I Pot 15:25 - Sơ̆p Hlabơar Nơ̆r 'Bok Kei-Dei

²⁵ Lăm sơnăm mă 'bar chăl Asa pơm pơtao đe Juđa, Nađap kon drŏ-nglo Jêrôbôam pơm pơtao pơgơ̆r lu bơngai Isơrael, sư pơgơ̆r lăm 'bar sơnăm.

I Pot 15:25 ပူးပေါင်းရင်းမြစ်များ

I Pot 13:34

Tơdrong 'nâu jing tơdrong yoch kơnê̆ tih kơ adrĕch hnam Jêrôbôam pơm ăn kơ dêh char sư pơchah pơchek păng đe pơlôch đĭ-đăng đơ̆ng kơpal teh đak âu.

I Pot 14:12

Thoi noh, iung brŏk bĕ, lăp ih wă mơ̆t tơ pơlei kon ih gô lôch.

I Pot 14:20

Jêrôbôam pơgơ̆r 'bar-jĭt 'bar sơnăm, đơ̆ng noh sư lôch năm oei hơdai hăm lu 'bok kơdră sư, kon drŏ-nglo sư anăn Nađap tŏk pơgơ̆r pơtrơp sư.

I Pot 15:26

Sư pơm tơdrong yoch kơnê̆ 'bơ̆t anăp Kră Yang, năm kiơ̆ trong pơm yoch thoi 'bă sư đei pơm bơih, pơm kơ lu bơngai Isơrael pơm yoch kiơ̆.

I Pot 16:21

Lu bơngai Isơrael tơklah jing 'bar khŭl; minh khŭl kiơ̆ Tipni, kon drŏ-nglo Ginat, wă pôk sư pơm pơtao; minh khŭl kiơ̆ Ômri.