I Pot 15:5 - Sơ̆p Hlabơar Nơ̆r 'Bok Kei-Dei

⁵ yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 15:5 ပူးပေါင်းရင်းမြစ်များ

I Pot 14:8

Inh iŏk lê̆ teh đak đơ̆ng hnam Đawit na pơjao ăn kơ ih; mă-lei ih ưh kơ pơm rok kiơ̆ Đawit đĭch đam Inh, sư wei răk tơdrong juăt Inh păng kiơ̆ nơ̆r Inh tơtă hăm đĭ jơhngơ̆m, sư pơm tơdrong 'lơ̆ng tơpăt 'bơ̆t anăp Inh.”

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

I Pot 9:4

“Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

II Pot 22:2

Sư pơm 'lơ̆ng 'bơ̆t anăp Kră Yang, năm kiơ̆ tôm tơdrong Đawit, 'bok kơdră sư sơ̆, sư ưh kơ weh gah 'ma dah gah 'ngiĕo ôh.

II Ho 34:2

Sư pơm 'lơ̆ng 'bơ̆t anăp Kră Yang, kiơ̆ trong Đawit, 'bok sư, ưh kơ weh gah 'ngiĕo dah gah 'ma.

Horiso 119:102

Inh ưh kơ đei achăng lê̆ nơ̆r tơtă Ih. Yua kơ Ih kơdih đei bơtho tơ'bôh kơ inh.

Horiso 119:6

Inh ưh kơ đei mơlâu ôh. Kơplah inh lăng tơ lu nơ̆r Ih tơtă,

Horiso 51:1

Ơ Kră Yang 'Bok Kei-Dei! Apinh mơnat ăn kơ inh kiơ̆ thoi tơdrong 'mêm Ih. Apinh Ih sut lê̆ dôm tơdrong inh pơm yoch, kiơ̆ kơ Ih mơnat.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Both 17:20

wă kơ jơhngơ̆m klơm klak sư huay kơ pơang păng pơdê kơ lu 'nhŏng oh sư păng huay kơ weh tơ gah 'ma gah 'ngiĕo, achăng lê̆ nơ̆r tơtă 'nâu, wă kơ pơtao păng kon sâu pơtao gơh pơgơ̆r đunh sot oei lăm char Isơrael.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.