I Pot 16:12 - Sơ̆p Hlabơar Nơ̆r 'Bok Kei-Dei

¹² Thoi noh Simri pơlôch pơđĭ boih adrĕch hnam Baasa, kiơ̆ thoi nơ̆r Kră Yang đei khan bơih kơ Jêhu 'bok khan lê̆ adrol nơ̆r noh blah Baasa,

I Pot 16:12 ပူးပေါင်းရင်းမြစ်များ

I Pot 14:18

Đe 'bŭ sư, đĭ-đăng Isơrael nhơ̆m hmoi kơ sư, 'blep thoi nơ̆r Kră Yang yua 'bơ̆r Ahija 'bok khan lê̆ adrol đei khan bơih noh.

I Pot 15:16

Asa pơtao đe Juđa, Baasa pơtao đe Isơrael, bre sư tơblah băl hơnơ̆ng truh đĭ chăl arih bre sư.

I Pot 16:1

Đei nơ̆r Kră Yang tơbăt kơ Jêhu, kon drŏ-nglo Hanani nơ̆r noh tơblah hăm Baasa:

I Pot 16:3

Yua kơ thoi noh na Inh gô pơlôch pơgoh lê̆ Baasa, păng đĭ hnam dơnŏ adrĕch sư, Inh gô pơm kơ hnam sư răm đĭ, thoi hnam Jêrôbôam kon drŏ-nglo Nêbat.

I Pot 16:7

Đei dơ̆ng nơ̆r Kră Yang khan kơ Jêhu 'bok khan lê̆ adrol, kon Hanani, nơ̆r noh blah Baasa păng adrĕch sư, yua kơ tơdrong yoch kơnê̆ mă sư đei pơm 'bơ̆t anăp Kră Yang, păng tơblĕk Kră Yang hăm tơdrong sư pơm, sư pơm rok thoi adrĕch hnam Jêrôbôam păng yua kơ sư pơlôch pơrăm adrĕch hnam noh.

I Pot 17:16

Tơpŭng ưh kơ đĭ đơ̆ng lăm ge, đak rơmă ôliwơ kư̆m ưh kơ đĭ đơ̆ng lăm get, trŏ thoi nơ̆r Kră Yang đei yua Êli bơtho akhan.

II Pot 14:25

Sư pơdrâu iŏk đơ̆ng hơdral dêh char Isơrael đơ̆ng 'bơ̆t trong mơ̆t tơ Pơlei Libo Hamat truh tơ đak Dơsĭ Araba, kiơ̆ thoi nơ̆r Kră Yang 'Bok Kei-Dei đe Isơrael khan kơ Jôna đĭch đam Sư kon drŏ-nglo Amitai 'bok khan lê̆ adrol mă oei tơ Pơlei Gat Hepher.

II Ho 10:15

Thoi noh, pơtao ưh kơ wă mơ̆ng kiơ̆ kon pơlei, yua kơ tơdrong noh trŏ thoi Kră Yang 'Bok Kei-Dei khan wă kơ pơsĭt kơ nơ̆r Kră Yang đei khan kơ Ahija bơngai pơlei Silô khan kơ Jêrôbôam kon drŏ-nglo Nêbat.

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

II Ho 20:34

Dôm tơdrong jang nai Jêhôsaphat pơm đơ̆ng blŭng-a truh tơ tôch đei chih răk lăm sơ̆p hla bơar hơ'mon Jêhu, kon drŏ-nglo Hanani, tơdrong hơ'mon noh đei chih răk boih lăm sơ̆p hla bơar lu pơtao Isơrael.

Tơdrông Pơđơk 26:6

Bu gơnang kơ bơngai kơwao năm roi tơbăt kơ đe. Thoi koh lê̆ jơ̆ng chơ̆ng lê̆ blu sư kơdih păng huch iŏk tơdrong răm.