I Pot 16:16 - Sơ̆p Hlabơar Nơ̆r 'Bok Kei-Dei

¹⁶ Lăp lu linh lăm kơđông kơtơ̆ng đe khan Simri blơ̆ păng pơlôch pơtao. Đĭ-đăng kon pơlei pơla Isơrael pôk Ômri bơngai mă pơm yŏng linh, ăn kơ sư pơm pơtao Isơrael.

I Pot 16:16 ပူးပေါင်းရင်းမြစ်များ

I Pot 15:27

Baasa kon drŏ-nglo Ahija adrĕch hnam Isakar chă đon wă pơm kơnê̆ kơ sư, lăm kơplah Nađap păng lu bơngai Isơrael wang blah iŏk pơlei Gibêthôn, pơlei lu bơngai Philistin. Na Baasa pơlôch sư.

I Pot 16:15

Lăm sơnăm mă 'bar-jĭt tơpơh chăl Asa pơm pơtao đe Juđa, Simri pơgơ̆r 'nao lăp tơpơh năr tơ lăm Pơlei Tirsa. Kơplah noh lu linh Isơrael oei wang tăp dăr Pơlei Gibêthôn, pơlei lu bơngai Philistin.

I Pot 16:17

Na Ômri păng đĭ-đăng kon pơlei Isơrael tŏk đơ̆ng Pơlei Gibêthôn năm wang tơ Pơlei Tirsa.

I Pot 16:30

Ahap kon drŏ-nglo Ômri pơm tơdrong kơnê̆ 'bơ̆t anăp Kră Yang hloh kơ đĭ-đăng lu pơtao adrol kơ sư.

II Pot 8:26

Ahasia sư 'bar-jĭt sơnăm kơplah sư tŏk pơm pơtao păng sư pơgơ̆r minh sơnăm tơ Pơlei Jêrusalem. Mĕ sư anăn Athalia, sâu Ômri, pơtao đe Isơrael.

II Ho 22:2

Ahasia 'nao lăp 'bar-jĭt 'bar sơnăm năr sư iung pơm pơtao; sư pơgơ̆r minh sơnăm lăm pơlei tih Jêrusalem; mĕ sư anăn Athalia, Sâu drŏ-kăn Ômri.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.