I Pot 15:13 - Sơ̆p Hlabơar Nơ̆r 'Bok Kei-Dei

¹³ Sư kư̆m plôh tơlĕch yă sư Maaka đơ̆ng pơm yă pơtao lăm hnam pơtao, yua kơ yă sư man gơ̆ng rup yang Asêra drŏ-kăn mă kơnê̆ krưp dêh. Asa kư̆m teh tơpăk lê̆ gơ̆ng pôm yang păng soh rŭk lê̆ tơ lăm thŭng Kidrôn.

I Pot 15:13 ပူးပေါင်းရင်းမြစ်များ

II Sam 15:23

Đĭ-đăng kon pơlei lăm pơlei Jêrusalem nhơ̆m ôr re kơplah lu khŭl tơpôl kon pơlei yak năm. Pơtao năm rok trong thŭng Kidrôn păng đĭ-đăng kon pơlei pơla năm rok tơklă tơ trong gah tơmăn glă.

I Pot 15:10

Sư pơgơ̆r puăn-jĭt mônh sơnăm lăm pơlei Jêrusalem. Yă tơm gah 'bă sư anăn Maaka kon drŏ-kăn Abisalom.

I Pot 15:2

Sư pơgơ̆r pêng sơnăm lăm Pơlei Jêrusalem. Mĕ sư anăn Maaka kon drŏ-kăn Abisalom.

I Pot 2:19

Yă Batsêba năm tơ'bơ̆p pơtao Sôlômôn wă roi ăn kơ sư tơdrong Adonija wă noh, na pơtao Sôlômôn iung năm sơng păng kŭp kơ̆l kơkuh kơ mĕ sư, đơ̆ng noh sư hơ-oei tơ tang-dŏ pơtao sư păng athei đe iŏk ăn kơ mĕ sư tang-dŏ wă kơ hơ-oei, na mĕ sư hơ-oei gah 'ma kơ sư.

II Pot 10:26

Lu sư yuih lê̆ gơ'bang soi đơ̆ng lăm hnam yang Baal; na soh lê̆.

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 23:4

Na pơtao tơtă kơ Hilkia 'bok soi tơm, wơh lu 'bok soi nai păng wơh lu bơngai wei 'măng Hnam akŭm, athei lu sư chĕp ba đĭ dôm lu tơmam đơ̆ng Hnam Kră Yang lu tơmam mă đe pơm wă soi sơmah kơ yang Baal yang Asêra păng đĭ-đăng tơmam kơkuh kơ yang kơpal anê̆ rơwơ̆ng, sư athei đe soh lê̆ dôm tơmam 'noh tơ jih Pơlei Jêrusalem, lăm thŭng Kidrôn, đơ̆ng noh chĕp ba rơnok tơnuh sư tơ Pơlei Bethel.

II Pot 23:6

Sư iŏk lê̆ rup yang Asêra đơ̆ng lăm Hnam akŭm kơkuh kơ Kră Yang, chĕp ba tơ jih Pơlei Jêrusalem, truh tơ thŭng Kidrôn, soh lê̆ tơ ei dĭng rơnok đĭ, đơ̆ng noh prôi rơnok ei kơpal bơsat kon pơlei.

II Ho 34:4

Đe teh pơchah lê̆ đĭ lu chơnang soi kơ lu rup yang Baal 'bơ̆t anăp sư, teh pơchah pơhĕch lu chơnang soh 'long 'bâu phu kơpal chơnang soi noh; lu rup yang Asêria, rup yang đe traih păng rup yang đe hling tuh, teh tơgơ̆ tơpơ̆k lê̆, teh pơhĕch, na iŏk prôi tơ kơpal bơsat lu bơngai lôch mă đêl soi sơn ah kơ sư păng pơm rup yang noh.

Le 32:20

Môis iŏk rup kon rơmo lu sư pơm soh hloi tơ lăm ŭnh, đơ̆ng noh sư peh pơhĕch jing gơnơ̆k păng iŏk gơnơ̆k noh tuh tơ lăm đak, klaih kơ noh ăn lu kon pơlei Isơrael nhă.

Lêwi 26:30

Inh gô pơrăm đĭ lu chơnang soh tơmam 'bâu phu tơ anih kơjung iĕm, teh pơchah lê̆ rup măt 'năr iĕm păng dan akâu lôch iĕm kơpal lu rup yang iĕm man păng Inh gô hil areh krưp kơ iĕm.

Sa 13:3

Đơ̆ng âu tơ anăp tơdah bu mă oei khan lê̆ adrol, na mĕ 'bă lu sư bơngai tơpŭ kơ lu sư, gô khan kơ lu sư thoi âu: ‘E ưh pă arih boih yua kơ e yua anăn Kră Yang pơma hơlĕnh.’ Mĕ 'bă lu sư gô 'bet sư tơdah sư khan lê̆ adrol.

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Yo 18:1

Yêsu krao khan đang boih, na Sư hăm lu bơngai pơhrăm păng Sư weh đơ̆ng ei na yak hlôi kơ thong đak Kidrôn. Tơ noh đei minh hlak pơgar na lu sư mơ̆t lăm ei.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Galati 2:14

Inh 'bôh lu sư kiơ̆ tơdrong 'nao 'lơ̆ng Yêsu ưh kơ 'blep trŏ thoi noh boih na inh bơtho Pêtrôs 'bơ̆t anăp lu sư thoi âu: “Ih bơngai Juđê, krô hmă ih ưh pă wă kiơ̆ boih tơdrong juăt bơngai Juđê, na dang ei thoi yơ ih wă athei lu bơngai ưh kơ khŭl bơ̆n kiơ̆ tơdrong juăt bơ̆n so dơ̆ng?”

Both 33:9

Lêwi pơma khan: Inh ưh kơ lah 'bôh mĕ 'bă inh; Inh ưh kơnăl kơ 'nhŏng oh inh păng inh ưh kơ băt kon hơ'lơ̆p inh Yua kơ sư chu kiơ̆ nơ̆r Kră Yang. Kral kơchăng wei răk tơdrong pơgơ̆p Kră Yang.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

Both 9:21

Đơ̆ng noh inh iŏk tơmam, rup kon rơmo mă lu iĕm pơm păng soh lê̆ lăm ŭnh, teh pơhĕch lê̆, dĭng thoi 'mui teh; đơ̆ng noh inh tuh hŭt lê̆ 'mui noh lăm glung đak ro đơ̆ng kông.

Jôsuê 6:24

Đơ̆ng noh lu sư soh rông chhông đĭ hnam lăm pơlei păng đĭ lu tơmam lăm noh, Hu, Maih, kong, mam đĕch tah lăm hnam mong tơmam Kră Yang.