I Pot 14:8 - Sơ̆p Hlabơar Nơ̆r 'Bok Kei-Dei

⁸ Inh iŏk lê̆ teh đak đơ̆ng hnam Đawit na pơjao ăn kơ ih; mă-lei ih ưh kơ pơm rok kiơ̆ Đawit đĭch đam Inh, sư wei răk tơdrong juăt Inh păng kiơ̆ nơ̆r Inh tơtă hăm đĭ jơhngơ̆m, sư pơm tơdrong 'lơ̆ng tơpăt 'bơ̆t anăp Inh.”

I Pot 14:8 ပူးပေါင်းရင်းမြစ်များ

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

II Ho 17:3

Kră Yang oei hơdai hăm Jêhôsaphat, yua kơ sư yak kiơ̆ trong 'bok Đawit, ưh kơ kiơ̆ yang Baal ôh,

II Ho 28:1

Ahas sư 'nao 'bar-jĭt sơnăm 'bơ̆t sư pơm pơtao; sư pơgơ̆r mơjĭt-tơdrâu sơnăm lăm pơlei Jêrusalem, sư ưh kơ đei pơm 'lơ̆ng 'bơ̆t anăp Kră Yang thoi 'bok sư Đawit đei pơm;

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.