I Pot 14:9 - Sơ̆p Hlabơar Nơ̆r 'Bok Kei-Dei

⁹ Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

I Pot 14:9 ပူးပေါင်းရင်းမြစ်များ

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

I Pot 14:16

Yua kơ Jêrôbôam pơm yoch păng pơm ăn kơ lu bơngai Isơrael jing yoch na Kră Yang achăng hŭt lu sư.”

I Pot 14:22

Khŭl bơngai Juđa pơm yoch kơnê̆ 'bơ̆t anăp Kră Yang. Lu sư pơm yoch tơblĕk Kră Yang hloh kơ lu 'bok yă lu sư pơm sơ̆.

I Pot 15:29

Lăp sư 'nao pơm pơtao, sư pơlôch pơđĭ lu bơngai gah adrĕch hnam Jêrôbôam, ưh kơ lê̆ minh 'nu bơngai bu arih, lăm hnam dơnŏ Jêrôbôam sư kư̆m pơlôch pơđĭ kiơ̆ thoi nơ̆r Kră Yang yua 'bơ̆r Ahija đĭch đam Sư pơlei Silô.

I Pot 15:30

Tơdrong noh yua kơ đơ̆ng tơdrong yoch Jêrôbôam pơm kơ lu bơngai Isơrael dai pơm yoch păng pơm tơblĕk Kră Yang 'Bok Kei-Dei đe Isơrael.

I Pot 15:34

Sư pơm tơdrong yoch kơnê̆ 'bơ̆t anăp Kră Yang, sư năm kiơ̆ trong Jêrôbôam păng tơdrong yoch sư, sư kư̆m pơm ăn kơ bơngai Isơrael dai wang pơm yoch kiơ̆.

I Pot 16:25

Ômri pơm kơnê̆ 'bơ̆t anăp Kră Yang. Sư pơm tơdrong kơnê̆ hloh kơ đĭ-đăng lu bơngai adrol kơ sư.

I Pot 16:30

Ahap kon drŏ-nglo Ômri pơm tơdrong kơnê̆ 'bơ̆t anăp Kră Yang hloh kơ đĭ-đăng lu pơtao adrol kơ sư.

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.

I Pot 16:33

Ahap kư̆m man minh pôm rup yang yă Asêra. Ahap pơm lơ tơdrong yoch kơnê̆, pơm tơblĕk Kră Yang 'Bok Kei-Dei đe Isơrael hloh kơ lu pơtao đe Isơrael adrol kơ sư.

II Pot 21:3

Sư hơmet ming lu hnam kơkuh kơ rup yang tơ kơpal kông đêl 'bă sư Hesekia yuih pơrăm lê̆ bơih; sư pơm ming chơnang soi kơkuh kơ yang Baal, pơdơ̆ng pơm ming rup Asêra lei-lăi thoi Ahap, pơtao đe Isơrael hlôi pơm bơih sơ̆, Sư soi sơmah kơ đĭ-đăng lu yang kơpal plĕnh păng bơ̆jang ăn kơ lu sư.

II Pot 23:26

Mă-lei, Kră Yang oei blĕk, Sư hil mĭl kơ lu bơngai Juđa ưh kơ hơi ôh, oei ơh blĕk yua kơ tơdrong yoch mă Manase oei pơm

II Pot 3:3

Mă khan lei ră, sư kư̆m hưch hanh kiơ̆ tơdrong yoch Jêrôbôam, kon drŏ-nglo Nêbat, noh jơ̆ yoch mă hlôi pơm ăn kơ lu bơngai Isơrael pơm yoch. Sư ưh kơ chu achăng lê̆.

II Ho 11:15

Jêrôbôam chă pôk pơjing lu 'bok soi sư kơdih tơ lu anih kơjung, kơ lu rup yang sư man noh bơbe tơno păng kon rơmo

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Horiso 106:29

Lu sư tơblĕk Kră Yang hăm tơdrong jang lu sư pơm kơnê̆. Păng jĭ lôch hơbuh truh tơ lăm lu sư,

Horiso 50:17

Tơpă ih areh kơ tơdrong Inh bơtho pơrăm, Hŭt lê̆ tơ rŏng dôm nơ̆r Inh bơtho

Horiso 78:40

Băt đei hơdôm wơ̆t lu sư pơm kơnê̆ hăm Kră Yang tơ char 'blach, păng pơm ăn kơ Sư sơ'ngon tơ teh dơnă!

Horiso 78:56

Mă-lei, lu sư pơlong lăng pơjăng pơjah hăm Kră Yang 'Bok Kei-Dei Tih Hloh, Ưh kơ chu kiơ̆ tơdrong juăt Kră Yang;

Horiso 78:58

Đơ̆ng anih kơjung lu sư pơm kơ Kră Yang blĕk; Pơm ăn kơ Sư hil ơha yua kơ rup yang,

Le 34:17

Ih 'nĕ kơ pơm lu rup yang.

Je 32:18

Ih tơ'bôh boih tơdrong Ih 'mêm rơbâu rơngan jơhnơr, mă-lei gô phak tơpŭ tơdrong yoch đơ̆ng 'bă kơ lu kon sâu sư đơ̆ng rŏng. Ih boih Kră Yang, 'Bok Kei-Dei, Tơ'ngla mơsêh mơyang tih, anăn Ih Kră Yang Tih Hloh.

Je 7:18

Lu hơ'lơ̆p dônh 'long ŭnh, 'bă tơkuh ŭnh, lu drŏ-kăn jrâu tơpŭng pơm 'bĕng pơyơ̆r kơ pơtao Drŏ-kăn tơ Plĕnh ti; păng lu sư kư̆m tuh pơyơ̆r tơmam huch kơ lu yang nai, pơm wă Inh klai.

Je 7:26

Mă-lei lu sư arăng kơ̆l ưh kơ wă mơ̆ng Inh, kư̆m ưh kơ wă pơgling đon mơ̆n, lu sư rai pơm kơnê̆ hloh kơ lu 'bok yă sư.

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Êsêkiên 8:17

Sư khan kơ inh: “Ơ kon bơngai, ih hăm 'bôh ưh? Noh adrĕch Juđa oei đei pơm tơdrong yoch kơnê̆ krưp, hăm trŏ tơdrong iĕ dah liơ? Lu sư pơm tơdrong kơnê̆ 'bĕnh lăm teh đak âu, păng tơblĕk Inh ling-lang dơ̆ng. Âu, lăng bĕ lu sư tah 'long lăm trôm muh wă tơblĕk Inh!

Êsêkiên 8:3

Sư yơ̆r kiơ noh thoi tơpang ti, rôp sŏk tơ kơpal kơ̆l inh. Yang Bơhngol pôk hơtŏk inh tŏk-bŏk teh hăm plĕnh, păng lăm tơdrong Kră Yang 'Bok Kei-Dei tơ'bôh sư ba inh mơ̆t tơ pơlei Jêrusalem tơ trong 'măng jang gah yă-nơ̆m kơ cham gah lăm, anih mă đe dan rup yang areh wă khan rup yang mă pơm kơ 'Bok Kei-Dei areh.

Lêwi 19:4

'Nĕ kơ man rup yang păng kư̆m 'nĕ kơ tuh hling pơm rup yang, Inh boih Kră Yang 'Bok Kei-Dei lu iĕm.

I Kor 10:22

Dah bơ̆n oei kiơ̆ đe sa et tơmam đe sơmah kơ yang kơnê̆, 'noh dang bơ̆n pơlong Kră Yang hăm 'mêm kơ bơ̆n păng tơgar iŏk bơ̆n đơ̆ng yang kơnê̆ dah ưh. Iĕm tơchĕng bơ̆n pran tih dang yơ na mă pơlong 'Bok Kei-Dei thoi noh?

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Both 9:24

Đơ̆ng năr inh băt kơ lu iĕm truh dang ei inh 'bôh lu iĕm ling-lang pơma blah Kră Yang.

Lu 5:8

Đe rơih iŏk boih lu yang 'nao; Na lu bơngai ayăt mơ̆t tơblah truh tơ 'măng dur pơlei. Lăm lu puăn-jĭt rơbâu 'nu lu bơngai Isơrael ưh kơ đei bu đei khêl kư̆m ưh kơ đei bu đei hơlă.