I Pot 15:19 - Sơ̆p Hlabơar Nơ̆r 'Bok Kei-Dei

¹⁹ “Ba athei pơgơ̆p băl, thoi 'bă ba đei pơgơ̆p băl sơ̆; 'nâu tơmam hu, maih inh pơyơ̆r gơih ăn kơ ih. Dang ei ih athei sut lê̆ đĭ đêl ih pơgơ̆p hăm Baasa pơtao Isơrael, wă kơ sư weh ataih đơ̆ng inh.”

I Pot 15:19 ပူးပေါင်းရင်းမြစ်များ

II Sam 21:2

Bơngai Gibeôn ưh kơ trŏ gah adrĕch kon pơlei Isơrael, mă-lei lu sư adrĕch Amôrit mă oei oei. Bơngai Isơrael pơkă ưh kơ wă pơlôch lu sư, mă-lei pơtao Sôl yua kơ đei jơhngơ̆m lăp kơ lu adrĕch adrung Isơrael păng Juđa, lei na chă đon pơlôch lu sư. Na pơtao krao akŭm lu bơngai Gibeôn.

I Pot 15:16

Asa pơtao đe Juđa, Baasa pơtao đe Isơrael, bre sư tơblah băl hơnơ̆ng truh đĭ chăl arih bre sư.

II Pot 18:15

Hesekia ăn kơ sư dôm lu jên hu đơ̆ng lăm hnam akŭm kơkuh kơ Kră Yang păng đơ̆ng lăm hnam mong tơmam anih pơtao.

II Ho 16:3

“Bĕ ba pơgơ̆p hơdai ih hăm inh thoi bre 'bă ih hăm 'bă inh sơ̆. 'Nâu, inh gơih ăn kơ ih hu, maih. Apinh ih 'nĕ pă pơgơ̆p hăm Baasa pơtao Isơrael dơ̆ng, wă kơ sư weh đơ̆ng char inh.”

II Ho 16:7

Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Rom 1:31

Bơ̆n pơm tôm tơdrong kơnê̆ kư̆ kă, đon bơ̆n jing ưh kơ tơpăt nŏng kơ hơlĕnh kơ đe ling-lang, ưh kơ băt mơnat kơ bôl buăl tŏ sĕt.

Rom 3:8

Mă tơdrong pơm kơnê̆ kư̆m lei-lăi. Bơ̆n 'nĕ pă tơchĕng khan trŏ. Na đei lu bơngai mơ'nah khan inh Pôl bơtho đe thoi noh; mă tơpă inh ưh kơ bơtho đe thoi noh ôh. Bơngai bu jô̆ kơ inh bơtho đe thoi noh, bơngai noh 'Bok Kei-Dei phak sư tơpă ning-mônh.