dah bu tŭk minh apăk dah minh nơ̆r tơdrong juăt iĕ ioch păng sư bơtho đe wă kơ đe tŭk mơ̆n, bơngai 'noh 'Bok Kei-Dei jô̆ sư bơngai iĕ hloh kơ đĭ-đăng lăm lu bơngai lui. Mă-lei dah bu kiơ̆ trŏ kơ tơdrong juăt păng sư bơtho đe wă kơ đe pơm kiơ̆ mă trŏ mơ̆n, bơngai 'noh gơh pơm tih lăm lu bơngai lui.

Luka 1:52

Sư tơjur tŭk đĭ lu bơngai mă pơm tih sơ̆, na atŏk dơ̆ng lu bơngai mă pơm iĕ hloh kơ đe.

I Sam 2:24

'Nĕ pă pơm thoi noh, ơ bre kon drŏ-nglo inh, ưh kơ 'lơ̆ng ôh tơdrong inh kơtơ̆ng lu kon pơlei Kră Yang roi pơdah rai să.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.