I Pot 15:27 - Sơ̆p Hlabơar Nơ̆r 'Bok Kei-Dei

²⁷ Baasa kon drŏ-nglo Ahija adrĕch hnam Isakar chă đon wă pơm kơnê̆ kơ sư, lăm kơplah Nađap păng lu bơngai Isơrael wang blah iŏk pơlei Gibêthôn, pơlei lu bơngai Philistin. Na Baasa pơlôch sư.

I Pot 15:27 ပူးပေါင်းရင်းမြစ်များ

I Pot 14:14

Kră Yang Sư kơdih gô tơiung kơ minh 'nu pơm pơtao pơgơ̆r Isơrael, sư gô pơlôch pơđĭ hnam dơnŏ Jêrôbôam lăm năr 'nâu hloi? Tơpă năr 'nâu hloi.

I Pot 15:28

Sơnăm mă pêng lăm chăl Asa pơm pơtao đe Juđa Baasa pơlôch Nađap păng pơm pơtao pơgơ̆r tơplih hloi.

I Pot 16:10

Simri mơ̆t lăm hnam teh păng 'bet pơlôch hloi Êla lăm sơnăm mă 'bar-jĭt tơpơh chăl Asa pơm pơtao đe Juđa, đơ̆ng noh Sư tŏk pơm pơtao pơtrơp hloi.

I Pot 16:15

Lăm sơnăm mă 'bar-jĭt tơpơh chăl Asa pơm pơtao đe Juđa, Simri pơgơ̆r 'nao lăp tơpơh năr tơ lăm Pơlei Tirsa. Kơplah noh lu linh Isơrael oei wang tăp dăr Pơlei Gibêthôn, pơlei lu bơngai Philistin.

I Pot 16:16

Lăp lu linh lăm kơđông kơtơ̆ng đe khan Simri blơ̆ păng pơlôch pơtao. Đĭ-đăng kon pơlei pơla Isơrael pôk Ômri bơngai mă pơm yŏng linh, ăn kơ sư pơm pơtao Isơrael.

I Pot 16:17

Na Ômri păng đĭ-đăng kon pơlei Isơrael tŏk đơ̆ng Pơlei Gibêthôn năm wang tơ Pơlei Tirsa.

I Pot 16:7

Đei dơ̆ng nơ̆r Kră Yang khan kơ Jêhu 'bok khan lê̆ adrol, kon Hanani, nơ̆r noh blah Baasa păng adrĕch sư, yua kơ tơdrong yoch kơnê̆ mă sư đei pơm 'bơ̆t anăp Kră Yang, păng tơblĕk Kră Yang hăm tơdrong sư pơm, sư pơm rok thoi adrĕch hnam Jêrôbôam păng yua kơ sư pơlôch pơrăm adrĕch hnam noh.

I Pot 16:9

Simri bơngai pơm yŏng wei-lăng minh puăt gre aseh sư, chă đon pơm kơnê̆ kơ sư. Êla oei lăm Pơlei Tirsa, kơplah et tơdrô suai tơ lăm hnam Arsa bơngai wei-lăng hnam pơtao tơ pơlei Tirsa,

II Pot 12:20

Lu đĭch đam Jôas iung blơ̆ lê̆ sư, pơlôch sư tơ Bet Milô, 'bơ̆t trong jur tơ Pơlei Sila.

II Pot 12:21

Jôsaka, kon drŏ-nglo Simêat păng Jêhôsabat, kon drŏ-nglo Sômer, bre sư noh đĭch đam Jôas, bre sư pơlôch Jôas. Đe 'bŭ sư hơdai hăm lu 'bok kơdră sư tơ Pơlei Đawit; đơ̆ng noh Amasia, kon drŏ-nglo sư pơtrơp pơgơ̆r tơplih sư.

II Pot 9:14

Thoi noh Jêhu kon drŏ-nglo Jêhôsaphat, sâu Nimsi, sư chă đon wă blah pơtao Jôram. Kơplah noh Jôram păng đĭ-đăng linh Isơrael oei wă găn blah pơtao Hasael pơtao đe Aram tơ Pơlei Ramôt Galaat.

II Ho 24:25

Wă lu linh Siri weh tơ nai boih, lê̆ Jôas đei rơka jrŭ dêh. Lu Yŏng bơ̆jang kơ sư pơđâu wă pơm kơnê̆ kơ sư, wă tơiung kơting pơm 'mong pham kơ kon drŏ-nglo Jêhôiada 'bok soi, na đe pơlôch hloi Jôas 'bơ̆t kơpal giơng tep sư; đe 'bŭ sư tơ lăm Pơlei Đawit, mă-lei ưh kơ 'bŭ hơdai lu pơtao.

Jôsuê 19:44

Êltêkê, Gibêthôn, Balat,

Jôsuê 21:23

Lu đe iŏk đơ̆ng adrĕch Đan, pơlei Êltêkê Gibêthôn,